Rəsul Cəfərov

Vikipediya, açıq ensiklopediya
Jump to navigation Jump to search
Rəsul Cəfərov
Doğum tarixi 17 avqust 1984 (1984-08-17) (35 yaş)
Doğum yeri Bakı, Azərbaycan SSR
Vətəndaşlığı Azərbaycan Azərbaycan
İxtisası hüquqşünas
Təhsili Qərb Universiteti
Fəaliyyəti insan haqları müdafiəçisi
Mükafatları Norveç Helsinki Komitəsinin "Andrey Saxarov Azadlıq mükafatı" (2014)[1]

Rəsul Ağahəsən oğlu Cəfərov (d.17 avqust 1984(1984-08-17)) — Azərbaycanda fəaliyyət göstərən hüquqşünas və insan haqları müdafiəçisi[2]

2014-cü ildə Leyla Yunusla birlikdə Azərbaycandakı siyasi məhbusların siyahısını tərtib etmək üçün qurulan işçi qrupa rəhbərlik etmişdir. 2014-cü il avqustun əvvəllərində hər ikisi həbs edilmiş və onların öz adları da Norveç Helsinki Komitəsi tərəfindən dərc edilən həmin siyahıya daxil edilmişdir.[3][4] Rəsul Cəfərov 2016-cı ilin martında əfv olunmuşdur.

Həyatı[redaktə | əsas redaktə]

17 avqust 1984-cü ildə Bakı şəhərində anadan olub. 2004-cü ildə Qərb Universitetinin beynəlxalq hüquq fakültəsini (bakalavr), 2006-cı ildə isə həmin universitetin Avropa hüququ fakültəsini (magistratura) bitirib. 5 iyul 2007-ci ildən Reportyorların Azadlıq və Təhlükəsizlik İnstitutunda (RATİ) hüquqşünas kimi fəaliyyətə başlayıb, 1 may 2009-cu ildən həmin qurumun Media monitorinqi layihəsinin koordinatoru vəzifəsində çalışmışdır. 2009-cu ilin avqustundan "Televiziya və Alternativ Media İnkişaf Mərkəzi" İctimai Birliyinin sədridir.[5]

2012-ci ildə Azərbaycanda keçirilən Avroviziya Mahnı Müsabiqəsindən əvvəl yarışmadan istifadə edərək Azərbaycanda insan haqlarının vəziyyətinə diqqəti cəlb etmək məqsədilə təşkil edilən "Demokratiya naminə oxu" festivalının koordinatoru olmuşdur.[6][7]

İstinadlar[redaktə | əsas redaktə]

  1. "Andrei Sakharov Freedom Award to political prisoners in Azerbaijan". Den Norske Helsingsforkomite. Den Norske Helsingsforkomite (6 oktyabr 2014).
  2. "Azerbaijan: EU concerned by further arrests of human rights activists" (6 avqust 2014).
  3. Yunus, Leyla (2014). THE LIST OF POLITICAL PRISONERS IN AZERBAIJAN. http://www.nhc.no/filestore/Dokumenter/Land/Azerbaijan/THELISTENGLISHFINAL.pdf:+Norwegian Helsinki Committee.
  4. http://www.bbc.co.uk/azeri/azerbaijan/2014/08/140802_rasul_jafarov_halid_bagirov
  5. Azərbaycan Hüquqşünasları Forumunun İdarə Heyətinə namizədlər
  6. Daha bir neçə ölkə təmsilçiləri "Demokratiya naminə oxu" kampaniyası ilə maraqlana bilər
  7. "Demokratiya naminə oxu"da qalmaqal

Xarici keçidlər[redaktə | əsas redaktə]