Qızmeydan

Qızmeydan
40°46′11″ şm. e. 48°44′52″ ş. u.
Ölkə	Azərbaycan
Tarixi və coğrafiyası
Mərkəzin hündürlüyü	1.283 m
Saat qurşağı	UTC+04:00
Əhalisi
Əhalisi	1.058 nəf.
Rəqəmsal identifikatorlar
Poçt indeksi	AZ 5611
Qızmeydan

Qızmeydan (əvvəlki adı: Astraxanka) — Azərbaycan Respublikasının Şamaxı rayonunun eyniadlı inzibati ərazi vahidində kənd. Azərbaycan Respublikası Milli Məclisinin 5 oktyabr 1999-cu il tarixli, 708-IQ saylı Qərarı ilə Şamaxı rayonunun Astraxanka kənd inzibati-ərazi vahidi tərkibindəki Astraxanka kəndi Qızmeydan kəndi, Astraxanka kənd inzibati-ərazi vahidi Qızmeydan kənd inzibati-ərazi vahidi adlandırılmışdır.

Tarixi

Kəndin keçmiş adı Qızmeydanı olmuşdur. Car hökumətinin Rusiyanın mərkəzi quberniyalarından müxtəlif dini təriqət nümayəndələrini (molokan, baptist, duxobor və b.) milli ucqarlara, o cümlədən Azərbaycana köçürmə siyasəti ilə əlaqədar 1849-cu ildə Həştərxan vilayətindən köçüb gələnlər burada məskən salmışlar. Oykonim Həştərxan adının rusca səslənməsindən və rusların əlavə etdiyi -ka şəkilçisindən ibarət olub, "Həştərxandan gələnlər" mənasındadır.

Coğrafiyası və iqlimi

Kənd Qozluçayın sağ sahilindən bir qədər aralı, Qızmeydanı platosunda yerləşir.

Əhalisi

Kənd əhalisi 1058 nəfərdir ki, onunda 531 nəfəri kişi, 527 nəfəri isə qadınlar təşkil edir.