Süleyman Məlikov

Vikipediya, azad ensiklopediya
Jump to navigation Jump to search
Süleyman Məlikov
Məlikov Süleyman Dadaş oğlu
Şəkil yoxdur-kişi.svg
Doğum tarixi 21 dekabr 1899(1899-12-21)
Doğum yeri Bakı
Vəfat tarixi 22 sentyabr 1969(1969-09-22)
Vəfat yeri Bakı
Dəfn yeri İkinci Fəxri xiyaban
Vətəndaşlığı
Fəaliyyəti jurnalist
Mükafatları "Azərbaycan SSR əməkdar mədəniyyət işçisi" fəxri adı — 1967
"Qırmızı Əmək Bayrağı" ordeni

Süleyman Dadaş oğlu Məlikov (21 dekabr 189922 sentyabr 1969) — jurnalist, tərcüməçi, redaktor. Azərbaycan SSR əməkdar mədəniyyət işçisi (1967), Qızıl Əmək Bayrağı ordenli, ÜİK(b)P üzvü.

Həyatı[redaktə | əsas redaktə]

Süleyman Dadaş oğlu Məlikov 1899-cu ildə Bakıda anadan olmuşdur. Əslən Pirşağı kəndindən idi. Marksizm-leninizm klassiklərinin əsərlərini Azərbaycan dilinə əsas tərcüməçi və redaktorlarından biri olmuşdur.

Süleyman Məlikovun ən böyük xidmətlərindən biri də lüğət tərtibi sahəsində olmuşdur. Sovet hakimiyyətinin ilk illərində lüğətə böyük ehtiyac olduğu zaman Hənəfi Zeynallı, Yusif Əliyev, Süleyman Musabəyov, Vəli Xuluflu, Tağı Şahbazi Simurğ, Əhməd bəy Pepinov, Ələkbər Heydərli, Yusif Vəzir Çəmənzəminli, Məhərrəm Kamil, Rəşid Yusifzadə, Ələkbər Qərib, Sami Kamal, Xudadat bəy Əzizbəyovla birlikdə Ruhulla Axundovun başçılığı ilə ilk "Rusca-türkcə lüğət"in (1926) tərtibçilərindən biri olmuşdur[1]

1921-1952-ci illərdə "Molla Nəsrəddin" jurnalının məsul katibi, "Şərq qadını", "Maarif və mədəniyyət", "Qızıl qələm" jurnallarının, "Kommunist" və bir sıra digər qəzetlərin redaksiyasında işləmiş, 1952-1969-cu illərdə "Kirpi" jurnalının redaksiya heyətinin üzvü olmuşdur.

1952-1969-cu illərdə Partiya tarixi institutunun "Marksizm-leninizm əsərlərinin tərcümə şöbəsinin" müdiri olmuşdur.

1980-cı illərdə oğlu Oqtay Məlikov həmin şöbəyə rəhbərlik etmişdir.

K.Marksın "Kapital"ının (cild 1-3), K.Marks və F.Engelsin iki cildlik seçilmiş əsərlərinin (1953) əsas tərcüməçi və redaktoru olmuşdur.

"Molla Nəsrəddin"də çalışarkən onun nəşri məsələləri ilə məşğul olmuş, jurnalda publisistik məqalələr dərc etdirmişdir. Süleyman Məlikovun yaradıcılığında ciddi siyasi pafosu, prinsipial tənqidi satirik və yumorlu üslubla birləşdirmişdi. "Qəmişqulu", "Əbülhaq" imzalı yazıları 1924-1925 illərdə "Kommunist" qəzetində və "Molla Nəsrəddin" jurnalında, "Qıraxdanbaxan" imzaları ilə məqalələri 1922 ildə "Zəhmət" qəzetində çıxmışdır. Mətbuatda Məmmədquluzadə haqqında bir neçə məqaləsi, xatirələri çap olunmuşdur. "Cəfər Cabbarlı haqqında xatirələr"ində (B., 1969) yeri gəidikcə "Molla Nəsrəddin" jurnalından da söz açmışdır.

"Kommunist" qəzetin tanınmış əməkdaşlarından biri də müxtəlif vəzifələrdə çalışmış Süleyman Məlikov idi. O, əsasən respublika və qəza mətbuatının durumu haqqında yazır, eləcə də qəzetin xüsusi müxbiri kimi qəzalara yollanaraq oradan partiya-həmkarlar, sosial-məişət və iqtisadi mövzularda məqalələr göndərirdi. Beynəlxalq və partiya mövzularında məqalələrini “Suleyman Məlikov”, “S.Məlikov”, qalan yazılarını isə “Əbu-l-hövl”, “Qəmişqulu”, “Damğa”, “Kənardan baxan”, “D.Oğlu”, “S.M.Oğlu”, “S.Məlikzadə”, “M-zadə”, “M-zadə S.”, “S.” və s. təxəllüsləri ilə çap etdirirdi.

Ailəsi[redaktə | əsas redaktə]

Oğlu Oqtay Məlikov (1925-2006) tarixçi, tərcüməçi, digər oğlu Eldəniz Məlikov (1927-2009) həkim idi. Qızı Süsən Məlikova (1953) filolog.

Qardaşı - Əjdər Məlikov (1889-1921)—Siyasətçi. “Hümmət” partiyasının yaradıcısı.

İstinadlar[redaktə | əsas redaktə]

  1. .Qarabağ ədəbiyyatı: xronoqraf

Xarici keçidlər[redaktə | əsas redaktə]

  • "Xalq qəzeti" - yaranması, inkişafı tarixindən
  • ЭЛЬМАР МАГЕРРАМОВ "ГАЗЕТА «КОММУНИСТ» и ВОПРОСЫ ВОССТАНОВЛЕНИЯ СЕЛЬСКОГО ХОЗЯЙСТВА АЗЕРБАЙДЖАНСКОЙ ССР", səhifə 48-49, 343. [1]
  • İsrafil Mirzəhməd oğlu Qurbanov, Azərbaycan Respublikası Prezidentinin İşlər İdarəsi. “Suleymandan galan dunya" [2]
  • Cəlil Məmmədquluzadə ENSİKLOPEDİYASI [3]
  • "Kommunist" qəzetin tanınmış əməkdaşl... [4]
  • İsa Həbibbəyli, AMEA-nın vitse-prezidenti, Milli Məclisin Elm və təhsil komitəsinin sədri, akademik "Azərbaycan" qəzeti, 7 aprel 2016-cı il. [5]