Nəsimi (film, 1971)

NƏSİMİ
Janr	Sənədli Qısametrajlı Bioqrafik
Rejissor	Xamiz Muradov
Ssenari müəllifi	Anar
Operator	Əlihüseyn Hüseynov
Bəstəkar	Əziz Əzizov
İstehsalçı	"Azərbaycanfilm" Kinostudiyası
Filmin növü	Qısametrajlı Sənədli Film
Rəng	Rəngli
Ölkə	Azərbaycan SSR
İl	1971
Texniki məlumat	2 hissə 470 metr genişekranlı 35 mm

Məzmun

Tarixi-inqilabi film XIV əsr görkəmli Azərbaycan şairi İmadəddin Nəsiminin həyat və yaradıcılığına həsr olunmuşdur.

Qədim Şirvan torpağı-gözəl Şamaxı, şair Nəsiminin vətəni. Onun həyatı haqqında məlumatımız çox azdır. Lakin şairin şeirləri qalmışdır. Bizdən bir çox əsrlər əvvəl yaşamış şairin ürəyindəkiləri necə dərk etməli? O uzaq epoxanı necə bərpa etməli, onu bizim müasirlərimizə necə yaxınlaşdırmalı?

Nəsimi hürufiliyin banisi Nəiminin görüşlərini qəbul edərək, hürufilik fikirlərini yaydığı üçün dəfələrlə zindana salınmışdır. O, ömrünün son illərini Hələbdə yaşamış, orada həbs olunmuş, "kafir", "dinsiz" elan edilərək, Misir sultanının əmri və ruhanilərin fitvası ilə edam edilmişdir.

Filmdə insanı həyəcana gətirən bir çox kadrlar Nəsiminin vətəni Şamaxı şəhərində lentə alınmışdır.

Şairin zəngin yaradıcılığı və fəlsəfi baxışları barədə danışmaq üçün sənədli material kifayət qədər olmadığından filmdə bədii kino fəndlərindən də yeri gəldikcə istifadə olunmuşdur.

Filmin heyəti

Film üzərində işləyənlər

Rejissor : Xamiz Muradov

Ssenari müəllifi : Anar

Operator : Əlihüseyn Hüseynov

Bəstəkar : Əziz Əzizov

Səs operatoru : Ələkbər Həsənzadə

Şeir-Qəzəlləri Oxuyan : Həsənağa Turabov

Quraşdırılmış Çəkilişlərin Operatoru : Həmzə Əhmədoğlu

Rejissor assistenti : Elxan Qasımov

Mənbə

• Азербайджанской ССР кинематография. Кино: Энциклопедический словарь / Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др. — Москва: Советская энциклопедия, 1987. — стр. 13.
• Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 235-258; 377.

Həmçinin bax

• Portal:Azərbaycan Kinosu