Rəşad Atakişiyev

Vikipediya, azad ensiklopediya
Jump to navigation Jump to search
Rəşad Atakişiyev
Rəşad Atakişiyev.jpg
Şəxsi məlumatlar
Doğum tarixi
Doğum yeri Pravda, Şəmkir rayonu, Azərbaycan SSR, SSRİ
Vəfat tarixi (34 yaşında)
Vəfat yeri Xəzər dənizi, Zarat kəndindən 9 km şərqə doğru[1][2], Azərbaycan
Vəfat səbəbi Təyyarə qəzası
Vətəndaşlığı SSRİ SSRİ
 Azərbaycan
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Hərbi Hava Qüvvələri
Rütbə Polkovnik-leytenant
Təltifləri "Şücaətə görə" medalı — 2019 "Qüsursuz xidmətə görə" 2-ci dərəcəli medalı "Qüsursuz xidmətə görə" 3-cü dərəcəli medalı "Azərbaycan Respublikası Silahlı Qüvvələrinin 90 illiyi (1918-2008)" yubiley medalı "Azərbaycan Respublikası Silahlı Qüvvələrinin 95 illiyi (1918-2013)" yubiley medalı "Azərbaycan Ordusunun 100 illiyi (1918-2018)" yubiley medalı

Rəşad Saləddin oğlu Atakişiyev (7 yanvar 1985, Pravda, Şamxor rayonu24 iyul 2019, Bakı) — Azərbaycan Silahlı Qüvvələrinin polkovnik-leytenantı, Azərbaycan Hərbi Hava Qüvvələrinin pilotu.

Həyatı[redaktə | mənbəni redaktə et]

Rəşad Atakişiyev 1985-ci il yanvar ayının 7-də Şəmkir rayonunun Pravda (hazırkı Qılıncbəyli) kəndində anadan olub. Ailədə üç qardaş olublar.[3]

O, ilk təhsilini Şəmkir rayonunun Şöhrət Hüseynov adına Qılıncbəyli kənd tam orta məktəbində, daha sonra Samux rayonunun Alabaşlı kənd orta məktəbində alıb. Rəşad Atakişiyev oxuduğu müddətdə təlim-tərbiyəsi, bilik və bacarığı ilə seçilib. Orta məktəbi yüksək qiymətlərlə bitirən Rəşad, ali təhsil almaq arzusu ilə 2002-ci ildə Azərbaycan Ali Hərbi Təyyarəçilik məktəbinə üz tutub. O, 2006-cı ildə Azərbaycan Ali Hərbi Təyyarəçilik Məktəbini "Uçuş Mühəndisi" ixtisasına yiyələnərək yüksək nəticələrlə başa vurub. İkinci kursda oxuyan zaman ilk dəfə ixtisaslaşma tətbiq olunub və aviasiyaya sənəd vermiş 200 nəfər arasında Rəşad da olub. Seçilmiş 35 nəfərlə birgə təhsil alan Atakişiyev diplom alan cəmi 5 nəfərdən biri olmağı bacarıb.

O, 2001-ci ildən pilot kimi fəaliyyətə başlayıb, əldə etdiyi bilik və bacarıqları sayəsində polkovnik-leytenant rütbəsinə qədər yüksəlib. Aprel döyüşlərinin qəhrəman iştirakçılarından biridir[4]. Qısa zaman ərzində təcrübəli pilotlar sırasına və hərbi hissə komandirinin müavini vəzifəsinə yüksələn Rəşad Atakişiyev 2018-ci ilin oktyabrında Real TV-də yayımlanan "Şahinlər" filmində iştirak edərək, havada ən çətin, təhlükəli manevrlərin öhdəsindən gəlib. Həmçinin Azərbaycan Ordusunun 100 illiyi ilə bağlı keçirilən paradda səmada bacarıqlarını göstərib.[5] Ayrıca Azərbaycan və Türkiyə Hərbi Hava Qüvvələrinin "Turaz Qartalı" devizi altında keçirilən birgə taktiki-uçuş təlimlərində iştirak edib.

