Salman Nərimanov

Vikipediya, azad ensiklopediya
Jump to navigation Jump to search
Salman Nərimanov
Salman Kərbəlayi Nəcəf oğlu Nərimanov
Salman Nerimanov.jpg
Təxəllüsləri "Səyyarə", "Səyyareyi-Həqqi", "Qoca Salman"
Doğum tarixi 1847(1847-Şablondakı doğum və ya ölüm tarixində texniki yanlışlıq var!-00)
Doğum yeri Tiflis
Vəfat tarixi 1907(1907-Şablondakı doğum və ya ölüm tarixində texniki yanlışlıq var!-00)
Vəfat yeri Bakı
Həyat yoldaşı Səltənət xanım
Uşaqları

Asya, İsmayıl, İltifat,

Xanım
Atası Kərbəlayi Nəcəf
Anası Həlimə xanım
Fəaliyyəti Mürəttib, mühərrir, puplisist, yazıçı
Əsərlərinin dili azərbaycan dili
Tanınmış əsərləri Səyahətnamə

Salman Kərbəlayi Nəcəf oğlu Nərimanov — ictimai-siyasi və dövlət xadimi, yazıçı, puplisist Nəriman Nərimanovun böyük qardaşı.

O, 1847-ci ildə Tiflisdə anadan olmuşdur. 7 yaşında ikən atası onu Tiflisdə Hacı Molla Tağının mədrəsəsinə qoyur. Üç il burada “Quran”dan və Sədinin “Gülüstan” kitabından dərs keçib, ruhani idarəsinin açdığı məktəbə qəbul olur. Bu məktəbin ona əsaslı bilik verə bilməyəcəyini dərk edib, təhsildən uzaqlaşır. Bu barədə “Səyahətnamə” əsərində yazır: “Bəsirət gözümü açıb nəzərimdə əməllərini riya gördüm və təkfür aləminə düşdüm”.

Salman Nərimanov ədəbiyyat həvəskarı olduğundan ciddi mütaliə edir, öz üzərində yorulmadan çalışır, Firdovsi, Nizami, Xaqani, Sədi, Hafiz, Mollayi-Rumi, Füzuli və M.F.Axundovun əsərləri ilə yaxından tanış olur. Çox keçmədən S.Nərimanov özü də “Səyyarə” və “Səyyareyi-Həqqi” imzası ilə şeirlər yazmağa başlayır.

Salman Nərimanov Qafqazda ilk azərbaycanlı mürəttib kimi tanınmışdır. O, 1905-1907-ci illərdə Bakı mətbəələrində baş mürəttiblik etməklə bərabər Azərbaycanda milli mürəttiblərin yetişməsində və poliqrafiya sənətinin inkişafında xidmət göstərmiş, öz puplisistikası və bədii əsərləri ilə bacarıqlı bir mühərrir kimi də tanınmışdır.

Məqalələrini “Qoca Salman” imzası ilə yazmışdır. Hal-hazırda “Səyahətnamə” əsəri AMEA-nın M.Füzuli adına Əlyazamalar İnstitunda saxlanılır. “Həyat” qəzetinin 1906-cı il nömrələrində dərc edilmiş məqalələri:  “Nəmrudlar və Şəddatlar”, “Hami-niku”, “Ağacı içindən qurd yeyər”, “Filankəsə məktub”, “Qissədən hissə”, “Danışmalı ya danışmamalı”, “Açıq məktub”, “Hüriyyətdən haqq ilə istifadə lazımdır”.

XX əsrin ilk illərində azadlıq uğrunda gedən inqilabi mübarizəyə, xalqın maariflənməsinə, cəhalət dünyasının məhvinə ciddi kömək etmiş publisistik yazılar içərisində Salman Nərimanovun məqalələrini də qeyd etmək lazımdır.

1907-ci ildə Bakıda vəfat etmişdir. Bir il keçmiş yəni 1908-ci ildə həyat yoldaşı Səltənət xanım da dünyasını dəyişmişdir. Dörd uşaq – Asya, İsmayıl, İltifat, Xanım əmiləri N.Nərimanovun himayəsi altında böyümüşlər. Oğlu İsmayıl on altı yaşında Həştərxanda vəfat etmişdir.[1][2]


İstinadlar[redaktə | əsas redaktə]

  1. P.Əzizbəyova, İ.Mosesova. Ailə Şərəfi. Bakı,1970
  2. "SALMAN NƏRİMANOV". http://nneriman.blogspot.com/2016/11/salman-nrimanov.html. İstifadə tarixi: 2017-06-14.