Real TV (Azərbaycan)

Vikipediya, açıq ensiklopediya
(Real TV səhifəsindən istiqamətləndirilmişdir)
Jump to navigation Jump to search
REAL TV
Real Televiziyası
Real TV (2018-h.h.).png
Ölkə Flag of Azerbaijan.svg Azərbaycan
Yayım ərazisi Azerspace-1 peykinin əhatə dairələri
Dil Azərbaycan dili
Baş qərargah Nərimanov rayonu, Əhməd Rəcəbli küçəsi, 19, Bakı, Azərbaycan
Yaranma tarixi 28 fevral 2018 (internet yayımı)
5 mart 2018 (test yayımı)
15 mart 2018 (əsas yayım)
Sahibi Mirşahin Ağayev
Şüar REAL olana istinad edin
REAList olun - gördüyünüzə inanın
Sayt realtv.az

Real TV - 2019-ci il aprelin 23-də Milli Televiziya və Radio Şurasının iclasında daha üstün yaradıcılıq imkanlarına, daha münasib maddi-texniki bazaya və peşəkar kadr potensialına malik olan “Real Təhlil İnformasiya Mərkəzi” MMC ümumrespublika televiziya yayım kanalının açılması üçün (Bakı şəhəri və Abşeron yarımadası ərazisində SD yayım üçün 48-ci, HD yayım üçün 37-ci tezlik resursuna) müsabiqənin qalibi elan edilib və ona 37-ci TV yayım kanalında ümumrespublika televiziya yayımı üçün müddətsiz lisenziya verilib.

Tarixçə[redaktə | əsas redaktə]

18 iyul 2016-cı ildə fəaliyyəti dayandırılmış ANS TV-nin vitse prezidenti Mirşahin Ağayev 2018-ci ilin əvvəllərində yeni kanalının adını "Real TV" olaraq açıqlayıb.

Əvvəlcə, 28 fevral 2018-ci ildən etibarən internet televiziyası ilə fəaliyyətə başlayır. Həmin gün “Real TV” adlandırılacaq kanalın yayımı üçün texniki işlər artıq başa çatıb. Belə ki, yeni kanalın fəaliyyəti üçün paytaxtın mərkəzində yeni ofis götürülüb.[1]

5 mart 2018-ci ildə Milli Televiziya və Radio Şurasının növbəti iclası keçirilib. Həmin iclasda “Real Təhlil İnformasiya Mərkəzi” Məhdud Məsuliyyətli Cəmiyyətinin peyk yayımı üçün lisenziya verilməsi barədə müraciətinə baxılıb. MTRŞ-nın qərarına əsasən, “Real Təhlil İnformasiya Mərkəzi” Məhdud Məsuliyyətli Cəmiyyətinə ixtisaslaşmış (xəbər) kanal kimi peyk yayımı üçün müddətsiz lisenziya verilib. Beləcə, Mirşahin Ağayev “Real Təhlil İnformasiya Mərkəzi” Məhdud Məsuliyyətli Cəmiyyətinin direktoru seçilib.[2] Həmin gün test yayımına başladı. “Real TV"-nin peyk yayımına başlayacağı tarix məlum olub. Milli Televiziya və Radio Şurasının aparat rəhbəri Toğrul Məmmədov deyir ki, “Real TV"-nin martın 12-dən sonra “Azərspace-1” peykində yayıma başlaması nəzərdə tutulurdu.[3]

Nəhayət, 15 mart 2018-ci il saat 08:00-də Azərbaycan Respublikasının Dövlət Himninin səsləndirilməsi ilə əsas yayıma başladı.[4] Real TV həm Azərbaycanda ən operativ təhlil və informasiya mərkəzi olmaqla, həm də informasiya mühitində öz standartlarını diktə edən qurumdur. Real TV təkcə Azərbaycanın auditoriyasında deyil, həm də bütün dünyanın böyük bir hissəsini hər gün xəbərlərlə təmin edir. Televiziyada gün ərzində yerli və xarici xəbərlər, aktual mövzuların müzakirəsi, təhlili izləyicilərə təqdim olunur. Kanalda öz işinin peşəkarları çalışır.

Real TV-ni hər kəsin izləməsi üçün hər hansı problem yoxdur. Kanal həm kabel televiziyalarında, həm də peyklə yayımlanır.

Qeyd edək ki, televiziyanın Youtube səhifəsinə gün ərzində telekanalda yayımlanan maraqlı sujetlər, müsahibələr də yerləşdirilir.

2018-ci il martın 15-dən sentyabrın 16-dək Real TV 19 saat ərzində (saat 08:00-dən 02:00-yədək) tamaşaçını ölkə daxilində və dünyada baş verən hadisələrlə bağlı xəbərlərlə təmin edirdi.[5]

17 sentyabr 2018-ci ildən artıq 24 saatlıq yayıma keçdi. Bundan sonra Xəbərlə! 24 saat ərzində tamaşaçılara tam fasiləsiz REAL olana istinad etdirərək çatdırır.[6]

23 aprel 2019-ci ildə "Real TV" Milli Televiziya və Radio Şurasının elan etdiyi ixtisaslaşmış (xəbər) televiziya kanalının açılması üçün ümumrespublika televiziya yayımı üzrə (Bakı şəhəri və Abşeron yarımadası ərazisində SD yayım üçün 48-ci, HD yayım üçün 37-ci tezlik resursuna) müsabiqənin qalibi elan edilib. Digər iddiaçılarla müqayisədə daha üstün yaradıcılıq imkanlarına, daha münasib maddi-texniki bazaya və peşəkar kadr potensialına malik olan “Real Təhlil İnformasiya Mərkəzi” MMC-ni ümumrespublika televiziya yayım kanalının açılması üçün müddətsiz lisenziya verilib.[7]

Azərbaycanda xəbər sahəsi üzrə ixtisaslaşmış ikinci televiziya kanalının yerüstü yayıma başlayacağı tarix açıqlanıb.

Real TV-nin yerüstü yayıma mayın əvvəllərində başlaması nəzərdə tutulub.

Bunu Milli Televiziya və Radio Şurasının Texniki nəzarət şöbəsinin müdiri, professor İsa Məmmədov deyib.

O bildirib ki, Real TV-nin yerüstü yayıma çıxması ilə bağlı hər hansı texniki problem yoxdur.[8]

İstinadlar[redaktə | əsas redaktə]

  1. http://www.xeber.info/index.php/c-miyy-t/samples/item/2471-mirshahin-azhhayevin-yeni-layihaesi-real-tv
  2. https://sputnik.az/life/20180305/414313168/real-tv-ye-lisenziya-verilib.html
  3. http://www.enter.news/az/news/society/130218/real-tv-nin-peyk-yayimina-bashlayacagi-vaxt-achiqlandi#.WqUYlsvJz58
  4. https://news.milli.az/country/633560.html
  5. http://tvreal.az/news/az/1477/Real-TV-ni-nec-izlmk-olar-VDEO
  6. http://www.realtv.az/news/az/6971/24-saat-xbr-VDEO
  7. https://www.realtv.az/news/az/15199/mtrsh-real-tv-ye-umumrespublika-yayimi-lisenziyasinin-verilmesi-barede-qerar-qebul-etdi-video
  8. https://ona.az/az/sosial/real-tv-nin-yerustu-yayima-cixacagi-vaxt-bilinib-8289