Nurəddin Mustafayev
| Nurəddin Mustafayev | |
|---|---|
| 6 dekabr 1983 – 27 noyabr 1988 | |
| Əvvəlki | Kamran Rəhimov |
| Sonrakı | Heydər İsayev |
| 9 aprel 1980 – 7 dekabr 1983 | |
| Əvvəlki | Sadıq Murtuzayev |
| Sonrakı | Hadi Rəcəbli |
| Şəxsi məlumatlar | |
| Doğum tarixi | 18 oktyabr 1942 (81 yaş) |
| Doğum yeri | |
| Partiya |
|
| Təhsili |
|
|
|
|
| Təltifləri |
 |
.svg){kind=small}
Nurəddin Elyaz oğlu Mustafayev (18 oktyabr 1942, Qaraiman, Basarkeçər rayonu) — Azərbaycan-sovet dövlət xadimi, Azərbaycan Kommunist Partiyası Naxçıvan Vilayət Komitəsinin (1983–1988) və Şəki Şəhər Komitəsinin (1980–1983) birinci katibi.
Həyatı[redaktə | mənbəni redaktə et]
Nurəddin Elyaz oğlu Mustafayev 1942-ci ildə Ermənistan SSR-in Basarkeçər rayonunun Qaraiman kəndində anadan olmuşdur. 1948–1953-cü illərdəki Azərbaycanlıların Ermənistandan deportasiyası zamanı ailəsi ilə birlikdə Gəncə şəhərinə köçmüşdür. 1960-cı ildə Gəncə şəhərində orta məktəbi qızıl medalla bitirmişdir.[1] 1969-cu ildə Moskva Kənd Təsərrüfatı Akademiyasını bitirərək Dövlət Damazlıq stansiyasında əmək fəaliyyətinə başlamış, daha sonra Azərbaycan SSR Kənd Təsərrüfatı Nazirliyinin baş idarəsində zootexnik, 1971-ci ildən isə Baş Heyvandarlıq İdarəsində zootexnik, şöbə müdiri vəzifələrində işləmişdir.[2]
Nurəddin Mustafayev Azərbaycan SSR Nazirlər Soveti aparatında referent vəzifəsinə keçirilmiş, 1974-cü ildən Azərbaycan Kommunist Partiyası Mərkəzi Komitəsinin Kənd təsərrüfatı şöbəsində təlimatçı, 1980-ci ildən isə Mərkəzi Komitənin Təşkilat-partiya işi şöbəsində müfəttiş olmuşdur. Azərbaycan KP Şəki Şəhər Komitəsinin birinci katibi, 1983–1988-ci illərdə isə Azərbaycan Kommunist Partiyası Naxçıvan Vilayət Komitəsinin birinci katibi vəzifələrində çalışmışdır. 1989–1993-cü illərdə Hacı Zeynalabdin Tağıyev adına un dəyirmanının direktoru olmuşdur. Sonralar "Ağrıdağ" Cəmiyyətinə başçılıq etmişdir.[2][3]
Nurəddin Mustafayev Azərbaycan SSR Ali Sovetinin, XI çağırış Naxçıvan MSSR Ali Sovetinin və XI çağırış SSRİ Ali Sovetinin deputatı seçilmişdir. "Qırmızı əmək bayrağı" ordeni və bir sıra medallarla təltif edilmişdir.[2]
İstinadlar[redaktə | mənbəni redaktə et]
- ↑ Qəşəm Məhərrəmov, İntiqam Məhərrəmov. Başı dumanlı Göyçə. Bakı: EL. 2007. səh. 175.
- ↑ 1 2 3 Mustafayev Nurəddin Elyaz oğlu // Naxçıvanda seçkilərin tarixi (1937–2002). Ensiklopedik toplu. Bakı: Qanun. 2003. səh. 394.
- ↑ Salman Vilayətoğlu. Oğuz elinin müqəddəs ocağı: Göyçə (PDF). Bakı: TS. 2006. səh. 292.
 Şəki şəhərinin və Şəki rayonunun rəhbərləri | |||||||||
|---|---|---|---|---|---|---|---|---|---|
| 1920-ci ilədək |
|  | |||||||
| Azərbaycan SSR |
| ||||||||
| Azərbaycan Respublikası |
| ||||||||
Qeyd 1: Şəki rayonu 8 avqust 1930-cu ildə Nuxa rayonu adı ilə təşkil edilmişdir. 4 yanvar 1963-cü ildə Nuxa rayonu ləğv edilərək Vartaşen rayonuna birləşdirilmişdir. Həmçinin eyni tarixdə Nuxa şəhəri respublika tabeli şəhərə çevrilmişdir. 6 yanvar 1965-ci ildə mərkəzi Nuxa şəhəri olmaqla yenidən müstəqil Nuxa rayonu təşkil edilmişdir. Qeyd 2: 9 mart 1966-ci ildə Nuxa Şəhər Soveti və Nuxa Rayon Soveti vahid Nuxa Şəhər Soveti adı altında birləşdirilmişdir. Bu tarixdən Nuxa rayonu və Nuxa şəhərinə Nuxa Şəhər Soveti xidmət göstərmişdir. 1991-ci ildən etibarən isə Şəki Şəhər İcra Hakimiyyəti həm Şəki rayonuna, həm də Şəki şəhərinə xidmət göstərir. Qeyd 3: Xalq Deputatları Soveti 1977-ci ilədək Zəhmətkeş Deputatları Soveti adlanmışdır. 29 noyabr 1991-ci ildə Şəki rayon və Şəki şəhər xalq deputatları sovetləri vahid Şəki Şəhər Xalq Deputatları Soveti adı altında birləşdirilmişdir. | |||||||||
- 18 oktyabrda doğulanlar
- 1942-ci ildə doğulanlar
- Yaşayan insanlar
- Qaraimanda doğulanlar
- Sovet İttifaqı Kommunist Partiyasının üzvləri
- K.A.Timiryazev adına Moskva Kənd Təsərrüfatı Akademiyasının məzunları
- SSRİ-nin "Qırmızı əmək bayrağı" ordeni ilə təltif edilənlər
- Əlifba sırasına görə vəzifəli şəxslər
- Azərbaycan SSR Ali Sovetinin X çağırış deputatları
- Naxçıvan MSSR Ali Sovetinin XI çağırış deputatları
- SSRİ Ali Sovetinin XI çağırış deputatları
- Azərbaycan Kommunist Partiyası Naxçıvan Vilayət Komitəsinin birinci katibləri
- Azərbaycan Kommunist Partiyası Şəki Şəhər Komitəsinin birinci katibləri
- Ermənistandan deportasiya olunmuş azərbaycanlılar