Rais Rəsulzadə

Vikipediya, açıq ensiklopediya
(Rəis Rəsulzadə səhifəsindən istiqamətləndirilmişdir)
Keçid et: naviqasiya, axtar
Rais Rəsulzadə
Rais Azər oğlu Rəsulzadə
Fotoqrafiya
Doğum tarixi: 1 noyabr 1946 (1946-11-01) (70 yaş)
Vətəndaşlığı: Flag of Azerbaijan.svg Azərbaycan
Mükafatları: Əməkdar Rəssam

Rais Rəsulzadə (tam adı: Rais Azər oğlu Rəsulzadə; d. 1 noyabr 1946,) — Azərbaycanın tanınmış rəssamı, Azərbaycan Rəssamlar İttifaqının üzvü (1978-ci ildən). Azərbaycan Respublikasının Əməkdar Rəssamı (2002). Azərbaycan Siyasi Repressiya Qurbanları Assosiasiyasının sədri (2009).

Rais Rəsulzadə 1946-cı ildə uzaq Qazaxstanda dünyaya göz açmışdır. Milli Məclisin Mədəniyyət komitəsinin sədri, akademik Rafael Hüseynov dostu Rais Rəsulzadənin adının mənasına da aydınlıq gətirmişdir: "Ra" gədim şumerdə "Günəş" deməkdir, "is" işıq, istilik. Adındakı nur, hərarət, qaynarlıq sənətkar dostumuz, Azərbaycanın Əməkdar Rəssamı, Məhəmməd Əminin yadigarı Rais Rəsulzadənin varlığına və yaratdığı hər əsərdə var. Rais Rəsulzadə 3 yaşından anasız qalır. Təbii ki məktəbi ana dilində deyil rus dilində oxumalı olur. Amma buna baxmayaraq o yaxşı oxuyur və hətda uşaq yaşlarından şahmat oynayır, və çempionatlarda birincilikdə qazanmışdır. Orta məktəbi, həm də qiyabi universiteti bitirəndə artıq 50-60 əsəri var idi. Sürgün həyatından əvvəl Bakıda rəssamlıq məktəbini bitirən, burada rəssamlıq sənətinin sirlərini Mehdi Hüseynzadə ilə birlikdə öyrənən Azər Rəsulzadə, taleyini birdəfəlik Qazaxstan torpağı ilə bağlamalı olsa da, oğlu Rais ata-baba yurdunda ömür sürməyi üstün tutdu. Əslində, Raisi Qazaxstandan Azərbaycana qaytaran amil onun rəssam olmaq istəyi idi. Ancaq, o Ə.Əzimzadə adına Azərbaycan Dövlət Rəssamlıq Məktəbini 1969-cu ildə bitirsə də, sonradan Bakıdan geriyə Qazaxstana qayıtmadı. Rais Rəsulzadənin yaradıcılığı elə o vaxtdan bu günə kimi Azərbaycanla bağlı olduğundan sənətsevərlər rəssam kimi onun imzasını ayrı-ayrı sərgilərdən yaxşı tanıyırlar. Onun müxtəlif janrlarda olan sənət əsərləri çox olsa da, əsasən daha çox mənzərəyə üstünlük vermişdir. 1972-1977-ci illər arası ali təhsil alır və 1978-ci ildə institutu bitirəndən 1 il sonra müəllim kimi fəaliyyətə başlayır.

Azər Rəsulzadə bir gün oğlu Rais Rəsulzadə ilə Şəhidlər xiyabanını ziyarət etməyə gedir. Heydər Əliyev uzaqdan Azər Rəsulzadəni görüb ona yaxınlaşır və ondan soruşur: Siz Məhəmməd Əmin Rəsulzadənin oğlu Azər Rəsulzadəsiniz?-Bəli, deyə Azər Rəsulzadə cavab verir. Onlar xeyli söhbet edirlər.

Azər Rəsulzadənin Heydər Əliyev ilə görüşü


Rais Rəsulzadə babası Məhəmməd Əmin Rəsulzadənin məzarı qarşısında.

Rais Rəsulzadə (Babası Məhəmməd Əmin Rəsulzadənin məzərı önündə)



Rais Rəsulzadə 1978-ci ildə keçmiş SSRİAzərbaycan rəssamlar ittifaqlarına üzv qəbul olunub və həmin ildə Azərbaycan Dövlət Pedaqoji İnstitutunun "Rəsm, heykəltaraşlıq və boyakarlıq” kafedrasında əvvəlcə müəllim, sonra baş müəllim təyin edilib. Özünü hazırlıqlı, tələbkar bir müəllim kimi göstərib. Rəssamlar İttifaqının ən fəal üzvlərindən biri kimi ardıcıl olaraq çalışıb və İttifaqın bütün yaradıcılıq və ictimai işlərində fəallıq göstərib. Təsadüfi deyil ki, o, yaradıcılıq birliyinin respublika və keçmiş SSRİ Rəssamlar İttifaqının sərgilərində, habelə xarici ölkələrdə təşkil olunan sərgilərdə ardıcıl olaraq iştirak etmişdir. Onun əsərləri Kubada (Havana-1980), Əfqanıstanda (1980-1981), Polşada (1988) və ABŞ-da (Hyuston-1989) və başqa ölkələrdə nümayiş etdirilib. Ümumittifaq, respublika mətbuatında, infornasiya vasitələrində əsərləri barədə elmi-publisistik məqalələr dərc olunub, reproduksiyaları verilib. Son illər Azərbaycan incəsənətinin Bakıda, Moskvada, İstanbulda açılmış "Payız”, "Yaz”, "Novruz” sərgilərində, 1990-cı ildə "Yanvar-90” və akvarel sərgilərində, 1991-ci ildə "Yaz” və başqa sərgilərdə əsərlərini nümayiş etdirib. 1994-cü ildə Bakı şəhərində Rəssamın birinci, 1995-ci ildə II fərdi sərgisi açılıb. 1996-1998-ci illərdə respublikada və xarici ölkələrdə təşkil olunmuş sərgilərdə, 2000-2001-ci illərdə "Sənətdə təmayüllər” və "İncəsənət və neft səltənətində” tematik bədii sərgilərdə, 2001-ci ilin dekabr ayında "Mənzərə” bədii sərgisində, 2002-ci ilin martında "XXI əsr –yeni əsərlər”, 2002-ci ilin noyabrında "Naturmort”, 2003-cü ildə "Bakı, İçərişəhər”, "Təsviri sənətdə qadın obrazı”, "Gül aləmində”, 2004-cü ildə "İnteryerdə naturmort”sərgilərində və digər sərgilərdə iştirak etmişdir. Rais Rəsulzadənin 800 yaxın sənət əsəri var. Onlardan bəziləri bunlardır:


Neft emalçıları küçəsi, Bakı
Payızda həyat
Mis qablar ilə natürmort


2002-ci ildə "Azərbaycan Respublikasının əməkdar rəssamı” fəxri adına layiq görülüb. Əsərləri Azərbaycanın və digər ölkələrin şəkil qalereyalarında saxlanılır. 2009-cu ildən - Əşrəf Mehdiyevin vəfatından sonra Azərbaycan Siyasi Repressiya Qurbanları Assosiasiyasına rəhbərlik etmək təklifini qəbul edib.


İstinadlar[redaktə | əsas redaktə]

  • Azərbaycanın Əməkdar rəssamı, Rais Rəsulzadə. Bakı.2017
  • Bakı İncəsənət Mərkəzi,Yeni Gallery. Bakı.2016
  • Türkistan qəzeti, Əyyubova Səlimə, 2016, s.16