Mirzəyi (rəqs)

Mirzəyi
Mirzəyi
Tempi	Asta
Mənşəyi	Azərbaycan
Müəllifi	Ney ustası Mirzə
Yaranma tarixi	≈ 1860-1870

Mirzəyi — Azərbaycanın qədim rəqslərindən biridir. Musiqisi vağzalı rəqsinə çox oxşayır, fərqli cəhəti isə daha aram olmağıdır. Təkcə Azərbaycanda deyil, Cənubi Qafqaz musiqiçilərinin repertuarına daxildir.

Tarix

Adından məlum olduğu kimi qarabağlı ney ustası Mirzə tərəfindən təqribən 1860-1870-ci illərdə yaradılıb. Bir əsrdən də artıq vaxt keçməsinə baxmayaraq bu rəqs hələ də öz təravətini itirməmişdir. Xalq arasında tanınan məşhur rəqqasların repertuarlarında bu rəqs daim öz layiqli yerini almışdır. Müəllifi rəqsin melodiyasını ney alətində yaratsa da tar və kamança ifasında da gözəl səslənir.Musiqisi vağzalı rəqsinin musiqisinə çox oxşayır.

Texnikası

Ancaq təntənəli şənliklərdə, toylarda ifa edilir. Çox vaxt əldə dəsmal olmaqla, həm kişilər, həm də qadınlar tərəfindən oynanılır.^[1] Üzeyir Hacıbəyovun "O olmasın, bu olsun" operettasında dördüncü məclisdə toy səhnəsində Məşədi İbad bu rəqsi şabaş (pul) yığa-yığa ifa edir.

Əlibaba Abdullayevin quruluşunda isə onu bir neçə, əllərində çayla doldurulmuş stəkanlı qızlar ifa edib.Bu rəqs indiki dövrümüzə qədər çatıb

İstinadlar

↑ Qəmər Almaszadə. Azərbaycan xalq rəqsləri (metodik vəsait) Arxivləşdirilib 2022-04-01 at the Wayback Machine. Bakı: "Birləşmiş nəşriyyat", 1959.

Xarici keçidlər

Həmçinin bax

[1] Qəmər Almaszadə. Azərbaycan xalq rəqsləri (metodik vəsait) Arxivləşdirilib 2022-04-01 at the Wayback Machine. Bakı: "Birləşmiş nəşriyyat", 1959.

[1]