Rixard Zorgenin abidəsi (Bakı)

Vikipediya, açıq ensiklopediya
(Rixard Zorgenin heykəli (Bakı) səhifəsindən istiqamətləndirilmişdir)
Jump to navigation Jump to search
Rixard Zorgenin abidəsi
Rixard Zorge abidəsi.jpg
Heykəl haqqında məlumat
Heykəltəraş Vladimir Siqal
Memar Rasim Əliyev, Leonid Pavlov, Y.Dubov
Ölkə Azərbaycan
Şəhər Bakı
Tarixi May 1981
Digər məlumatlar
Material Bürünc, Qranit
Saxlanıldığı yer Zorge parkı

Rixard Zorgenin abidəsi — Sovet İttifaqı Qəhrəmanı, İkinci dünya müharibəsində sovet kəşfiyyatçısı olmuş Rixard Zorgenin şərəfinə abidə. Abidə 1981-ci ildə ucaldılmışdır. Heykəltəraş Vladimir Siqal, memarlar Rasim Əliyev, Leonid Pavlov, Y. Dubovdur[1].

Abidənin açılış mərasimi 1981-ci ilin may ayında, Qələbə Günü ərəfəsində olmuşdur. Abidə Rixard Zorge adına parkda yerləşir. Abidə bürünc və qranitdən hazırlanmışdır. Şam, çinar, tut və Yaponiyadan gətirilmiş albalı ağacları ilə əhatələnmişdir[2].

Heykəltəraş Vladimir Siqal, özü belə deyirdi:

" Uzun illərdir mən əfsanəvi sovet kəşfiyyatçısı, qrup komandiri, Rixard Zorgeyə abidə hazırlamaq arzusundaydım. Yaponiyada olarkən onu tanıyan insanlarla söhbətdə olmuşam. Toplanılmış məlumatlar, təəssüratlar yaradıcı kollektivə Rixard Zorgenin vətəni Bakıda abidəsinin hazırlanmasına böyük köməklik göstərdi. Nəhayət, memar Leonid Pavlov ilə biz dahi patriotun abidəsinin hazırlanmasını başa çatdıra bildik[3]. "

Rixard Zorgenin abidəsi uzunsov, əyilmiş bürünc lövhə formasında hazırlanmışdır. Bu radar qurğusunu xatırladır və abidənin mərkəzində Zorgenin üzünün ortası təsvir olunmuşdur. Onun baxışları xüsusi diqqət çəkir. Bununla heykəltəraş sovet kəşfiyyatçısı simvolunu yaratmağa çalışmışdır[4].

Abidənin şəkli Azərbaycan Sovet Ensiklopediyasında Siqal haqqında olan məqalədə yerləşdirilmişdir[5].

Ədəbiyyat[redaktə | əsas redaktə]

İstinadlar[redaktə | əsas redaktə]

  1. Vladimir Siqal. Monumental və dəzgah heykəltəraşlığı / Tərtibatçı: N. Qolyandina. — M.: RSFSR Rəssamı, 1989. — Səh.: 250.  — 5.000 nüs.
  2. V. Y. Siqal. Bakıda Rixard Zorgenin abidəsi : bədii-ədəbi və ictimai-siyasi jurnal. — Xalqlar Dostluğu, 1982. — Səh. 223.
  3. Siqal Vladimir Yefimoviç // Gözəl haqqında hekayələr. — Təsviri incəsənət, 1989. — Səh. 340.
  4. Doronina L. XVIII-XX əsrlərin Rus heykəltəraşlıq ustaları. — M.: Ağ Şəhər, 2008. — II cild. — Səhifələrin sayı: 227.
  5. Сигал Владимир Јефимович / C. Quliyevin redaksiyası altında. — Azərbaycan Sovet Ensiklopediyası: Azərbaycan Sovet Ensiklopediyasının baş redaksiyası, 1984. — C. VIII. — Səh. 417.