Orxan Səfərov

Vikipediya, açıq ensiklopediya
Jump to navigation Jump to search
Orxan Səfərov
Judo at the 2016 Summer Olympics, Safarov vs Bestaev 23.jpg
Şəxsi məlumatları
Tam adı Orxan İlham oğlu Səfərov
Vətəndaşlığı Azərbaycan Azərbaycan
Doğum tarixi 11 avqust 1991 (1991-08-11) (28 yaş)
Doğum yeri
Məşqçiləri
  • Farhad Mammadov[d]
Boyu 171 sm.
Çəkisi 60 kq.
İdman növü Judo pictogram.svg Cüdo
9 avqust 2016 tarixində yenilənib.

Orxan Səfərov (d. 11 avqust 1991) — Azərbaycanlı cüdoçu. Orxan Səfərov 2013-cü ildə Rio-de-Janeyro şəhərində Dünya Çempionatında bürünc, 20152016-cı ildə Avropa Çempionatlarında isə gümüş medal qazanıb. Orxan Səfərov 2015-ci ildə Bakı şəhərində baş tutan I Avropa Oyunlarında gümüş medal qazanıb. O, həmçinin Azərbaycanı 2016-cı ildə XXXI Yay Olimpiya Oyunlarında təmsil etdi.

Orxan Səfərov 29 iyun 2015-ci ildə 2015 Avropa Oyunlarında qazanılmış yüksək nailiyyətlərə və Azərbaycan idmanının inkişafında böyük xidmətlərinə görə Azərbaycan Respublikasının Prezidenti İlham Əliyevin sərəncamı ilə "Tərəqqi" medalı ilə təltif edilib.[1]

Həyatı[redaktə | əsas redaktə]

Orxan Səfərov 11 avqust 1991-ci ildə anadan olub. Orxan Səfərov cüdo idman növündə ilk uğurlarını 2009-cu ildə qazandı. O, gənclər arasında Azərbaycan Çempionatında gümüş medal qazandı. Ümumi olaraq Orxan Səfərov cüdo karyerası ərzində World Masters və Qran-Pri yarışlarında 4 qızıl, 2 gümüş və 4 bürünc medal qazanıb. Şəxsi məşqçisi Fərhad Məmmədovdur.

Karyerası[redaktə | əsas redaktə]

2013 Dünya Çempionatı

2013-cü ildə Orxan Səfərov ilk ciddi uğurunu qazandı. O, Braziliyanın Rio-de-Janeyro şəhərində Dünya Çempionatında ardıcıl olaraq Rusiyalı Beslan Mudranov, Amerika Birləşmiş Ştatlarının cüdoçusu Nikolas Kossora və İsrailli Tommi Arşanski üzərində qələbə qazandı və 1/4 final mərhələsinə adladı. Orxan Səfərov bu mərhələdə Cənubi Koreya cüdoçusuna məğlub oldu. Bu məğlubiyyətə baxmayaraq o, medal qazana bildi. Orxan Səfərov Qazaxıstanlı Yeldos Smetov və Gürcüstanlı Amiran Papinaşvili üzərində qələbə qazandı və bürünc medala layiq görüldü.

I Avropa Oyunları[redaktə | əsas redaktə]

Orxan Səfərov növbəti böyük uğurunu 2015 Avropa Oyunlarında qazandı. O, finala gədər Belarus, İsveçrəİspaniya cüdoçularını məğlub etdi. Finalda isə Orxan Səfərov Rusiya cüdoçusu ilə üz-üzə gəldi. Güclü rəqibi qarşısına zədə ilə çıxan Orxan Səfərov tatamini məğlub tərk etdi və I Avropa Oyunlarının gümüş medalını qazandı. Həmin uğurdan sonra o, "Tərəqqi" medalına layiq görüldü. I Avropa Oyunlarından sonra Orxan Səfərov növbəti ciddi yarışına 2016-cı ildə XXXI Yay Olimpiya Oyunlarında qatıldı.

