Qıtqılıda

Vikipediya, azad ensiklopediya
Jump to navigation Jump to search
"Qıtqılıda"
Qıtqılıda rəqsi
Növü Xalq rəqsi
Tempi Asta
Mənşəyi Azərbaycan
Yaranma tarixi 1860-1870

Qıtqılıda — tarixi Azərbaycan qadın rəqslərindən biri. Melodiyası bir qədər "Nəlbəki" rəqsininkinə bənzəyir.

Tarixçə[redaktə | əsas redaktə]

Onun yaradıcısı və ilk ifaçısı ünlü qarmonçalan Teyyub Dəmirov olmuşdur. Məşhur qarmonçalan Qızxanım Dadaşovanın ifasında yadda qalıb.

Bu rəqs ilk dəfə 1937-ci ildə Səid Rüstəmov tərəfindən nota salınıb.[1]

Özəllikləri[redaktə | əsas redaktə]

Qadın dəstəsi ilə ifa edilir. Qadınların məişət durumunu əks etdirən xalq yumoru, yreinə düşən məzəli hərəkətlərlə boldur. Qızlar bir-birinin ardınca səhnəyə çıxaraq öz rəqsləri ilə deyingən qaynananı, kələkbaz cavan qadını, gah da qız-gəlini təsvir edirlər. Bu rəqsin əsas xüsusiyyəti ağır və mülayim hərəkətlərin birdən birə cəld və coşğun hərəkətlərlə əvəz edilməsindədir. Həmçinin burcutma, əl və çırtıq çalma hərəkətlərindən, göz-qaş ilə incə mimikalardan də geniş istifadə olunur. Rəqs vaxtı ifaçıya istədiyi qədər sərbəst hərəkət etməyə imkan verilir. [2]

Qıtqılıda bəstəkar musiqisində[redaktə | əsas redaktə]

Üzeyir Hacıbəyov bu rəqsi "O olmasın, bu olsun" operettasında (1911) Gülnazın toy səhnəsinə salıb.

İstinadlar[redaktə | əsas redaktə]

  1. Elnarə Dadaşova. Azərbaycan xalq rəqslərinin not yazıları haqqında. "Musiqi dünyası" jurnalı.
  2. Qəmər Almaszadə. Azərbaycan xalq rəqsləri (metodik vəsait). Bakı: "Birləşmiş nəşriyyat", 1959.

Video[redaktə | əsas redaktə]

Həmçinin bax[redaktə | əsas redaktə]