Sanya Vuçiç

Vikipediya, azad ensiklopediya
Jump to navigation Jump to search
Sanya Vuçiç
serb. Сања Вучић/Sanja Vučić
Sanya Vuçiç Stokholm səhnəsində
Sanya Vuçiç Stokholm səhnəsində
Ümumi məlumatlar
Ləqəbi Sanya Vuçiç ZAA
Doğum tarixi (29 yaş)
Doğum yeri Kruşevaç, Serbiya və Monteneqro
Vətəndaşlığı  Serbiya
Musiqiçi məlumatları
Fəaliyyəti müğənni
Fəaliyyət illəri 2012–h.h.
Janr
Musiqi aləti vokal
Əlaqəsi ZAA qrupu
Vikianbarın loqosu Vikianbarda əlaqəli mediafayllar

Sanya Vuçiç (serb. Сања Вучић, Sanja Vučić; d. 8 avqust 1993, Kruşevaç, Serbiya və Monteneqro) — Serbiya müğənnisi. O, əsasən ZAA qrupunun vokalisti kimi tanınır. Vuçiç Serbiyanı 2016 Avroviziya Mahnı Müsabiqəsində təmsil etmişdir.

Həyatı və musiqi karyerası[redaktə | mənbəni redaktə et]

Sanya Vuçiç 8 avqust 1993-cü ildə Serbiya və Monteneqronun Kruşevaç şəhərində anadan olmuşdur. O, ibtidai və musiqi təhsilini məhz Kruşevaç şəhərində almışdır. Musiqi təhsili müddətində Vuçiç fərqli ansambllarda, folk musiqi qrupunda, şəhər caz orkestrında və kilsə xorunda çıxış etmişdir.

O hal-hazırda Belqrad şəhərində yaşayır və Belqrad Filologiya Universitetinin Ərəb dili və ədəbiyyatı bölməsində təhsil alır. O, ana dili olan serb dili ilə yanaşı ingilis, ispan, italyanərəb dillərində də səlis danışa bilir.

ZAA qrupu[redaktə | mənbəni redaktə et]

ZAA qrupu 2008-ci ildə Kruşevaç şəhərində yaranmışdır. Sanya Vuçiç isə qrupa 2012-ci ilin aprelində qoşulmuşdur. Onlar müxtəlif musiqi janrlarında, ska, post-rok, pank, caz və s. ifa edirlər. Onlar Balkan ölkələrinin 200-dən artıq şəhərində və eyni zamanda Avstriya, ÇexiyaMacarıstanda konsert proqramları ilə çıxış etmişdirlər. Qrup Serbiyanın Exit, NišvilleReggae Serbia fest festivallarında iştirak etmişdir. ZAA qrupunun vokalisti olaraq Vuçiçin 2014-cü ildə What About albomu işıq üzü görmüşdür.

2016 Avroviziya Mahnı Müsabiqəsi[redaktə | mənbəni redaktə et]

2016-cı ilin mart ayında Serbiyanın RTS telekanalı Sanya Vuçiçin "Goodbye (Shelter)" mahnısı ilə Serbiyanı İsveçin paytaxtı Stokholmda keçirilən 2016 Avroviziya Mahnı Müsabiqəsində təmsil edəcəyini elan etmişdir.[1]. Vuçiç həmin mahnı ilə müsabiqənin 12 may tarixində baş tutan ikinci yarımfinal mərhələsində 6-cı səhnə almışdır. Nəticədə isə 115 xalla 10-cu yerdə qərarlaşaraq, müsabiqənin final mərhələsinə vəsiqə qazana bilmişdir. Finalda bir daha öz mahnısını ifa edən Sanya 26 ölkə təmsilçisinin mübarizə apardığı şouda 132 xal toplayaraq, 18-ci yerdə qərarlaşmışdır.

Diskoqrafiya[redaktə | mənbəni redaktə et]

Sinqllar[redaktə | mənbəni redaktə et]

Mahnı adı İl
"Underground Riot"
(Y.O.X qrupu ilə)
2014
"Želje"
(Mr.Rabbit ilə duet)
"Goodbye (Shelter)" 2016
"Genesis"
(Meta ilə duet)
2017
"Rezervisano"
(Djexon ilə duet)

İstinadlar[redaktə | mənbəni redaktə et]

  1. "ZAA to represent Serbia with "Goodbye"". eurovision.tv. Avropa Yayım İttifaqı. 7 mart 2016. 2016-03-07 tarixində arxivləşdirilib. İstifadə tarixi: 2016-04-10.
Əvvəlki:
Boyana Stamenov
"Beauty Never Lies"
Serbiya Avroviziya Mahnı Müsabiqəsində
EuroServia.svg

2016
Sonrakı:
Tiyana Boqiçeviç
"In Too Deep"

Xarici keçidlər[redaktə | mənbəni redaktə et]