Rasim Qarayev

Vikipediya, açıq ensiklopediya
Jump to navigation Jump to search
Rasim Qarayev
Rasim Şirin oğlu Qarayev
Doğum tarixi 15 yanvar 1930(1930-01-15)
Doğum yeri Flag of the Azerbaijan Soviet Socialist Republic.svg Azərbaycan SSR
Vəfat tarixi 9 fevral 2003(2003-02-09)
Vəfat yeri Bakı
Vətəndaşlıq Flag of Azerbaijan.svg Azərbaycan
Elm sahəsi iqtisadiyyat
İş yeri Azərbaycan Dövlət Pedaqoji Universiteti
Elmi dərəcəsi iqtisad elmləri namizədi
Elmi adı professor
Təhsili ali
Orxan Zakiroğlu (Baharlı). Qarabağın Seyidli oymağı. I kitab. Bakı, 2017

Rasim Şirin oğlu Qarayev - iqtisad elmləri namizədi, professor, Hacı İsmayıllılar nəsli

Həyatı[redaktə | əsas redaktə]

Rasim Qarayev 15 yanvar 1930-cu ildə Ağdam rayonunun Seyidli kəndində anadan olmuşdur. İlk təhsilini Ağdam şəhər 2 nömrəli ibtidai məktəbdə almış, 1949-cu ildə Ağdam şəhər 1 nömrəli orta məktəbi bitirmişdir. O, 1949-1954 illərdə Azərbaycan Dövlət Universitetinin (indiki Bakı Dövlət Universiteti) Tarix fakültəsinin siyasi iqtisad şöbəsində ali təhsil almış, qırmızı diplomla qurtarmışdır.

Rasim Qarayev müsabiqə yolu ilə siyasi iqtisad fənni üzrə Azərbaycan Qiyabi Dövlət Pedaqoji İnstitutuna baş müəllim təyin edilmişdir. Azərbaycan Qiyabi Dövlət Pedaqoji İnstitutu Azərbaycan Pedaqoji İnstitutuna (indiki Azərbaycan Dövlət Pedaqoji Universiteti) birləşdirildikdən sonra həmin təhsil ocağında baş müəllim ştatı ilə siyasi iqtisad fənnindən dərs demişdir.

Rasim Qarayev 1967-ci ildə dissertasiya müdafiə edərək, iqtisad elmləri namizədi alimlik dərəcəsi almışdır.

Rasim Qarayev Azərbaycan Dövlət Pedaqoji Universitetində baş müəllim (1954-1970), dosent (1970-1986), professor (1986-2002) vəzifələrində çalışmışdır. O, kafedra müdirinin müavini (1969-1975), kafedra müdiri (1975-1999) vəzifələrində işləmişdir.

Rasim Qarayev 9 fevral 2003-cü ildə vəfat etmişdir.

Elmi fəaliyyəti[redaktə | əsas redaktə]

Rasim Qarayev bır neçə elmi əsərin, tədris vəsaitinin müəllifidir. Onun 40-a yaxın elmi məqaləsi işıq üzü görmüş, “İmperializmin əsas iqtisadi əlamətləri” (Bakı, 1961), “İctimai istehlak fondları” (Bakı, 1964), “Sosialist təsərrüfatında qiymət, maya dəyəri, xalis gəlir və təsərrüfat hesabı” (Bakı, 1965), “İctimai istehlak fondları və kommunizm quruculuğu” (Bakı, 1971) adlı kitabları çap edilmişdir.

Mənbə[redaktə | əsas redaktə]

  • Orxan Zakiroğlu (Baharlı). Qarabağın Seyidli oymağı. I kitab. Bakı, 2017

Həmçinin bax[redaktə | əsas redaktə]