Ailəsi[redaktə | mənbəni redaktə et]

Rəşad Atakişiyev politoloq Qabil Hüseynlinin kürəkəni idi. İki oğlu vardır.

Ölümü[redaktə | mənbəni redaktə et]

Bakı vaxtı ilə iyul ayının 24-ü saat 22.00 radələrində plana uyğun olaraq gecə vaxtı təlim-məşq uçuşları keçirən Azərbaycan Hərbi Hava Qüvvələrinə məxsus MiQ-29 təyyarəsi ilə qəflətən rabitə əlaqəsi kəsilmiş və aviasiya vasitəsi radarlardan itmişdir. Təyyarə Xəzər dənizinə düşüb. Qəza nəticəsində təyyarənin pilotu, polkovnik-leytenant Rəşad Atakişiyev itkin düşmüşdür. Təyyarənin axtarış ərazisinin təxmini sahəsi 600 kvadrat kilometr, dərinliyi 40 metrə qədər olub. Təyyarə və pilotun axtarışları üçün TürkiyəRusiyadan mütəxəssis və avadanlıqlar cəlb olundu.

Azərbaycan Müdafiə Nazirliyinin avqustun 19-da verdiyi məlumata görə təyyarənin qara qutusu tapılmışdır.[6] 20 avqust tarixində isə pilotun nəşi tapılmışdır[7]. 21 avqust tarixində Rəşad Atakişiyevin nəşi ikinci Fəxri xiyabanda dəfn edilmişdir.[8][9]

07.05.2021-ci ildə Hərbi Pilot Polkovnik Leytnant Rəşad Atakişiyevə Şəhid statusu verilmişdir.

İstinadlar[redaktə | mənbəni redaktə et]

  1. Turan. "MiQ-29 təyyarəsinin "qara qutusu" Azərbaycanda tədqiq ediləcək" (az.). Turan. 21.08.2019. 2019-09-13 tarixində arxivləşdirilib. İstifadə tarixi: 2019-08-22.
  2. Amerikanın səsi. "Qəzaya uğrayan hərbi təyyarənin qara qutusu Azərbaycanda tədqiq ediləcək" (az.). Amerikanın səsi. 21.08.2019. 2019-10-27 tarixində arxivləşdirilib. İstifadə tarixi: 2019-08-22.
  3. "Rəşad Atakişiyev həyatı". 2019-08-20 tarixində arxivləşdirilib. İstifadə tarixi: 2019-08-20.
  4. İctimai TV. "Şəhid pilot Rəşad Atakişiyevin doğum günüdür" (az.). Youtube.com. 07.01.2023. 2023-01-08 tarixində arxivləşdirilib. İstifadə tarixi: 2023-01-08.
  5. "İtən qırıcı… — Xəzər səssizdir…". 2020-08-11 tarixində arxivləşdirilib. İstifadə tarixi: 2019-08-24.
  6. "Qəzaya uğrayan MİQ-29-un 'qara qutu'su tapılıb". 2020-12-02 tarixində arxivləşdirilib. İstifadə tarixi: 2019-08-20.
  7. İctimai TV. "Polkovnik-leytenant Rəşad Atakişiyevin ölümündən 3 il ötür" (az.). Youtube.com. 24.07.2022. 2022-07-24 tarixində arxivləşdirilib. İstifadə tarixi: 2022-07-24.
  8. "Hərbi pilot Rəşad Atakişiyev dəfn edilib". 2022-08-01 tarixində arxivləşdirilib. İstifadə tarixi: 2019-08-21.
  9. "Hərbi pilot Rəşad Atakişiyev ilə vida mərasimi keçirilib". 2019-08-24 tarixində arxivləşdirilib. İstifadə tarixi: 2019-08-24.

Həmçinin bax[redaktə | mənbəni redaktə et]

Xarici keçidlər[redaktə | mənbəni redaktə et]