Rafael Haşımov
| Rafael Haşımov | |
|---|---|
 | |
| Doğum tarixi | |
| Doğum yeri | Mingəçevir, Azərbaycan SSR, SSRİ |
| Vətəndaşlığı |
 SSRİ→ Azərbaycan |
| Fəaliyyəti | teatr rəssamı |
| Təhsili |
Azərbaycan Dövlət Rəssamlıq Məktəbi, Azərbaycan Dövlət İncəsənət İnstitutu |
| Mükafatları |
  |
 Vikianbarda əlaqəli mediafayllar | |
Rafael Zeynal oğlu Haşımov (28 yanvar 1959, Mingəçevir) — Azərbaycan teatr rəssamı, Azərbaycan Respublikasının əməkdar rəssamı (2013).
Həyatı[redaktə | mənbəni redaktə et]
Rafael Haşımov 28 yanvar 1959-cu ildə Mingəçevir şəhərində anadan olmuşdur. 1974-cü ildə Mingəçevir şəhər 1 nömrəli orta məktəbi bitirmiş, 1976-cı ildə Əzim Əzimzadə adına Azərbaycan Dövlət Rəssamlıq Məktəbinə daxil olmuşdur. 1979-cu ildə təhsilini yarımçıq qoyaraq Əfqanıstan Demokratik Respublikasına hərbi xidmətə yollanmışdır. 1981–1983-cü illərdə təhsilini davam etdirmiş, 1984-cü ildə Mirzəağa Əliyev adına Azərbaycan Dövlət İncəsənət İnstitutuna qəbul olunmuş, 1989-cu ildə buranı bitirmişdir.[1][2]
Yaradıcılığı[redaktə | mənbəni redaktə et]
Rafael Haşımov yaradıcılıq fəaliyyətinə 1990-cı ildə Mingəçevir Dövlət Dram Teatrında quruluşçu rəssam kimi başlamışdır. 2000-ci ildən həmin teatrın baş rəssamıdır.[1]
Teatrda fəaliyyət dövrü ərzində 100-dən artıq tamaşaya (H.Cavidin "Afət", M.Hüseynin "Cavanşir", "Şeyx Şamil", İ.Mərcanlının "Xocalı notları", T.Vəliyevanın "Mənim ağ göyərçinim", C.Məmmədquluzadənin "Danabaş kəndinin məktəbi", A.Mədətovun "Aylı gecə", R.Rəhimlinin "Gizli məhəbbət" tamaşaları və s.) bədii tərtibat vermişdir. Quruluşçu rəssamı olduğu H.Cavidin "Ana" tamaşası 2003-cü ildə "Qızıl Dərviş" mükafatına layiq görülmüşdür.[2]
Mükafatları[redaktə | mənbəni redaktə et]
- "Azərbaycan Respublikasının əməkdar rəssamı" fəxri adı — 25 iyun 2013[3]
- "Tərəqqi" medalı — 16 oktyabr 2018[4]
İstinadlar[redaktə | mənbəni redaktə et]
- ↑ 1 2 "Bədii heyət — Baş rəssam Rafael Haşımov". mddt.az. Mingəçevir Dövlət Dram Teatrı. 24 avqust 2020 tarixində arxivləşdirilib. İstifadə tarixi: 24 avqust 2020.
- ↑ 1 2 "60 illik yubileyləri münasibətilə..." "Mədəniyyət" qəzeti. 20 mart 2019. səh. 5. 24 avqust 2020 tarixində arxivləşdirilib. İstifadə tarixi: 24 avqust 2020.
- ↑ "Azərbaycan Respublikasının teatr xadimlərinə fəxri adların verilməsi haqqında Azərbaycan Respublikası Prezidentinin Sərəncamı". president.az. 25 iyun 2013. 24 avqust 2020 tarixində arxivləşdirilib. İstifadə tarixi: 24 avqust 2020.
- ↑ "Mingəçevir Dövlət Dram Teatrı əməkdaşlarının "Tərəqqi" medalı ilə təltif edilməsi haqqında Azərbaycan Respublikası Prezidentinin Sərəncamı". president.az. 16 oktyabr 2018. 24 avqust 2020 tarixində arxivləşdirilib. İstifadə tarixi: 24 avqust 2020.