Ramin Hacılı

Vikipediya, azad ensiklopediya
Jump to navigation Jump to search
Ramin Hacılı
Ramin Hacılı.JPG Ramin Hacılı
Doğum tarixi 2 sentyabr 1983(1983-09-02) (36 yaş)
Doğum yeri
Həyat yoldaşı Aysel Əlizadə
Atası Rasim Hacıyev
Anası Hürü Hacıyeva
Milliyyəti azərbaycanlı
İxtisası Beynəlxalq Siyasi Münasibətlər
Təhsili Azərbaycan Dövlət İqtisad Universiteti
Fəaliyyəti siyasətçi
Fəaliyyət illəri 2002 - indi
Saytı raminhacili.az

Ramin Rasim oğlu Hacılı (2 sentyabr 1983(1983-09-02), Füzuli rayonu) — siyasi aktivist; "Üçüncü gələcək" jurnalının təsisçisi və baş redaktoru. Azərbaycan Avropa Hərəkatının prezidenti[1] (2012 – indi)

Həyatı[redaktə | əsas redaktə]

Ramin Rasim oğlu Hacılı 2 sentyabr 1983-cü il tarixində Azərbaycan Respublikası, Füzuli rayonu, Arayatılı kəndində doğulub.[2] 1993-cü ildə erməni hərbi birləşmələrinin Füzuli rayonunu işğalı etməsi səbəbindən məcburi köçkün kimi ailəsi ilə birlikdə Bakı şəhərinə köç edərək vaqonda məskunlaşıb. Orta təhsilini Bakı şəhəri, Nizami rayonu 220 saylı tam orta məktəbdə başa vurub. 2002-ci ildən 2006-cı ilədək Azərbaycan Dövlət İqtisad Universitetinin Türk Dünyası İşlətmələr fakültəsində Beynəlxalq Siyasi Münasibətlər ixtisası üzrə ali təhsil alıb. Türkiyə İstanbul Univeristetinin beynəlxalq münasibətlər ixtisası, ABŞ-da liderlik proqramı üzrə və Malta Respublikasının ixtisaslaşdırılmış ingilis dili kursunda təhsil alıb.  

Gənc yaşlarından ictimai-siyasi fəaliyyətlə məşğul olub, onlarla layihəyə rəhbərlik edib, mediada analitik mövqe sərgiləyib, yerli və beynəlxalq qurumlarda çalışıb.

2002-2004-cü illərdə "Rəsulzadə - Elçibəy Ocağı"nda sədr müavini vəzifəsində çalışıb.

2005-2006-cı illərdə Dalğa Gənclər Hərəkatının təsisçilərindən biri və ilk sədri; 2007-2008-ci illərdə isə Dalğa Gənclər Hərəkatının təsis etdiyi "Demokratiya Məktəbi"nin direktoru olub. Hazırda "Demokratiya Məktəbi"nin təlimçisi, "Demokratiya Akademiyası"nın prezidentidir.[3]

20062007-ci illərdə ABŞ-ın Hüquqşünaslar Assosiasiyasının dəstəyi ilə Bakı şəhərində keçirilən ”SAĞLAM TƏHSİL” kampaniyasına rəhbərlik edib.

2006-cı ilin sentyabrından Demokratik İslahatlar Partiyasının Gənclər Təşkilatının sədri və 2008-ci ildən həmin partiyanın Siyasi Şurasının üzvüdür. Azərbaycan Avropa Hərəkatının vitse-prezidenti və baş katibi olub (2011 iyun2012 fevral). Hazırda Azərbaycan Avropa Hərəkatının prezidentidir.[1]

2006-cı ilin sentyabr ayının 17–dən nəşr olunan gənclər üçün "Alma" ictimai–siyasi qəzetinin ideya müəllifi və koordinatoru olub.. Müxtəlif dövrlərdə dövrü mətbuatda məqalələrlə çıxış edib.

2006-cı ildə konfliktologiya üzrə xüsusi təlim alıb. Həmin tarixdən etibarən sülh quruculuğu istiqamətində həyata keçirilən layihələrdə aktiv iştrak edir.

