Mirzə Saleh Axundov

Vikipediya, açıq ensiklopediya
Jump to navigation Jump to search
Mirzə Saleh Axundov
Mirzə Saleh Mirzə Əli oğlu Axundov
Doğum tarixi 1898(1898-Şablondakı doğum və ya ölüm tarixində texniki yanlışlıq var!-00)
Doğum yeri Alxanlı
Vəfat tarixi 1986(1986-Şablondakı doğum və ya ölüm tarixində texniki yanlışlıq var!-00)
Vəfat yeri Füzuli

Axundov Mirzə Saleh Mirzə Əli oğlu — Azərbaycanın əməkdar müəllimi.

Həyatı[redaktə | əsas redaktə]

Mirzə Saleh Axundov 1898-ci ildə Cəbrayıl qəzasının Alxanlı obasında doğulmuşdu. İlk təhsilini Qaryagin (Hazırkı Füzuli) şəhərində rus ibtidai məktəbində alan S.Axundov həmin məktəbin dördüncü sinifini qurtardıqdan sonra iki il ruhani məktəbində ərəb və fars dillərini öyrənir. Onun arzusu ruhani olmaq yox, Gəncə şəhərində müəllimlik kursuna daxil olmaq idi. 18 yaşlı Saleh bu arzu ilə Gəncə şəhərindəki müəllimlik kursuna daxil olur. 1917-ci ildə həmin kursu müvəffəqiyyətlə bitirir və onu Böyük Bəhmənli kənd məktəbinə müdir təyin edirlər. S. Axundov qiyabi yolla pedaqoji texnikumda təhsil almağı qərara alır. 1929-cu ildə Azərbaycan (qiyabi) Pedaqoji Texnikumunu bitirən S.Axundov savad kurslarının yaradılmasında, məktəb şəbəkələrinin genişləndirilməsində yaxından iştirak edir.

1934-ci ildə V.I.Lenin adına Azərbaycan Dövlət Pedaqoji İnstitutunun dil-ədəbiyyat fakültəsinə qəbul olur. 1938-ci ilin iyun ayında oranı bitirir.

SSRI Xalq Komissarları Sovetinin və UIK(b)P Mərkəzi Komitəsinin 23 iyun 1936-cı il tarixli qərarına əsasən Saleh Axundova ikinci dərəcəli diplom (197 nömrəli bu diplom ona 29 may 1938-ci ildə Bakıda verilmişdir) təqdim edilərək, ona orta məktəb müəllimi adı verilmişdir.

Rayon fəalları, ziyalıları arasında hörmət qazanan S.Axundov V.I.Lenin adına ADPI-ni qurtaranadək rayonun Alxanlı, Qaraxanbəyli, Babı, Kərimbəyli, Aşağı Veysəlli, Seyidmahmudlu, Pirəhmədli, Dədəli kənd məktəblərində müdir işləmişdi.

S.Axundov ərəb, fars, rus dillərini mükəmməl bilirdi.

Uzun illər Füzuli RXMŞ-nın məktəblər üzrə müfəttişi işləyən S.Axundov elmi-metodiki cəhətdən gənc müəllimlərə köməyini heç vaxt əsirgəməmişdir. Onun məktəblərdə təlim-tərbiyə işlərinin yüksəldilməsi və müəllimlərin ixtisaslarının artırılması işində böyük zəhməti vardır.

Mirzə Saleh müəllim yüzlərlə müəllim yetişdirmişdir. Onun yetişdirmələrinin səsi indi uzaqlardan gəlir. Mirzə Saleh müəllim sağlığında yetidirmələrinin müvəffəqiyyətəri ilə sevinər, onların yaxşı sədalarını eşitdikdə fərəhlənirdi. Mirzə Saleh Axundov 1986-cı ilin 13 yanvarında vəfat etmişdir.

Mükafatları[redaktə | əsas redaktə]

S.Axundov Lenin ordeninə, respublikanın "Əməkdar müəllimi" fəxri adına layiq görülmüş, "Qabaqcıl maarif xadimi" döş nişanı ilə təltif olunmuşdur.

Mənbə[redaktə | əsas redaktə]

  • Ənvər Çingizoğlu. Axundovlar: Adını böyük bir obaya vermiş kişinin nəsli. "Soy" elmi-kütləvi dərgi, 2009, №9, səh.19-24.

Həmçinin bax[redaktə | əsas redaktə]