Procter & Gamble - Mərkəzi ABŞ-da yerləşən təmizləyici vasitələr və şəxsi qayğı məhsulları istehsalı ilə məşğul olan şirkət. P&G-nin mərkəzi qərargahı Amerika Birləşmiş ŞtatlarınınOhayo ştatının Sinsinnati şəhərində yerləşir. Şirkətin əsası 1837-ci ildə Böyük Britaniyadan olan sərmayeçilər Uilyam Prokter və Ceyms Qembl tərəfindən qoyulmuşdur. Fəaliyyətə başladığı ilk illərdən təmizləyici vasitələr və şəxsi qayğı məhsulları istehsalı ilə məşğul olan şirkət zamanla fəaliyyət sferasını genişləndirmiş və istehsal etdiyi məhsulların çeşidini artırmışdır. Chief Executive Magazine jurnalının apardığı araşdırmalardan sonra P&G liderlik bacarıqlarının inkişaf etdirilməsi üçün ən yaxşı 40 şirkətdən biri seçilmişdir.
1837-ci il ABŞ-da yeni bir iş qurmaq üçün heç də münasib zaman hesab olunmurdu. Ohayo ştatının Sinsinnati şəhəri yeni formalaşan bir iş mərkəzi olsa da, ölkənin ümumi mənzərəsi yeni bir böhranın hər an başlana biləcəyini göstəriridi. Həmin dönəmdə onlarla bankın iflas etməsi mütəxəssislərin bu barədə olan ehtimallarını daha da gücləndirdi. 1837-ci ildə Uilyam Prokter və Ceyms Qemblın planlarına Sinsinnati şəhərinə köçüb burada yaşamaq daxil deyildi. Şəhər hələ XIX əsrin əvvəllərində sürətlə inkişaf edən və böyüyən bir mərkəz olsa da İngiltərədən gələn Uilyamın və İrlandiyadan gələn Ceymsin niyyəti qərb ştatlarına doğru irəliləmək idi. Ancaq bu istək hər iki şəxsin eyni şəhərdə rastlaşmasından sonra təxirə salındı.
Wella - AlmaniyanınDarmştadt şəhərində yaradılmış dünya səviyyəli kosmetik məhsulların və qadın baxım ləvazimatlarını istehsalı ilə məşğul olan şirkət. 1880-cı ildə yaradılmış şirkət fəaliyyətinin 123-cü ilində Procter & Gamble şirkətinin tərkibinə daxil olmuşdur. Bu gün Wella məhsulları dünyanın 150 ölkəsinə idxal olunur. 1880-cı ildə Darmştadt şəhərində qadın bərbəri kimi işləyən Franz Ströher bu sahədə olan biliklərini biznes mühütində sınamaq qərarına gəlir. Bu baxımdan atılan ilk addım Ströher tərəfindən həmin şəhərdə kiçik dükkanın açılması və hazırlanan məhsualları oradan satılması ilə başlayır.
İlk dövrlərdə satılan məhsulların tərkibinə qadın parik saçlarının hazılanmasında istifadə edilən məhsullardan vurulurdu. XIX əsrin sonlarına yaxın Almaniyada parik saçların istifadəsi qadınlar arasında dəb halına almışdı. Bu səbəbdən Wella tərəfindən istehsal edilən ilkin məhsullar Darmştadt şəhərində yaşayan xanımların diqqətini çəkə bilir. Qısa zamanda Franz Ströherin oğullarıda ataları tərəfindən yaradılan biznesə qoşulurlar və onların əsas işi hazır qadın tül saçlarının satışı ilə məşğul olmaq olur.
Procter & Gamble şirkəti iki sahibkarın adlarının birləşməsindən yaranmışdır. Ceyms Qembl və Uilyam Prokter Aleksandr Norris adlı kübar cəmiyyət üzvünün iki qızı ilə evləndikdən sonra Norrisdə dəstəyi ilə şirkəti 1837-ci ildə təsis etmişdilər.
Procter & Gamble şirkətinə daxil olan Gillette markası Kinq Kemp Jillet tərəfindən yaradılmışdır. Hər zaman nə isə ixtira etmək həvəsində olan Jillet bir gün üzünü qırxarkən bu işi daha təhlüksəsiz etmək üçün sıxılmış laylar arasında qalan və kütləşdikdə dəyişilə bilən ülgüclərdən ibarət üzqırxan alət düzəltmişdir.
Bu gün dünya səviyyəli kosmetik məhsulların və qadın baxım ləvazimatlarının istehsalı ilə tanınan Wella markasının ilk fəaliyyət sahəsi qadın paltarları satılan dükkanlar üçün qadın maketlərinin hazırlanması olmuşdur.
Ağ rəngli suyun səthində qala bilən ilk sabunProcter & Gamble şirkəti tərəfindən istehsal olunmuşdur. 1879-cu ildə hazırlanan və satışa çıxarılan İvory sabunlarının suda batmaması istehlakçıların böyük təəccübünə səbəb olmuşdu.
Seçilmiş şəkil
Şirkət tərəfindən uşaq sağlamlığına hər zaman önəm verilmişdir. Bu baxımdan XX əsrin ortalarında Şimali Amerikada məşhur olan Bax ana - heç bir boşluq yoxdur reklamların şirkətin ən uğurlu reklam lövhələrindən biri idi.
Safeguard
Safeguard (azərb. sağlam müdafiə) - Procter & Gamble şirkətinə daxil olan antibakterial sabun markası. Procter & Gamble-ın laboratoriyalarında hazırlandıqdan sonra Safeguard ilk dəfə 1963-cü ildə ABŞ-da satışa çıxarılmış və istehlakçılar tərəfindən maraqla qarşılanmışdır.
.png)