2007 - 2008-ci illərdə Dalğa GH-nın təsis etdiyi “Azərbaycan Demokratiya Məktəbi”nin (ADM) direktoru olub.

2008 - 2013-cü illərdə “Azərbaycan Demokratiya Məktəbi”nin təlimçisi olub.

2008 - 2010-cu illərdə ABŞ-ın Demokratiyaya Yardım Fondunun (NED) dəstəyi ilə fəaliyyət göstərən “Demokratiya Akademiyası”nın prezidenti vəzifəsini icra edib.

2006 - 2013-cü illərdə Azərbaycan Demokratik İslahatlar Partiyası Gənclər Təşkilatının sədri və partiyanın Siyasi Şurasının üzvü olub.

2008-ci ildə Ukraynanın paytaxdı Kiyev şəhərində keçirilən "Dünya Demokratiya Hərəkatı"nın qurultayında Azərbaycan gənclərini təmsil edib.

2009-cu ildə Türkiyənin Bursa şəhərində keçirilən “Türkiyə, Azərbaycan və Ermənistan münasibətləri” adlı konfransa qatılıb və nüfuzlu media qurumlarında Ermənistan-Azərbaycan Dağlıq Qarabağ münaqişəsi ilə bağlı mövqe bildirib. Bursa şəhərində Azərbaycan dövlət bayrağının qadağası barədə Türkiyə Cumhiriyyəti tərəfindən qəbul edilmiş qərarın dəyişdirilməsində aktiv iştirak edib. Bursa şəhərində keçirilən Ermənistan - Türkiyə milli komandaları arasında futbol yarışında qadağan olunan Azərbaycan bayrağını stadiona keçirə bilib və Ermənistan prezidenti Serj Sərkisyanın önündə açıb. Buna görə Bursa polisi tərəfindən saxlanılıb və barəsində araşdırma aparıldıqdan sonra  sərbəst buraxılıb.

2010-cu ilin aprel-may aylarında "Gənc liderlər" proqramı çərçivəsində ABŞ-da səfərdə olub.

2010-cu ilin noyabr ayında keçirilən parlament seçkilərində, 24 saylı Nizami birinci seçki dairəsindən Demokratiya Siyasi Partiyalar Blokunun namizədi olmuş və deputat seçilən Rövnəq Abdullayevdən sonra ikinci yeri tutmuşdur.[4]

2010-cu ilə Bakıda iki günlük səfərdə olan ABŞ dövlət katibi Hillari Klintonla görüşüb.

2010-cu il 7 noyabr tarixində keçirilən Azərbaycan Respublikasının Milli Məclisi seçkilərində Bakı şəhəri, Nizami rayonundan (24 saylı Nizami birinci seçki dairəsi üzrə) deputatlığa namizəd olub.

2011-ci ildən "Üçüncü gələcək" jurnalının təsisçisi və baş redaktorudur. Siyasi sistemlər və idealogiyalar nəzəriyyəsi üzrə mütəxəsisdir.

2012-cı il 17 fevral tarixində Beynəlxalq Avropa Hərəkatının (BAH) Azərbaycan nümayəndəliyi olan Azərbaycan Avropa Hərəkatının prezidenti seçilib.

2012-cı ilin may ayında BAH-ın Brüssel şəhərində baş tutan Federal Assambleyasına qatılaraq Azərbaycan Avropa Hərəkatını təqdim edib və ermənilər tərəfindən yaradılmış qondarma ”Qarabağ Avropa Hərəkatı” adlı qurumla BAH arasında tərəfdaşlığa son verilməsinə nail olub.

2012-ci ildə ATƏT-in dəstəyi ilə həyata keçirilən “Gənclərin İctimai–Siyasi Fəallığının Artırılması üzrə Regional Təlimlər” layihəsinin koordinatoru olub.

2012-ci ildə Dünya Azərbaycanlılarının birləşdiyi Bütöv Azərbaycan Ocaqlarının (BAO) İdarə Heyətinin üzvü seçilib.

