Nəsimi Ağayev

Vikipediya, açıq ensiklopediya
Jump to navigation Jump to search
Nəsimi Ağayev
Nəsimi Ağayev
Azərbaycanın Los-Ancelesdəki baş konsulu
 10 aprel 2012
Sələfi: Elin Süleymanov
 

Nəsimi AğayevAzərbaycanın Los-Ancelesdəki baş konsulu.

Təhsili[redaktə | əsas redaktə]

Nəsimi Ağayev Almaniyanın Saarland Universitetinin Avropa İnstitutunun Avropa Hüququnun (LL.M.) magistr dərəcəsini və Bakı Dövlət Universitetinin Beynəlxalq münasibətlər üzrə bakalavr və magistr dərəcəsini almışdır. O, həmçinin, Avstriyada Vyana Diplomatik Akademiyasında təhsil almışdır.

Ana dili olan Azərbaycan dilindən başqa İngilis, Fransız, Alman, Rus, İspanTürk dillərini də bilir.

Fəaliyyyəti[redaktə | əsas redaktə]

Azərbaycan Respublikasının Prezidenti tərəfindən 2012-ci ilin aprelin 10-da bu vəzifəyə təyin edilib. Azərbaycanı KaliforniyaAmerika Birləşmiş Ştatlarının qərbindəki digər 12 ştatda təmsil edir. Birinci dərəcəli fövqəladə və səlahiyyətli elçi diplomatik rütbəsinə malikdir.[1] Bu təyinatdan əvvəl Vaşinqtonda Azərbaycanın Səfirliyində siyasi məsələlər üzrə müşavir vəzifəsində çalışmışdır. 1999-cu ildə Azərbaycanın diplomatik xidmətinə qəbul edilmiş, ölkənin Avstriyadakı (2000-03) və Almaniyadakı (2005-08) səfirliklərində, eləcə də, Bakıda Xarici İşlər Nazirliyində xidmət etmişdir. Azərbaycan Prezidenti Heydər Əliyevin 3-6 iyul 2000-ci ildə Avstriyaya rəsmi səfəri zamanı alman dili üzrə tərcüməçisi olub.[2] 2001-2003-cü illərdə Vyana Universitetində Azərbaycan dilini tədris etmişdir.

Nəsimi Ağayev hazırda 105 ölkəni təmsil edən dünyanın ikinci ən böyük konsulluq korpusu (Nyu-Yorkdan sonra) olan Los Anceles Konsulluq Korpusunun sədridir (duayen).

O, Beynəlxalq Münasibətlərin Qafqaz Şərhi jurnalının (ing. Caucasian Review of International Affairs) baş redaktoru olmuşdur və 2007-ci ildə Almaniyada nəşr olunan "Humanitar müdaxilə və beynəlxalq hüquq: Kosovoda NATO əməliyyatı" adlı kitabı yazmışdır.[3]

İstinadlar[redaktə | əsas redaktə]

Xarici keçid[redaktə | əsas redaktə]