Qıtqılıda
| Qıtqılıda | |
|---|---|
| Tempi | Asta |
| Mənşəyi | Azərbaycan |
| Yaranma tarixi | ≈ 1860-1870 |
Qıtqılıda — tarixi Azərbaycan qadın rəqslərindən biri. Melodiyası bir qədər "Nəlbəki" rəqsininkinə bənzəyir.
Tarixçə
[redaktə | mənbəni redaktə et]Onun yaradıcısı və ilk ifaçısı ünlü qarmonçalan Teyyub Dəmirov olmuşdur. Məşhur qarmonçalan Qızxanım Dadaşovanın ifasında yadda qalıb.
Bu rəqs ilk dəfə 1937-ci ildə Səid Rüstəmov tərəfindən nota salınıb.[1]
Özəllikləri
[redaktə | mənbəni redaktə et]Qadın dəstəsi ilə ifa edilir. Qadınların məişət durumunu əks etdirən xalq yumoru, yreinə düşən məzəli hərəkətlərlə boldur. Qızlar bir-birinin ardınca səhnəyə çıxaraq öz rəqsləri ilə deyingən qaynananı, kələkbaz cavan qadını, gah da qız-gəlini təsvir edirlər. Bu rəqsin əsas xüsusiyyəti ağır və mülayim hərəkətlərin birdən birə cəld və coşğun hərəkətlərlə əvəz edilməsindədir. Həmçinin burcutma, əl və çırtıq çalma hərəkətlərindən, göz-qaş ilə incə mimikalardan də geniş istifadə olunur. Rəqs vaxtı ifaçıya istədiyi qədər sərbəst hərəkət etməyə imkan verilir.[2]
Qıtqılıda bəstəkar musiqisində
[redaktə | mənbəni redaktə et]Üzeyir Hacıbəyov bu rəqsi "O olmasın, bu olsun" operettasında (1911) Gülnazın toy səhnəsinə salıb.
İstinadlar
[redaktə | mənbəni redaktə et]- ↑ Elnarə Dadaşova. Azərbaycan xalq rəqslərinin not yazıları haqqında Arxivləşdirilib 2021-10-20 at the Wayback Machine. "Musiqi dünyası" jurnalı.
- ↑ Qəmər Almaszadə. Azərbaycan xalq rəqsləri (metodik vəsait) Arxivləşdirilib 2022-04-01 at the Wayback Machine. Bakı: "Birləşmiş nəşriyyat", 1959.
Video
[redaktə | mənbəni redaktə et]- "O olmasın, bu olsun" filmi (1956) - Gülnazın toyunda Qıtqılıda rəqsi
- "Azərbaycan xalq rəqsləri" verilişləri - Qıtqılıda
Həmçinin bax
[redaktə | mənbəni redaktə et] | Rəqs haqqında olan bu məqalə bu məqalə qaralama halındadır. Məqaləni redaktə edərək Vikipediyanı zənginləşdirin. |