20132014-cü illərdə ABŞ Təhsilli Azərbaycan Məzunları Birliyi (AAA) İdarə Heyətinin üzvü olub.

2013-cü ildə Dublin şəhərində baş tutan və İrlandiyanın Baş Nazirinin də qatıldığı Avropa Birliyinin genişlənmə proqramı üzrə dinləmələrdə məruzəçi olub.

2013-cü ildə Maltada təhsil alıb.

2013-cü ildə Beynəlxalq Avropa Hərəkatının təşəbbüsü ilə Ermənistanda keçirilən “Dağlıq Qarabağ münaqişəsinin həllində Vətəndaş Cəmiyyətinin rolu” mövzusunda müzakirələrdə Azərbaycan tərəfindən təmsilçi kimi İrəvan şəhərində səfərdə olub.[5]

2013-cü il oktyabrın 9-na təyin edilmiş Azərbaycan Respublikası Prezidentinin seçkilərində Ümid Partiyasının vəkil edilmiş şəxs kimi,[6]

2014-cü ildə TEDx spikeri kimi çıxış edib.

20142017-ci illərdə Azərbaycan Ümid Partiyası (AÜP) sədrinin Beynəlxalq Əlaqələr üzrə müavini vəzifəsində çalışıb.

20142015-ci tədris ilində ADA Universitetində Avropa Birliyi tarixindən dərs deyib. [7]

2014-cü ilin 9 oktyabr tarixində şairə-publisist Aysel Əlizadə ilə ailə həyatı qurmuşdur[8][9].

2014-cü il dekabrın 23-nə təyin edilmiş bələdiyyə seçkilərində Ümid Partiyasının səlahiyyətli nümayəndəsi kimi Azərbaycan Respublikasının Mərkəzi Seçki Komissiyasında qeydə alınmışdır.[10]

2015-ci il 1 noyabr tarixində keçirilən Azərbaycan Respublikasının Milli Məclisinə seçkilərində Bakı şəhəri, Nərimanov rayonundan (19 saylı Nərimanov birinci seçki dairəsi üzrə) deputatlığa namizəd olub.

2016-cı il fevral ayında Fransanın Xarici İşlər Nazirliyinin dəvəti ilə Paris şəhərində işgüzar səfərdə olub.

20162017-ci illərdə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə icra olunan ”Diqqət Azərbaycana!” və ”Azərbaycanı dünyada necə tanıtmalı?” layihələrinə rəhbərlik edib.

2016-cı il may ayında Haaqa şəhərində Niderland Krallığının Xarici İşlər Naziri ilə Avropa BirliyiAzərbaycan münasibətlərini müzakirə edib, Beynəlxalq Avropa Hərəkatı tərəfindən təşkil olunan konfransa qatılaraq AB-Azərbaycan tərəfdaşlığı istiqamətində spesifik özəllikləri əks etdirən tezislər irəli sürüb.

20162017-ci illərdə Azərbaycan Avropa Hərəkatının təşəbbüsü ilə İngilis diliAzərbaycan dilində nəşr olunan ”Azərbaycanı dünyada necə tanıtmalı?” jurnallarının tərtibatçısı olub.

2016-cı ilin oktyabr ayında Azərbaycanın Milli müstəqillik günü tədbirlərini təşkil etmək üçün ABŞ-a səfər edib.

20162018-ci illərdə təhsil və turizm sahəsində fəaliyyət göstərən ”No Border” Holdinqdə icraçı drektor, ”ELEND” İntellektual Turizm Şirkətində konsultant, ”EduTimes” Xaricdə Təhsil Agentliyində ekspert vəzifəsində çalışıb.

2016-cı ilin noyabr ayında Brüssel şəhərində yerləşən Avropa Parlamentinin binasında təşkil olunan ”Avropanın Gələcəyi” adlı konfransa qatılıb.

2016-cı ilin dekabr ayında İstanbul şəhərində baş tutan Türkiyə və Azərbaycan Avropa Hərəkatları arasında əməkdaşlığı daha da dərinləşdirmək üçün təşkil olunan müzakirələrə qatılıb.

