Nazim Əhmədli

Vikipediya, azad ensiklopediya
Jump to navigation Jump to search
Nazim Əhmədli
Nazim Ehmedli 2013-08-20 09-36.jpg
Doğum tarixi 1 may 1953(1953-05-01) (68 yaş)
Doğum yeri
Təhsili
Fəaliyyəti şair
nazimehmedli.blogspot.com

Nazim Şamil oğlu Əhmədli (1 may 1953, Əhmədli, Laçın rayonu) — Azərbaycan şairi; Hərbi jurnalist, Qarabağ müharibəsi iştirakçısı. Azərbaycan Yazıçılar Birliyinin üzvü.

Həyatı[redaktə | mənbəni redaktə et]

Nazim Əhmədli 1953-cü il may ayının 1-də Laçın rayonunun Əhmədli kəndində anadan olub. Orta məktəbi Laçın şəhərində bitirib, 1971-74–cü illərdə Şuşa Kənd Təsərrüfatı Texnikumunda təhsil almış, 1974–1976-cı illərdə keçmiş Sovet Ordusu sıralarında hərbi xidmətdə olub. 1981-ci ildə Moskva şəhərində Maksim Qorki adına Ədəbiyyat İnstitutunun poeziya fakültəsinə daxil olub, 1986-cı ildə institutu bitirib. Bakıya qayıdaraq Azərbaycan Yazıçılar Birliyində dəftərxana müdiri, “Natəvan” klubunun müdiri, Azərbaycan Bədii Tərcümə və Ədəbi Əlaqələr Mərkəzində redaktor, ümumi şöbə müdiri, işləyib. 1993-1996-cı illərdə Azərbaycan Ordusu sıralarında hərbi jurnalist kimi xidmət etmiş, sonra Nərimanov rayonundakı Ekologiya litseyində müəllim, o vaxt Bakıda fəaliyyət göstərən özəl Tətbiqi Elmlər Universitetinin jurnalistika fakultəsində müəllim, dekan müavini vəzifələrində işləyib.[1] 525-ci qəzetdə şöbə müdiri, Azərbaycan Yazıçılar Birliyinin Bədii Ədəbiyyatı Təbliğ Bürosunun direktoru vəzifəsində işləyib.( hal-hazırda o qurumun ictimai əsaslarla direktorudur)[3]

2012-ci ildən QHT sektorunda Skandinaviya ölkələri ilə Mədəni və Elmi Əlaqələr İctimai Birliyinin sədridir. Uzun illərdir Skandinaviya ölkələrində Azərbaycanın tarixi, mədəniyyəti, milli-mənəvi dəyərləri və Qarabağ münaqişəsi ilə əlaqədar qrant layihələri həyata keçirib.

Hal hazırda Azərbaycan Respublikası Dövlət Kino-Foto Sənədləri Arxivinin direktor müavini vəzifəsində işləyir. Hərbi jurnalist kimi Qarabağ müharibəsinin iştirakçısdır.

Yaradıcılığı[redaktə | mənbəni redaktə et]

1970-ci illərin sonundan dövrü mətbuatda şeirləri çap olunmağa başlayıb.[2]

"Bir ömür sevgi", "Ruhum da sənin olacaq", "Sevgi Allahı", "Mən bir günah elçisiyəm" şeirlər, "Əfv eylə məni" qəzəllər, "Mənim generalım" bədii-sənədli povest, "Qız təbəssümü" hekayələr, "Mollaəhmədli və Mollaəhmədlilər" (bədii publisistik, etnoqrafik), Unutduğum göy üzü(şeirlər) Bakı, "Qanun nəşriyyatı" 2019 "Buludları üstümə ört" (şeirlər) Təbriz şəhəri,"Aydın sav" nəşriyyatı 2020. "Yenə dönüb gələcəm" (şeirlər) "Vektor" Elmlər Akademiyası, Bakı şəhəri 2020.Mein geliebtes fernes Meer(gedichten-şeirlər) Alman dilində , Köln şəhəri- " Epubli" kitab evi-2021. Stay in my Heart Şeirlər.İngilis dilində.Bakı, Mütərəccim nəşriyyatı - 2021.adlı kitabların müəllifidir.