Rio-de-Janeyro Olimpiadası[redaktə | əsas redaktə]

Rio-de-Janeyro Olimpiadasında Orxan Səfərov mübarizəyə 6 avqust tarixində qoşuldu. O, 1/16 final mərhələsində 27 yaşlı Peru idmançısı Xuan Postigos üzərində asan qələbə qazandı və növbəti mərhələyə vəsiqə qazandı.[2] Orxan Səfərov bu mərhələdə Qırğızıstan nümayəndərsi Otar Bestayev ilə üz-üzə gəldi və əzmkar qələbə qazandı. O, görüşün əvvəlində, iki şido cərəmi xalının olmasına baxmayaraq, sona 16 saniyə qalmış möhtəşəm ippon fəndi ilə təmiz qələbə qazandı və növbəti mərhələyə vəsiqə qazandı.[3] İnamla finala doğru addımlayan Orxan Səfərov 1/4 final mərhələsində güclü Braziliya cüdoçusu, London Olimpiadasının bürünc medalçısı Felipe Kitadai ilə qarşılaşdı. O, gərgin idman mübarizəsi şəraətində keçən görüşdə sona, 2 dəqiqə 6 saniyə qalmış möhtəşəm ippon fəndi ilə güclü rəqibini məğlub etdi və yarım-finala adladı.[4] Onun bu mərhələdə rəqibi titullu Qazaxıstan cüdoçusu, Dünya çempionu Yeldos Smetov oldu. Orxan Səfərov yaxşı mübarizə aparmasına baxmayaraq sona 20 saniyə qalmış, Yeldos Smetov qüvvətli fəndlə, va-zari xalı ilə hesabda önə çıxdı. Son 15 saniyədə isə Yeldos Smetov Orxan Səfərovun təzyiqindən yaxa qurtarmaq üçün vaxtdı uzatdı. Hakimin Qazaxıstan cüdoçusuna üç şido cərimə xalı verməsi heçnəyi dəyişmədi və Orxan Səfərov məğlub olaraq mübarizəni bürünc medal uğrunda görüşdə davam etdi.[5] Orxan Səfərov bürünc medal uğrunda görüşdə Yaponiya cüdoçusu, 2013-cü ilin Dünya çempionu, Naohisa Takato ilə üz-üzə gəldi. Görüşdə hesab açılmasada, Orxan Səfərovun aktivində iki şido cərimə xalı olduğu üçün Yaponiya cüdoçusu qalib oldu.[6][7] Hərçənd görüşün sonlarında Orxan Səfərov hakim qərəzliyi ilə üzləşdi. Onun, fənd tətbiq etməsinə baxmayaraq Meksikalı referi həmin fəndi qiymətləndirmədi və Orxan Səfərov məğlub olaraq XXX Yay Olimpiya Oyunlarını 5-ci yerdə başa vurdu.[8]

İstinadlar[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]

  1. I Avropa Oyunları qaliblərinin və Azərbaycanda idmanın inkişafında xidmətləri olan şəxslərin təltif edilməsi haqqında Azərbaycan Respublikası Prezidentinin Sərəncamı.
  2. ""Rio-2016"nın rəsmi saytında -60 kq. çəki dərəcəsində kişilərin cüdo yarışlarının, 1/16 final mərhələsinin nəticələri. (Orxan Səfərov-Xuan Postigos)". www.rio2016.com.
  3. ""Rio-2016"nın rəsmi saytında -60 kq. çəki dərəcəsində kişilərin cüdo yarışlarının, 1/8 final mərhələsinin nəticələri. (Orxan Səfərov-Otar Bestayev)". www.rio2016.com.
  4. ""Rio-2016"nın rəsmi saytında -60 kq. çəki dərəcəsində kişilərin cüdo yarışlarının, 1/4 final mərhələsinin nəticələri. (Orxan Səfərov-Felipe Kitadai)". www.rio2016.com.
  5. """Rio-2016"nın rəsmi saytında -60 kq. çəki dərəcəsində kişilərin cüdo yarışlarının, 1/2 final mərhələsinin nəticələri. (Orxan Səfərov-Yeldos Smetov)". www.rio2016.com. İstifadə tarixi: 6 avqust 2016.". www.rio2016.com.
  6. ""Rio-2016"nın rəsmi saytında -60 kq. çəki dərəcəsində kişilərin cüdo yarışlarının, bürünc uğrunda görüşlərinin nəticələri. (Orxan Səfərov-Takato).". www.rio2016.com.
  7. "Orxan Səfərov "Rio-2016" Olimpiya Oyunlarını beşinci pillədə başa vurub.". www.azertag.az.
  8. "Орхан Сафаров остановился в шаге от бронзы, (az) Orxan Səfərov bürüncün bir addımlığında dayandı.". www.azerisport.com.