Oqtay Məlikov

Vikipediya, azad ensiklopediya
Jump to navigation Jump to search
Oqtay Məlikov
Oqtay Süleyman oğlu Məlikov
Oqtay Məlikov.jpg
Doğum tarixi 10 dekabr 1925(1925-12-10)
Doğum yeri Azərbaycan Azərbaycan SSR, Bakı
Vəfat tarixi 18 aprel 2006 (80 yaşında)
Vəfat yeri Azərbaycan Azərbaycan, Bakı
Vətəndaşlığı Azərbaycan Azərbaycan
Elm sahəsi tarix
Elmi dərəcəsi tarix elmləri namizədi
Elmi adı AMEA-nın Şərqşünaslıq İnstitutunda "Cənubi Azərbaycan" şöbəsinin baş elmi işçisi
İş yeri AMEA
Alma-mater Moskva Şərqşünaslıq İnsttitutu
Təhsili ali

Oqtay Süleyman oğlu Məlikov (10.12.1925-18.04.2006) — Azərbaycanın istedadlı tarixçi-şərqşünas alimitərcüməçisi. 1990-cı ildə baş vermiş 20 Yanvar faciəsindən sonra Kommunist partiyası sıralarını tərk etmişdir.

Həyatı[redaktə | əsas redaktə]

Oqtay Məlikov 1925-ci il dekabrın 10-da Bakıda anadan olmuşdur. Atası tarixçi və tərcüməçi Süleyman Məlikov əslən Bakının Pirşağı kəndindən idi.

1943-cü ilin aprelindən 1944-ci ilin oktyabrına qədər Sovet Ordusu sıralarında qulluq etmişdir. 1944-cü ilin noyabrında ekstern surətdə Azərbaycan Dövlət Universiteti (ADU) Filoloji fakültəsinin şərq şöbəsinə daxil olmuşdur. 1945-ci ilin noyabrında təhsilini davam etdirmək üçün bir qrup tələbə ilə Moskva Şərqşünaslıq İnstitutuna göndərilmişdir.

Fəaliyyəti[redaktə | əsas redaktə]

1949-cu ilin iyununda Moskvada təhsilini başa vurduqdan sonra Bakıya qayıtmışdır. 1954-cü ilin martında Moskvada "İranda Rza şah irtica diktaturasının qurulması" mövzusunda namizədlik dissertasiyasını müdafiə etmişdir.

1954-cü ilin aprelindən ADU-nun tarix fakültəsində müəllim, 1960-cı ilin oktyabrından Azərbaycan Elmlər Akademiyası (EA) Şərqşünaslıq institutunun İran şöbəsinin baş elmi işçisi olmuşdur.

1982-ci ilin fevralından 1986-cı ilin yanvarına qədər Partiya tarixi institutunun "Marksizm-leninizm əsərlərinin tərcümə qrupunun" müdiri işləmişdir. Qeyd etmək lazımdır ki, 1952-69-cu illərdə atası Süleyman Məlikov həmin şöbəyə rəhbərlik etmişdir.

1986-cı ilin iyulundan Azərbaycan EA-nın Şərqşünaslıq İnstitutu Cənubi Azərbaycan şöbəsinin baş elmi işçisi olmuşdur.

Şərqşünaslıq institutunun İran tarixiCənubi Azərbaycan tarixi şöbələrində işlədiyi zaman tanınmış iranşünas alimlər, elmlər doktorları Raufbəy Seyidov, Şahin İbrahimov (Simurq), Şövkət Tağıyeva, Zakir Abdullayev, Semyon Ağayevlə və digərləri ilə birgə çalışmışdır.

Üç övladı, nəvələri var. Jurnalist, tərcüməçi, redaktor Süleyman Məlikovun oğludur.

Əsərləri[redaktə | əsas redaktə]

Bakı, Tehran, Moskvada kitab və bir sıra dəyərli elmi əsərləri çap olunmuşdur.

1961-ci ildə Moskva şəhərində nəşr olunmuş "Установление диктатуры Реза-Шаха в Иране" (İranda Rza şah diktaturasının qurulması) kitabının müəllifidir. Həmin əsər 1979-cu il İran İslam İnqilabından sonra 1980-cı ildə Tehranda fars dilində çapdan çıxmışdır.

Cənubi Azərbaycan tarixi oçerki (1828-1917) monoqrafiyasının "Mədəniyyət" hissəsinin (səh., 207-219, 254-260, 268-312) müəllifidir. Həmin monoqrafiyanın və Ə.Dadaşlı, Şövkət Tağıyeva, Zakir AbdullayevNuru Ağasının əsər və kitablarının elmi redaktoru olmuşdur.

Azərbaycan və rus dillərində yüksək səviyyədə yazı qabiliyyəti və texnikasına, erudisiya və intelektə malik alim idi.

Oqtay Məlikov tərəfindən marksizm-leninizm klassiklərinin bir neçə cildi tərcümə və redaktə edilmişdir.

Mənbə[redaktə | əsas redaktə]