Şeirləri respublika mətbuatında müntəzəm olaraq çap olunur və rus, çeçen, alman dillərinə tərcümə olunub. N. Əhmədli Rus, isveç, yapon ədəbiyyatlarından dilimizə tərcümələr edib.

525-ci qəzetdə şöbə müdiri, Azərbaycan Yazıçılar Birliyinin Bədii Ədəbiyyatı Təbliğ Bürosunun direktoru vəzifəsində işləyib.

2012-ci ildən QHT sektorunda Skandinaviya ölkələri ilə Mədəni və Elmi Əlaqələr İctimai Birliyinin sədridir. Uzun illərdir Skandinaviya ölkələrində Azərbaycanın tarixi, mədəniyyəti, milli-mənəvi dəyərləri və Qarabağ münaqişəsi ilə əlaqədar qrant layihələri həyata keçirib.

Hal hazırda Azərbaycan Respublikası Dövlət Kino-Foto Sənədləri Arxivinin direktor müavini vəzifəsində işləyir. Hərbi jurnalist kimi Qarabağ müharibəsinin iştirakçısdır.[3][4]

Kitabları[redaktə | mənbəni redaktə et]

  1. Bir ömür sevgi (şeirlər) Bakı, “Yazıçı”nəşriyyatı, 1990
  2. Ruhum da sənin olacaq (şeirlər) Bakı, “Adiloğlu”nəşriyyatı, , 2002
  3. Mənim generalım (bədii-sənədli povest) Bakı, “Qap Poliqraf”nəşriyyatı, , 2002
  4. Sevgi Allahı (şeirlər) Bakı, “Adiloğlu”, nəşriyyatı, 2004
  5. Əfv eylə məni (qəzəllər) Bakı,“Adiloğlu”nəşriyyatı, 2004
  6. Mollaəhmədli və Mollaəhmədlilər (bədii publisistik, etnoqrafik kitab) Bakı, ”Adiloğlu” nəşriyyatı, 2007
  7. Mən bir günah elçisiyəm (şeirlər) Bakı, “Qanun”, 2017
  8. Qız təbəssümü (hekayələr) Bakı, “Qanun" nəşriyyatı, 2017[5]
  9. Unutduğum göy üzü(şeirlər) Bakı, "Qanun nəşriyyatı" 2019
  10. Buludları üstümə ört (şeirlər) Təbriz şəhəri,"Aydın sav" nəşriyyatı 2020.
  11. Yenə dönüb gələcəm (şeirlər) "Vektor" Elmlər Akademiyası, Bakı şəhəri 2020.
  12. Mein geliebtes fernes Meer(gedichten-şeirlər) Alman dilində , Köln şəhəri- " Epubli" kitab evi-2021.
  13. Stay in my Heart Şeirlər.İngilis dilində.Bakı, Mütərəccim nəşriyyatı - 2021.

İstinadlar[redaktə | mənbəni redaktə et]

  1. Şahanə Müşfiq. "Nazim Əhmədli yeni kitablarını təqdim etdi" (az.). karabakhmedia.az. June 15, 2017. June 8, 2019 tarixində arxivləşdirilib. İstifadə tarixi: 8 June 2019.
  2. "Tanınmış sair Nazim Əhmədlinin 60 illik yubileyi qeyd edilmişdir" (az.). lachin-ih.gov.az. June 4, 2013. June 7, 2019 tarixində arxivləşdirilib. İstifadə tarixi: 7 June 2019.
  3. "Laçın rayon 1 nömrəli tam orta məktəbdə Laçınlı şair Nazim Əhmədli ilə görüş" (az.). lachin.edu.gov.az. May 26, 2016. June 10, 2019 tarixində arxivləşdirilib. İstifadə tarixi: 10 June 2019.
  4. Şəfaqət Cavanşir. "Nazim Əhmədli: - Mən həmişə demişəm ki, biz özümüz yadplanetliyik. Bizi kainatdan yer kürəsinə atıblar" (az.). goyce.az. June 4, 2019. June 26, 2019 tarixində arxivləşdirilib. İstifadə tarixi: 26 June 2019.
  5. "Qız Təbəssümü" (az.). kitabal.az. 2017. June 11, 2019 tarixində arxivləşdirilib. İstifadə tarixi: 11 June 2019.