Pirin Milli Parkı

Pirin Milli Parkı
bolq. Национален парк „Пирин“
Antiloplar
BTMB kateqoriyası — II (Milli park)
Sahəsi	403,56 km2 ha
Yaradılma tarixi	1962
Yerləşməsi
41°40′00″ şm. e. 23°30′00″ ş. u.
Ölkə	Bolqarıstan
Vilayət	Blaqoevqrad
Yaxın şəhər	Bansko
pirin.bg
Pirin Milli Parkı
UNESCO Ümumdünya İrsi
Rəsmi adı	ing. Pirin National Park
Tipi	Təbii
Kriteriya	vii, viii, ix
Tarixi	1983 (7-ci sessiya)
İstinad nöm.	225
Region	Avropa
Vikianbarda əlaqəli mediafayllar

Pirin Milli Parkı — Bolqarıstanda, Blaqavqrad bölgəsində yerləşən milli park. UNESCO tərəfindən Ümumdünya irsi siyahısına daxil edilmişdir.

Haqqında

Pirin Milli Parkı Bolqarıstanın cənub-qərbində yerləşmiş olub təxminən 400 km² sahəyə malikdir. Əhəng daşı qayalardan, buzlaq göllərdən, şəlalələrdən, mağaralardan, iynəyarpaqlı meşələrdən ibarətdir. Çox zəngin floraya və möhtəşəm təbii gözəlliklərə malikdir.

Təxminən 1300 növ əhəmiyyətli bitki növünün evi olan bu park, bütün Bolqarıstan ərazisində olan ümumi bitki növlərinin %30-indən çoxunu özündə saxlayır. Bunlardan təxminən 300 növü yosundur. Park 18 yerli endemik (yalnız o bölgəyə xas, başqa yerdə olmayan) növə, 15 Bolqarıstan və bir çox Balkan endemik növlərinə; ayrıca Pirin bölgəsinin simvolu olan Edelveys (günəbaxana bənzər ağ Alp çiçəyi) kimi qorunmaqda olan bitki növlərinə də ev sahibliyi edir. Pirin Milli Parkında üç fərqli bitki qurşağı mövcuddur: meşə qurşağı, subalp qurşağı və Alp qurşağı. Parkda heyvan növləri də çoxdur. Təxminən 2090 onurğalı növün 300-ü nadir olan növlərdir. Bolqarıstanın ümumi şirin su balıqlarının 6%-i burada yaşayır. 6 balıq növü, 8 amfibi növü və 11 növ sürünən də qorunma altındakı bu bölgədə yaşayır. Bütün Bolqarıstanda yaşayan quş növlərinin 40%-i, yəni təxminən 160 növ bu parkda yaşayan canlılar arasındadır. 45 növ məməli (aralarında 12 növ yarasalar dəstəsindən), çöl keçiləri və qəhvəyi ayılar da Piri Milli Parkının canlılarındandır.