2017-ci ilin yanvar ayında Azərbaycan Respublikası Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi (DİN-in BMCMİ) tərəfindən qondarma ittihamlarla başladılan ”cinayət işi”nə görə 4 oktyabr 2017-ci il tarixində Bakı şəhəri Nəsimi Rayon Məhkəməsi barəsində 3 il müddətinə azadlığın məhdudlaşdırılması (şərti cəza) hökmü çıxarıb.

2017-ci il 31 mart tarixində ailəsi ilə yaşadığı ev müəmmalı şəkildə yanıb.

20172018-ci illərdə həbs olunduğu 4 iyun 2018-ci il tarixinə qədər Avropa Birliyinin dəstəyi ilə həyata keçirilən ”Qız övladlarına qarşı ayrı-seçkiliyin aradan qaldırılması” layihəsinə rəhbərlik edib.

20182019-ci illərdə Azərbaycanın Dövlət Sərhəd Xidmətinin başlatdığı və DİN-in BMCMİ-nin davam etdirdiyi ”cinayət işi” səbəbindən 4 iyun 2018-ci il tarixindən, 14 mart 2019-cu ilədək (9 ay 10 gün) həbsdə saxlanılıb.

2019-cu il 11 may tarixində ”Biz Qarabağı istəyirik!” kompanıyasını başladıb və 8 iyunun Qarabağ Günü kimi qeyd olunması ideasını irəli sürüb. Dünyanın diqqətini Dağlıq Qarabağ münaqişəsinə çəkmək üçün 5 iyun tarixindən ayaqla təkbaşına Bakıdan yola çıxaraq Horadiz şəhərinə doğru 293 km ”barış üçün piyada yürüş” edib.

2019-cu il 20 iyun tarixində “Red Fact” adlı internet televiziyanı təsis edib və Üçüncü Gələcək Jurnalını elektron formata keçirib.

İstinadlar[redaktə | əsas redaktə]

  1. 1 2 "European Movement Azerbaijan". EUROPEAN MOVEMENT INTERNATIONAL (ingilis). europeanmovement.eu. 18th February 2015. İstifadə tarixi: 2015-04-03.
  2. 24 NIZAMI BIRINCI SEÇKI DAIRƏSİ ÜZRƏ QEYDƏ ALINANLARIN SİYAHISI. infocenter.gov.az  (azərb.)
  3. "Ramin Hacılı İqbal Ağazadənin müavini oldu" (azərb.). qafqazinfo.az. 23.06.2014. İstifadə tarixi: 2015-04-03.
  4. 2010-cu ilin noyabr ayında keçirilən parlament seçkilərinin nəticələri. infocenter.gov.az  (azərb.)
  5. "Azərbaycan Avropa Hərəkatının rəhbəri Ramin Hacılı Ermənistan səfərindən danışıb" (azərb.). amerikaninsesi.org. 23.10.2013. İstifadə tarixi: 2015-04-03.
  6. 2013-cü il oktyabrın 9-na təyin edilmiş Azərbaycan Respublikası Prezidentinin seçkilərində Azərbaycan Ümid Partiyasının vəkil edilmiş şəxslərinin qeydə alınması haqqında Azərbaycan Respublikası Mərkəzi Seçki Komissiyasının QƏRARI. msk.gov.az  (azərb.)
  7. Ramin Hacılı ADA-da müəllim oldu. lent.az, 29.12.2014  (azərb.)
  8. Ramin Hacılı və Aysel Əlizadənin toyundan REPORTAJ. lent.az, 10.10.2014  (azərb.)
  9. Bakıda məşhur cütlüyün qeyri-adi toyu - FOTO. milli.az, 10.10.2014  (azərb.)
  10. 2014-cü il dekabrın 23-nə təyin edilmiş bələdiyyə seçkilərində Ümid Partiyasının səlahiyyətli nümayəndələrinin qeydə alınması haqqında Azərbaycan Respublikası Mərkəzi Seçki Komissiyasının QƏRARI. msk.gov.az  (azərb.)

Xarici keçidlər[redaktə | əsas redaktə]