Rafiq Quliyev (icra başçısı)

Rafiq Quliyev
Rafiq Quliyev
Xətai Rayon İcra Hakimiyyətinin başçısı
	Vəzifədədir
	12 noyabr 2019-cu ildən
Əvvəlki	Razim Məmmədov
Xətai Rayon İcra Hakimiyyətinin başçısının birinci müavini
	19 dekabr 2013 – 12 noyabr 2019
Xətai Rayon İcra Hakimiyyətinin başçısının müavini
	21 may 2012 – 19 dekabr 2013
Şəxsi məlumatlar
Doğum tarixi	17 yanvar 1974 (51 yaş)
Doğum yeri	Arevis, Sisian rayonu, Ermənistan SSR, SSRİ;
Partiya	Yeni Azərbaycan Partiyası;
Təhsili	Azərbaycan Dövlət Neft və Sənaye Universiteti,; Azərbaycan Respublikasının Prezidenti yanında Dövlət İdarəçilik Akademiyası;
Dini	İslam
Hərbi xidmət
Döyüşlər	Birinci Qarabağ müharibəsi;
Təltifləri

Rafiq Çəpərxan oğlu Quliyev (17 yanvar 1974, Arevis, Sisian rayonu) — Birinci Qarabağ müharibəsi veteranı, Xətai Rayonu İcra Hakimiyyətinin başçısı.^[1]

Həyatı

Rafiq Quliyev 17 yanvar 1974-cü ildə Ermənistan Respublikasının Qarakilsə rayonunun Ərəfsə kəndində anadan olub. 1981-ci ildə Ərəfsə kənd orta məktəbində 1-ci sinifə gedib. Ermənistan Respublikasından azərbaycanlıların etnik təmizlənməsindən sonra 1988-ci ildə ailəsi ilə birgə Bakı şəhərində məskunlaşıb. 1991-ci ildə Xətai rayonu 204 saylı orta məktəbi bitirib.

1992–1993-cü illərdə Azərbaycan Silahlı Qüvvələrində hərbi xidmət keçmişdir. Ağdərə uğrunda gedən döyüşlərdə güllə yarası alıb. Birinci Qarabağ müharibəsi veteranıdır.

1993–1999-cu illərdə Azərbaycan Dövlət Neft Akademiyasında "Mühəndis iqtisadiyyatı" ixtisası üzrə təhsil alıb. 2003–2006-cı illərdə Azərbaycan Respublikasının Prezidenti yanında Dövlət İdarəçilik Akademiyasının "Dövlət və Bələdiyyə İdarəetmə" ixtisası üzrə kursu fərqlənmə diplomu ilə bitirib.

Ailəsi

Ailəlidir, 2 övladı var.

Fəaliyyəti

1997-ci ildən Xətai rayon İcra Hakimiyyətində Ümumi şöbədə müfəttiş, 2003-cü ildən müfəttiş-inspektor, 2006-cı ildən 2012-ci ilədək həmin şöbənin müdiri vəzifələrində çalışmışdır.

21 may 2012-ci ildən 19 dekabr 2013-cü ilədək Xətai rayon İcra Hakimiyyəti Başçının müavini, 2013-cü il dekabrından başçının 1-ci müavini vəzifəsində işləmişdir. Prezident İlham Əliyevin 12 noyabr 2019-cu il sərəncamı ilə Rafiq Quliyev Bakı şəhəri Xətai Rayon İcra Hakimiyyətinin başçısı təyin edilmişdir.^[2]

2006-cı ildən Yeni Azərbaycan Partiyasının üzvüdür.

İstinadlar

↑ "R.Quliyevin Xətai Rayon İcra Hakimiyyətinin başçısı təyin edilməsi haqqında Azərbaycan Respublikası Prezidentinin Sərəncamı". 18 oktyabr 2021 tarixində arxivləşdirilib. İstifadə tarixi: 12 noyabr 2019.
↑ "R.Ç.Quliyevin Bakı şəhəri Xətai Rayon İcra Hakimiyyətinin başçısı təyin edilməsi haqqında Azərbaycan Respublikası Prezidentinin Sərəncamı". 12 noyabr 2019 tarixində arxivləşdirilib. İstifadə tarixi: 12 noyabr 2019.

[1] "R.Quliyevin Xətai Rayon İcra Hakimiyyətinin başçısı təyin edilməsi haqqında Azərbaycan Respublikası Prezidentinin Sərəncamı". 18 oktyabr 2021 tarixində arxivləşdirilib. İstifadə tarixi: 12 noyabr 2019.

[2] "R.Ç.Quliyevin Bakı şəhəri Xətai Rayon İcra Hakimiyyətinin başçısı təyin edilməsi haqqında Azərbaycan Respublikası Prezidentinin Sərəncamı". 12 noyabr 2019 tarixində arxivləşdirilib. İstifadə tarixi: 12 noyabr 2019.

[1]

[2]