Niokolo-Koba Milli parkı

Vikipediya, azad ensiklopediya
Jump to navigation Jump to search
Niokolo-Koba Milli Parkı
River gambia Niokolokoba National Park.gif
BTMB kateqoriyası — II (Milli park)
WLE Austria Logo (no text).svg
Sahəsi 9130 km2 ha
Yaradılma tarixi 1954, 1969
Yerləşməsi
13°04′ şm. e. 12°43′ q. u.
Ölkə  Seneqal
Niokolo-Koba Milli Parkı xəritədə
Niokolo-Koba Milli Parkı
Niokolo-Koba Milli Parkı
TipiTəbii
Kriteriyax
Tarixi1981 (5-ci sessiya)
İstinad nöm.153
ÖlkəSeneqal Seneqal
RegionAfrika
Təhlükədə2007–...
Vikianbarın loqosu Vikianbarda əlaqəli mediafayllar

Niokolo-Koba Milli Parkı (fr. Parc National du Niokolo Koba, PNNK) — Seneqalın cənub şərqində, Qvineya-Bisau sərhədi yaxınlığındakı təbii qorunan ərazi və Ümumdünya irsi ərazisi.

Milli park[redaktə | mənbəni redaktə et]

1925-ci ildə bir qoruq olaraq qurulan[1] Niokolo-Koba 1 yanvar 1954-cü ildə Seneqal Milli parkı elan edildi. 1969-cu ildə genişləndirilərək 1981-ci ildə UNESCO-MAB Biosfer Qoruğu olaraq Ümumdünya irsi siyahısına daxil edilmişdir.[2] 2007-ci ildə YUNESKO-nun Təhlükədə olan Dünya İrsi siyahısına əlavə edilmişdir.

2005-ci ildən etibarən qorunan ərazi Qərbi Afrika aslanlarının qorunduğu ərazi hesab olunur.[3]

Coğrafiya[redaktə | mənbəni redaktə et]

Park, Qambiya çayının yuxarı axınının keçdiyi dağlıq bölgədə, Qvineyanın şimal-qərb sərhəddinə doğru yerləşir. Biosfer parkı Seneqalın cənub-şərq küncündəki Qvineya sərhədindən yüz kilometr məsafədə, Qvineya-Bisau sərhədindəki 9.130 kvadrat kilometr ərazini əhatə edir. Ərazinin yüksəkliyi 16 metrdən 311 metrədək dəyişir.

Flora[redaktə | mənbəni redaktə et]

Parkın çox hissəsi meşəli bataqlıq və mövsümi bataqlıq ərazilərinin geniş olduğu meşəlik savanna və yarı quraq sudan meşəsidir. Parkda 1500-dən çox növ bitki və Seneqaldakı meşələrin 78%-i yerləşir.

Çay hövzəsi boyunca çox sayda ağac və kol bitki örtüyü ilə örtülüdür və bu bitki örtüyü ərazi və torpağa görə dəyişir. Vadilərdə və düzənliklərdə chrysopogon və ot bitkiləri savannasının böyüdüyü geniş ərazilər var. Otluq ərazilər əsasən Paspalum arbiculareöldürgəndən ibarətdir. Bambukun bitdiyi sahələr də var.

Vadilərdə və zolaqşəkilli meşələrdə növ cənubu Qvineyanın iqlimini əks etdirir və tropik meşələrdə lianlara daha çox rast gəlinir.

Fauna[redaktə | mənbəni redaktə et]

Ərazi vəhşi həyatı ilə tanınır. Seneqal hökuməti parkda 20 növ amfibiya, 60 növ balıq, 38 növ sürünən növünün (dördü tısbağa) olduğunu təxmin edir. Həmçinin parkda 80-ə yaxın məməli növü var. Bunlara (2005-ci ilə əsasən) təxminən 11000 camış, 6000 begemot, 400 nəhəng kanna, 50 fil, 120 şir, 150 şimpanze, 3000 su keçisi (Kobus ellipsiprymnus), 2000 kolluq dukeri (Sylvicapra grimmia), bilinməyən sayda Kamerun kolobus (Colobus badius rufomitratus) və bir neçə nadir Afrika bəbiri və Qərbi Afrika vəhşi köpəkləri( Lycaon) aiddir.[4]

Parkda 330-a yaxın quş növü, xüsusən də ərəb doydağı, qara taclı durna, Bucorvus abyssinicus, döyüşkən qartalı, Terathopius ecaudatussolğun fitçalan ördək (Dendrocygna viduata) görünmüşdür.

Parkda həmçinin üç növ timsah, dörd növ tısbağa kimi sürünənlər də var.

İstinadlar[redaktə | mənbəni redaktə et]

  1. J. E. Madsen, D. Dione, A. S. Traoré, B. Sambou, "Flora and vegetation of Niokolo-Koba National Park, Senegal", p.214, in L. J. G. Van der Maesen, X. M. van der Burgt, J. M. van Medenbach de Rooy (eds.), The Biodiversity of African Plants. Springer, 1996, ISBN 978-0792340-95-9
  2. Niokolo-Koba National Park UNESCO Site. 1981
  3. IUCN Cat Specialist Group. Conservation Strategy for the Lion West and Central Africa. Yaounde, Cameroon: IUCN. 2006.
  4. C. Michael Hogan. 2009

Xarici keçidlər[redaktə | mənbəni redaktə et]