Müzəffər Əsgərov

Müzəffər Əsgərov
Müzəffər Rza oğlu Əsgərov
Doğum adı	Müzəffər
Digər adı	Müzəffər Zəfər (təxəllüs)
Doğum tarixi	9 fevral 1971
Doğum yeri	Naxçıvan MR, Şahbuz rayonu, Keçili (Şahbuz) kəndi
Milliyyəti	azərbaycanlı
Vətəndaşlığı	Azərbaycan
Həyat yoldaşı	Gülsüm Əsgərova
Uşağı	bir oğlu Atilla Əsgərli. bir qızı Nurlana Əsgərli
Atası	Rza Əsgərli
Anası	Şükufə Əsgərova
Fəaliyyəti	rejissor, ssenarist, hüquqşünas
Fəaliyyət illəri	2003-cü illər
Təhsili	1993-cü ildə Azərbaycan Dövlət Mədəniyyət və İncəsənət Universiteti “Teatr kollektivinin rejissoru”, 2002-ci ildə Naxçıvan Dövlət Universitetinin iqtisad-hüquq fakültəsinin hüquqşünas
İstiqamət	incəsənət
Tanınma səbəbi	rejissor, Ssenarist
Mükafatları	Azərbaycan Respublikasının əməkdar mədəniyyət işçisi, Naxçıvan Muxtar Respublikasının əməkdar jurnalisti

Müzəffər Əsgərov — (tam adı: Müzəffər Rza oğlu Əsgərov 1971-ci ildə fevralın 9-da Naxçıvan Muxtar Respublikasının Şahbuz rayonun Keçili kəndində anadan olub). 2014-cü ildə Naxçıvan Muxtar Respublikasının əməkdar jurnalisti, 2017-ci ildə isə Azərbaycan Respublikasının əməkdar mədəniyyət işçisi fəxri adlarına layiq görülüb. Naxçıvan MR Dövlət Televiziya və Radio Verlişləri Komitəsinin baş redaktoru.

Məmməd Səid Ordubanin həyat və yaradıcılığından bəhs edən Günəş doğan yerdə sənədli filmin çəkilişi.jpg

Həyatı

1971-ci ildə fevralın 9-da Naxçıvan Muxtar Respublikasının Şahbuz rayonun Keçili (Şahbuz) kəndində anadan olub. Kənddəki on illik orta məktəbi bitirib. 1989-1991-ci illərdə Orenburq vilayətinin Orsk şəhərində hərbi xidmətdə olub. 1993-cü ildə Azərbaycan Dövlət Mədəniyyət və İncəsənət Universitetinn Mədəni-maarif fakültəsinin Teatr kollektivinin rejissoru fakültəsinə qəbul olub. 1997-ci ildə həmin universiteti bitirib, təyinatla Naxçıvana göndərilib. 1998-ci ildən 2001-ci ilə qədər Naxçıvan şəhərində fəaliyyət göstərən Zabitlər evində hərbi işlər üzrə təlimatçı işləyib. İşlədiyi müddətdə zabitlər evinin kollektivi ilə bir neçə tamaşaya quruluş verib. 2002-ci ildə Naxçıvan Dövlət Universitetinin iqtisad-hüquq fakültəsinin hüquqşünaslıq ixtisasına qəbul olub. 2002-ci ildə Naxçıvan dövlət televiziyasında rejissor kimi sınağa götürülüb. 2003-cü ildən 2007-ci ilə qədər Naxçıvan Dövlət Televiziyasında rejissor, 2007-ci ildən 2008-ci ilə qədər redaktor, 2008-ci ildən isə Naxçıvan Muxtar Respublikası Dövlət Televiziya və Radio Verilişləri Komitəsində Sənədli Filmlər və Dublyaj Redaksiyasının baş redaktoru vəzifəsində işləyir. 2007-ci ildə Naxçıvan Dövlət Universitetinin iqtisad-hüquq fakültəsinin hüquqşünaslıq ixtisasını bitirib. 2014-cü ildə bədii şuranın sədri seçilib. Əcnəbi dildə olan film və materialların ilk dəfə Naxçıvan televiziyasında dublyajını edib. Həmin televiziyanın istehsalı olan 30-a yaxın sənədli və televiziya filmlərinin ssenari müəllifi olub. 10-a qədər televiziya filminin həm ssenari müəllifi, həm də rejissoru olub. Bir neçə televiziya tamaşasına ssenari müəllifi olmaqla yanaşı, həm də həmin tamaşalara quruluş verib. Hazırda televiziyanın bir neçə baxımlı layihələrinin müəllifidir. 2014-cü ildə fəaliyyəti qiymətləndirilib və Naxçıvan Muxtar Respublikasının əməkdar jurnalisti fəxri adına layiq görülüb. 2017-ci ildə isə Azərbaycan Respublikasının əməkdar mədəniyyət işçisi fəxri adını alıb.

Ailəsi

2 övladı- bir oğlu, bir qızı var.

