Oleq Stepko

Oleq Stepko
Şəxsi məlumatlar
Tam adı	Oleq Sergey oğlu Stepko
Vətəndaşlığı	Uкrayna
Doğum tarixi	25 mart 1994 (1994-03-25)
Doğum yeri	Zaporojye, Uкrayna
İdman növü	İdman gimnastiкası
Medallar Dünya Çempionatı Bürünc 2015 Qlazqo Parallel qollar Avropa Oyunları Bürünc 2015 Baкı Komanda Gümüş 2015 Baкı Çoxnövçülük Gümüş 2015 Baкı Gimnastika atı Bürünc 2015 Baкı Dayaqla tullanma Qızıl 2015 Baкı Parallel qollar Avropa Çempionatı Qızıl 2013 Moskva Parallel qollar Yeniyetmələrin Olimpiya Oyunları Gümüş 2010 Sinqapur Çoxnövçülük Gümüş 2010 Sinqapur Döşəmə Qızıl 2010 Sinqapur Gimnastika atı Qızıl 2010 Sinqapur Parallel qollar Universiada Oyunları Gümüş 2013 Kazan Komanda Bürünc 2013 Kazan Gimnastika atı Dövlət təltifləri

Oleq Stepko (d. 25 mart 1994; Zaporojye, Ukrayna) — Ukraynanı təmsil edən idman gimnastı. 2014-2017-ci illərdə Oleq Stepko Azərbaycan yığmasında çıxış edib. Oleq Stepko 2012 və 2016-cı illərdə Olimpiya Oyunlarına qatılıb. Ukrayna yığmasının heyətində, Yeniyetmələrin Olimpiya Oyunlarında iki qızıl və iki gümüş medal, Universiada Oyunlarında isə gümüş və bürünc medal qazanıb.

Azərbaycan yığmasının heyətində 2015-ci ildə baş tutan I Avropa Oyunlarına qatılan Oleq Stepko bir qızıl, iki gümüş və iki bürünc medala layiq görülüb. O, Azərbaycan Prezidenti İlham Əliyevin 29 iyun 2015-ci il tarixli 1299 nömrəli sərəncamı ilə "Şöhrət" ordeni ilə təltif edildi.

Həyatı

Oleq Stepko 1994-cü il 25 martda Ukraynanın Zaporojye şəhərində anadan olub. 1999-cu ildən idmanla məşğul olan Oleq Stepko Klassik Privat Universitetinin məzunu olub.

Karyerası

Ukrayna yığması

Oleq Stepko karyerasında birinci ciddi uğurunu 2010-cu ildə qazandı. O, Sinqapurda baş tutan Yeniyetmələrin I Yay Olimpiya Oyunlarında iki qızıl və iki gümüş medala layiq görüldü.

2012-ci ildə isə Oleq Stepko karyerasında birinci dəfə Olimpiya Oyunlarına qatıldı. Birləşmiş Krallığın London şəhərində baş tutan XXX Yay Olimpiya Oyunlarında o, komanda yoldaşları ilə birgə 271.526 xal topladı və 4-cü yeri tutdu.

Üç il sonra, Oleq Stepko Rusiyanın paytaxtı Moskva şəhərində baş tutan Avropa Çempionatında "parallel qollar" yarışında qızıl medal qazandı. Elə həmin il o, Rusiyanın Kazan şəhərində keçirilən Universiada Oyunlarında bir gümüş və bir bürünc medala layiq görüldü. Elə bu uğuruna görə də Oleq Stepko Ukrayna Prezidenti Viktor Yanukoviçin sərəncamı ilə "Danil Qalitski" ordeni ilə təltif edildi. 2014-cü ildə isə o, Azərbaycan vətəndaşlığını qəbul etdi və bu dövləti yığmasında çıxış etməyə başladı. 2018-ci ilin mart ayında Rusiya vətəndaşlığını qəbul edib.

İstinadlar

• Ukrayna 2012 Yay Olimpiya Oyunlarında
• Azərbaycan 2015 Avropa Oyunlarında
• Azərbaycan 2016 Yay Olimpiya Oyunlarında