Yaşar Məmmədov

Vikipediya, açıq ensiklopediya
Jump to navigation Jump to search
Yaşar Məmmədov
Yaşar Qəhrəman oğlu Məmmədov
Yaşar Məmmədov.jpg
bayraqQuba Rayon İcra Hakimiyyətinin başçısıbayraq
27 yanvar 2015 — 2 dekabr 2017
Sələfi Mübariz Ağayev
Xələfi Ziyəddin Əliyev[1]
bayraqUcar Rayon İcra Hakimiyyətinin başçısıbayraq
5 aprel 2010 — 27 yanvar 2015
Xələfi Mənsur Məmmədov
Şəxsi məlumatlar
Doğum tarixi 14 dekabr 1956 (1956-12-14) (62 yaş)
Doğum yeri Bakı şəhəri

Mükafatları "İgidliyə görə" medalı — 1995 "İgidliyə görə" medalı — 2006 II dərəcəli "Vətənə xidmətə görə" ordeni — 2016

Yaşar Məmmədov — Quba Rayon İcra Hakimiyyətinin başçısı (2015-2017).

Həyatı[redaktə | əsas redaktə]

Məmmədov Yaşar Qəhrəman oğlu 14 dekabr 1956-cı ildə Bakı şəhərində anadan olmuşdur. SSRİ Daxili İşlər Nazirliyinin Minsk Ali Məktəbini bitirmişdir. İxtisasca hüquqşünasdır.

Əmək fəaliyyətinə 1974-cü ildə Azərbaycan SSR Avtomobil Nazirliyinin Sənaye Müəssisələr İdarəsinin "Avtodetal" zavodunda başlayıb. 1975-1977-ci illərdə hərbi xidmətdə olub.

1977-2010-cu illərdə Azərbaycan SSR və Azərbaycan Respublikası Daxili İşlər Nazirliyinin Daxili işlər orqanlarında milis nəfəri, müdavim, əməliyyat müvəkkili, baş əməliyyat müvəkkili, cinayət axtarış bölməsinin rəisi, polis bölməsinin rəisi, polis şöbəsinin rəis müavini vəzifələrində xidmət etmiş, Daxili İşlər orqanlarındakı sonuncu iş yeri Ağdaş rayon Polis şöbəsinin rəisi vəzifəsi olmuşdur.

2010-cu ilin aprel ayından 2015-ci ilin yanvar ayına kimi Ucar Rayon İcra Hakimiyyətinin başçısı vəzifəsində çalışmışdır.

Azərbaycan Respublikası Prezidentinin 27 yanvar 2015-ci il tarixli Sərəncamı ilə Quba Rayon İcra Hakimiyyətinin başçısı təyin edilib.

Azərbaycan Respublikası Prezidentinin 25 dekabr 1995-ci il tarixli və 30 iyun 2006-cı il tarixli sərəncamları ilə 2 dəfə "İgidliyə görə" medalı ilə təltif olunmuşdur. Yeni Azərbaycan Partiyasının üzvüdür. Ailəlidir, bir övladı var.

İstinadlar[redaktə | əsas redaktə]