• Atilla Müzəffər oğlu universitetdə oxuyur
• Nurlana Müzəffər qızı Magistraturanı bitirib

Fəaliyyəti

Ssenari müəllifi olduğu filmlər:

Tanınmış yazıçı Məmməd Səid Ordubadinin həyat və yaradıcılığından bəhs edən Günəş doğan yerdə Sənədli filminin çəkilişi.jpg

• Qanla möhürlənmiş gün,-(Sənədli televiziya filmi.31 mart soyqırım hadisələrinə-həsr olunub)
• Vətən sənə canım qurban-(Sənədli televiziya filmi Behbud ağa Şahtaxtlının həyat və fəaliyyətinə həsr olunub)
• Sənətin Bəhruz zirvəsi,- (Sənədli film realist rəssam Bəhruz Kəngərlinin həyat və fəaliyyətindən bəhs edir)
• Günəş doğan yerdə-( Sənədli film Azərbaycanda tarixi romanlar müəllifi kimi tanınan görkəmli yazıçı Məmməd Səid Ordubadinin həyat və fəaliyyətindən bəhs edir)
• Naxçıvan doxsanlarda və indi- (Televiziya filmi Naxçıvanın bugünkü siyasi-iqtisadi inkişafına həsr olunub)
• Qoç heykəllər- (Televiziya filmi Azərbaycanda olan daş qoç heykəllərdən bəhs edir)
• Obalar-(Televiziya filmi Naxçıvanda hələdə mövcud olan köçlərdən ,obalardan bəhs edir)
• Payızın melodiyası-(Televiziya filmi Payız fəslinin gözəlliklərini özündə əks etdirir)
• Elmin fəxri- (Sənədli televiziya filmi akademik Yusif Məmmədəliyevin həyat və fəaliyyətinə həsr olunub)
• Ziyalı- (Sənədli televiziya filmi görkəmli ziyalı Məhəmməd ağa Şahtaxtlının həyat və fəaliyyətinfən bəhs edir)
• Xalqın müəllimi-(sənədli film tanınmış pedeqoq ,Naxçıvanda məktəbin əsaını qoyan Məhəmməd Tağı Sidqinin həyat və fəaliyyətindən bəhs edir)
• Sərkərdə -(Sənədli film Naxçıvan torpağının yetirməsi, general Cəmşid Xan Naxçıvanskinin həyat və fəaliyyətinə həsr olunub)
• Şərqin parlayan günəşi-(Sənədli film Naxçıvanın muxtariyyatında mühüm rol oynayan “Moskva”və “Qars”müqavilələlərin əhəmiyyətidən bəhs edir)
• Naxçıvan təbiəti-(Televiziya filmi, Naxçıxan MR-nın flora və faunasından bəhs edir)
• Geriyə baxanda-(Sənədli televiziya filmi televiziyznın qocaman operatoru Ənvər Rəhimovun həyat və fəaliyyətindən bəhs edir)
• Onun həyat amalı-(Sənədli film görkəmli ziyalı Əziz Şərifin həyat və yaradıcılığına həsr olunub)
• Ziyalı ömrü-( Sənədli film Azərbaycanda maarifin əsasını qoyan ziyalılardan biri olan Məhəmməd ağa Şahtaxtlının həyat və yaradıcılığından bəhs edir)
• Elm və bilik məbədgahı-(Televiziya filmi Naxçıvan Dövlət Universitetinin yaranmasının 50-illiyinə həsr olunub)
• Tarixin doxsan ili –(Sənədli film Naxçıvan MR-nın 90-illiyinə həsr olunub)
• Dədə Qorqud və Naxçıvan-(sənədli televiziya filmi Naxçıvanla Dədə Qorqudun bağlılığından bəhs edir)
• Məndən bu dünyaya nə qaldı görən.-(Sənədli film Azərbaycan poeziyasının ən görkəmli nümayəndələrindən biri olan Məmməd Arazın həyat və yaradıcılığına həsr olunub)

  

  Dədə orqud və Naxçıvan Sənədli filminin çəkilişi (1).jpg

Həm ssenari müəllifi, həm də rejissoru olduğu sənədli və televiziya filmləri :

• Yollar qovuşanda
• Batabat
• Ordubad dağları
• Çüllələr
• Şahbuz dağları
• Tarixə çevrilən ömür
• Daşla suyun harmoniyası
• Naxçıvan bulaqları
• Asnı Bulağı
• Səhnəmizin Sofyası.

Tele tamaşalar.

• Vəkil
• Gülüş köşkü
• Qış nağılı
• Bahar sərgüzəştləri

Mükafatları

• 2014-cü ildə Naxçıvan MR-nin Əməkdar jurnalisti
• 2017-ci ildə Azərbaycan Respublikasının Əməkdar Mədəniyyət işçisi

Həmçinin bax

• Eldar Quliyev
• Adil İsgəndərov
• Lütfi Məmmədbəyov

Xarici keçidlər

• Prezident İlham Əliyev Azərbaycanın kino xadimlərinə fəxri adların verilməsi haqqında sərəncam imzalayıb.
• Naxçıvan Televiziyasının əməkdaşı təltif edildi
• Naxçıvan Muxtar Respublikası Ali Məclisində mükafatların təqdimatı olub
• Naxçivan Dövlət Universitetində "Naxçivanin turizm potensialinin tanidilmasinda medianin rolu" mövzusunda konfrans keçirilib Arxivləşdirilib 2017-07-05 at the Wayback Machine.