Təranə Muradova

Vikipediya, azad ensiklopediya
Jump to navigation Jump to search
Təranə Muradova
Təranə Hüseyn qızı Muradova
Təranə Muradova.jpg
Doğum tarixi (55 yaş)
Doğum yeri Bakı, Azərbaycan SSR, SSRİ
Mükafatları "Azərbaycan Respublikasının xalq artisti" fəxri adı — 1998

Muradova Təranə Hüseyn qızı (6 avqust 1965(1965-08-06), Bakı) — Azərbaycan Respublikasının xalq artisti (1998). Azərbaycan Dövlət Rəqs ansamblının solisti və ansamblın baletmeysteri.

Həyatı[redaktə | əsas redaktə]

Muradova Təranə Bakı Xoreoqrafiya Məktəbini (1983), Azərb. Dövlət İncəsənət İn-tunu (1991) bitirmişdir. 1982-ci ildən Azərb. Dövlət Rəqs Ansamblında ifaçı-rəqqasə, 1985-ci ildən solist, 1995 ildən isə həm də ansamblın baletmeysteridir. Azərbaycan xalq rəqsləri ("Naz eləmə", "Qavalla rəqs", "Vağzalı", "Mirzəyi"), ispan, qaraçı və digər xalqların rəqsləri repertuarında geniş yer tutur. Ə. Bədəlbəylinin "Qız qalası" baletində gürcü qızının partiyasını oynamışdır. "Səyyah" uşaq rəqs ansamblının bədii rəhbəridir. Bir sıra xarici ölkələrdə çıxış etmişdir.

T.Muradova 1992-ci ildə Azərbaycan Dövlət Mədəniyyət və İncəsənət Universitetinin mədəni-maarif işi fakültəsini bitirib.

1982-ci ildən hal-hazıradək Azərbaycan Dövlət Rəqs ansamblında ilk əvvəllər rəqqasə, daha sonra ansamblın solisti və ansamblın baletmeysteri vəzifəsi ona həvalə olunmuşdur. Xalq rəqslərinin mahir ustası kimi artıq bir neçə ildir ki, Avstriyada təcrübə sinfi aparır. Dünyanın bütün ən kiçik və böyük Dövlətlərində Azərbaycan incəsənətini və mədəniyyətini özünəməxsus ustalıqla və incəliklə təmsil edir. Bütün Dövlət tədbirlərində, seçkiqabağı kompaniyalarda, seçkilərlə əlaqədar Bərdə, Quba, Azərbaycan günləri ilə bağlı Rusiya, Ukrayna, Avstriya, Sankt-Peterburq, Yekatrinburq, Ufa, qastrol səfərləri ilə əlaqədar Belarusiya, Minsk, Muqilyov, Zərifə xanım Əliyevanın 80 illik yubileyində, YAP-ın yubileyində, ATA Bankın 10 illik yubileyində, Dünya Rus Mətbuat Konfransında, Dünya Çempionatının mərhələ yarışlarında, Beynəlxalq turnirlərdə, Prezidentin andiçmə mərasimində, Türkiyədə yaşayan azərbaycanlıların ümumi konfransında, 2004-cü ildə keçirilən Taykvando üzrə yarışlarda, Qadınlar gününə həsr edilmiş tədbirdə, Güləş üzrə Dünya Kubok yarışlarında, Xəlil Rzanın anma mərasimində, Hüseyn Cavidin 120 illik yubileyində, ABU Arenanın açılışında, Gimnastika üzrə Dünya Kuboku yarışlarının açılışlarında, Dubaya qastrol səfərində dəfələrlə onu sevərlər qarşısında çıxışları olmuşdur. Hazırda Təranə Muradova Azərbaycan Dövlət Rəqs ansamblının solisti – baletmeysteri, "Səyyah" rəqs ansamblının bədii rəhbəri vəzifəsində çalışır.

1998-ci ildən isə Azərbaycan Respublikasının xalq artistidir. 9 may 2012-ci ildə, 30 aprel 2014-cü ildə[1]6 may 2015-ci ildə[2] Prezident Mükafatına layiq görülmüşdür.

6 may 2016-cı ildə Azərbaycanın Respublikası Prezidentinin fərdi təqaüdünə layiq görülmüşdür.[3]

Filmoqrafiya[redaktə | əsas redaktə]

  1. Topal Teymur (film, 1983)

İstinadlar[redaktə | əsas redaktə]

  1. İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı
  2. İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı
  3. President (6 may 2016). "Azərbaycan mədəniyyət xadimlərinə Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2016-05-06.

Xarici keçidlər[redaktə | əsas redaktə]