Ümid Partiyası (Azərbaycan)

Vikipediya, azad ensiklopediya
(Ümid Partiyası səhifəsindən istiqamətləndirilmişdir)
Jump to navigation Jump to search
Ümid Partiyası

Ümid Partiyası
Umudparty.jpg
Lider İqbal Ağazadə
Qurucu Əbülfət Əhmədov
Sədri İqbal Ağazadə
Quruluş tarixi 1993
Beynəlxalq Azerbaijans Hope
Üzv sayı 59.000
Şüar "Ümidli gələcək, ümidlə gələcək"
Parlamentdə
VI
0 / 125
Mətbuat orqanı Ümid Media

Ümid partiyası — Azərbaycanda mövcud siyasi partiyalardan biri.

Tarixi[redaktə | əsas redaktə]

Ümid Partiyası 1993-cü ildə təsis edilərək, elə həmin ildə də dövlət qeydiyyatına alınıb. Partiyanın ilk sədri mərhum Əbülfət Əhmədov olub.

Ümid Partiyasının fəaliyyətində əsaslı dönüş 2002-ci ilin dekabrında Vətəndaş Birliyi Partiyasının Ümid Partiyasına birləşməsindən sonra başlayıb. 2002-ci il dekabrın 15-də Ümid Partiyasının III (I) Qurultayında partiyanın sədri İqbal Ağazadə seçilib.

Seçki tarixi[redaktə | əsas redaktə]

2003-cü il may ayının 9-da partiyanın Ali Məclisi 2003-cü ilin prezident seçkilərində "Bizim Azərbaycan" blokunun namizədi Müsavat başqanı İsa Qəmbərin namizədliyinin dəstəkləmək və "Bizim Azərbaycan" blokuna qoşulmaq barədə qərar çıxardı və Müsavat partiyası ilə 21 may 2003-cü il tarixdə ikitərəfli saziş imzalandı.

2003-cü il avqustun 5-də Ümid Partiyasının Rəyasət Heyəti İlham Əliyevin qeyri-qanuni yolla Baş nazir təyin olunmasına etiraz olaraq "Monarxiyaya yox deyirik!", "Ailə üsul-idarəsinə etiraz edirik!" şüarları ilə avqustun 6-dan etibarən aclıq aksiyası keçirdi

2004-cü ildə partiya Bələdiyyə seçkilərində iştirakdan imtina qərarını verdi.

22 oktyabr 2004-cü il tarixdə Ağır Cinayətlərə dair Məhkəmənin qararı ilə 3 il müddətinə həbs olunan partiya lideri İqbal Ağazadə digər silahdaşları ilə birlikdə beynəlxalq təzyiqlər nəticəsində 20 mart 2005-ci ildə əfv fərmanı ilə azad edildi.

6 iyun 2005-ci il tarixdə Ümid Partiyasının Ali Məclisi "Bizim Azərbaycan" blokunda təmsilçilikdən imtina etməklə, Müsavat və digər partiyalarla ikitərəfli əməkdaşlığın davam etdirilməsini qərara aldı.

Ali Məclisin elə həmin tarixli sessiyasında Ümid Partiyası 06 noyabr 2005-ci il parlament seçkilərində müstəqil olaraq iştirakla bağlı qərar verdi və partiya 2005-ci il parlament seçkilərinə 30 namizədlə qatıldı. Seçkilərin nəticələrinin əksər dairələrdə kütləvi şəkildə saxtalaşdırılmasına baxmayaraq, 35 saylı Xətai üçüncü seçki dairəsindən deputatlığa namizəd Ümid lideri İqbal Ağazadə oldu.

İqbal Ağazadə daha sonra 2010-cu il seçkilərində də eyni dairədən qalib oldu.

2013-cü il prezident seçkilərinin nəticəsi açıqlanandan sonra İqbal Ağazadə qalib elan olunan İlham Əliyevi təbrik etdi. Bu hadisə partiyanın sədr müavini Ruslan İzzətli və başqa insanların istefasına səbəb oldu.

İştirak etdiyi seçkilər[redaktə | əsas redaktə]

Parlament seçkiləri:[redaktə | əsas redaktə]

2001(təkrar seçki);

Azərbaycan Respublikasının Milli Məclisinə seçkilər (2000)

Azərbaycan Respublikasının Milli Məclisinə seçkilər (2005)

Azərbaycan Respublikasının Milli Məclisinə seçkilər (2010)

Azərbaycan Respublikasının Milli Məclisinə seçkilər (2015)

2016 təkrar seçkilər

Azərbaycan Respublikasının Milli Məclisinə seçkilər (2020)

Bələdiyyə seçkiləri:[redaktə | əsas redaktə]

2009 bələdiyyə seçkiləri;

2014 bələdiyyə seçkiləri;

2019 bələdiyyə seçkiləri.

Prezident seçkiləri:[redaktə | əsas redaktə]

Azərbaycan Respublikası Prezident seçkiləri (2013)

Partiya qərargahı[redaktə | əsas redaktə]

Ümid Partiyası Nərimanov rayonu ərazisində yerləşən birmərtəbəli özəl binada yerləşir.

İstinadlar[redaktə | əsas redaktə]

Xarici Keçidlər[redaktə | əsas redaktə]

1.Ümid Partiyası

2.Ümid Partiyasının Mətbuat Xidməti

3.Ümid Partiyası Gənclər Təşkilatı