Talış (Tərtər)

Vikipediya, açıq ensiklopediya
Jump to navigation Jump to search
Kənd
Talış kənd
Bayraq Gerb
Bayraq Gerb

40°22′53″N 46°44′27″E / 40.38139°N 46.74083°E / 40.38139; 46.74083Koordinatlar: 40°22′53″N 46°44′27″E / 40.38139°N 46.74083°E / 40.38139; 46.74083


Ölkə Flag of Azerbaijan.svg Azərbaycan
Rayon Tərtər
Saat qurşağı UTC+04:00
Əhalisi 0 nəfər (2016)
Milli tərkibi Azərbaycanlı
Rəsmi dili Azərbaycan
Telefon kodu +994
Poçt indeksi AZ5900
Nəqliyyat kodu 59
Rəsmi sayt talish-nk.am
Azerbaijan, administrative divisions.svg
Azerbaijan, administrative divisions.svg

TalışAzərbaycan Respublikasının Tərtər rayonunun inzibati ərazi vahidində kənd. Talış kəndi cəbhə xəttinə çox yaxın ərazidə yerləşir.

Tarixi[redaktə | əsas redaktə]

Talış kəndi XVIII-XIX əsrlərdə mövcud olmuş Gülüstan məlikliyinin mərkəzi olub.[1] Talış kəndi əvvəllər Dağlıq Qarabağ Muxtar Vilayətində Ağdərə rayonu inzibati ərazisinə aid idi, lakin 1992-ci ildə Ağdərə rayonu ləğv edilərək ərazisi qonşu Ağdam, Tərtər və Kəlbəcər rayonları arasında bölüşdürüldü. Talış kəndi də Tərtər rayonuna birləşdirilən kəndlərdən biridir.

Talış kəndi Qarabağ müharibəsinin əvvəlində Ermənistan ordusu tərəfindən işğal olunub, lakin 1992-ci ilin Ağdərə əməliyyatı zamanı iyunun 16-ı Azərbaycanın Milli Qəhrəmanı Məhəmməd Həsənovun 1-ci Goranboy batalyonu və komandir Nazim Bayramovun tank batalyonu (ümumilikdə 8 tank) tərəfindən Tapqaraqoyunlu istiqamətindən birgə sürətli hücum nəticəsində kənd erməni işğalçılarından azad edilib. Hücum zamanı Azərbaycan Ordusunun cəmi 1 əsgəri yaralanmışdı. Lakin 1994-cü ilin aprel ayında hücum edən erməni qüvvələri kəndi yenidən nəzarət altına alıblar.[2]

2 aprel 2016-cı il tarixdə Talış kəndinin ətrafındakı strateji yüksəkliklər Azərbaycan Ordusunun erməni işğalçılarına qarşı keçirdiyi əməliyyat zamanı ermənilərdən tam geri alınıb.[3][4][5][6] Sonrakı günlərdə Talış kəndində yaşayan 90 erməni ailəsi kəndi tərk edərək Ermənistana qaçıb. Məlumata görə, atəşkəs elan olunandan sonra 370 erməni Talış kəndindən gedib.[7].

2017-ci il fevralın 24-25-nə keçən gecə Ermənistan silahlı qüvvələri Talış kəndinin ətrafındakı strateji yüksəklikləri ələ keçirmək məqsədilə təxribat törədiblər. Lakin Azərbaycan silahlı qüvvələri keçirdiyi əməliyyat zamanı onların qarşısını alaraq pilotsuz uçuş aparatı olan PUA-nı məhv ediblər. Talış kəndində qalan 10-15 ailə isə oranı tərk edib.[8]

Əhalisi[redaktə | əsas redaktə]

Erməni mənbələrinin verdiyi məlumata görə kənddə 2005-ci ildə 581 nəfər yaşayırdı.[9] 2016-cı il aprel döyüşlərindən sonra kənddə əhali yaşamır.[10]

Görməli yerlər[redaktə | əsas redaktə]

Talış kəndi ərazisində iki tarix-memarlıq abidəsi qeydiyyata alınmışdır:

İstinadlar[redaktə | əsas redaktə]

  1. Azərbaycanın Tarixi-Siyasi Coğrafiyası səh. 44, Vaqif Piriyev
  2. “Ağdərənin Talış kəndinə 8 tankla girmişdik…” - MÜSAHİBƏ
  3. ARMN (2016-04-02). "Cəbhədə vəziyyətlə bağlı son məlumat, 2 aprel 2016 il" (az). www.mod.gov.az. Arxivləşdirilib: [1] saytından 2016-04-02 tarixində. http://archive.is/oz3wj. İstifadə tarixi: 2016-04-07.
  4. ARMN (2016-04-06). "Məlumat, 6 aprel 2016 il" (az). www.mod.gov.az. Arxivləşdirilib: [2] saytından 2016-04-06 tarixində. http://archive.is/VwhkU. İstifadə tarixi: 2016-04-06.
  5. "Nagorno-Karabakh: Talysh residents flee despite ceasefire deal"YouTube
  6. MN: Talış kəndi ətrafındakı yüksəkliklər və Seysulan məntəqəsi düşməndən tam təmizlənib
  7. "Talış kəndində yaşayan 90 erməni ailəsi Ermənistana qaçıb" (az). Arxivləşdirilib: [3] saytından 2016-05-03 tarixində. http://archive.is/BY7Pk.
  8. http://news.milli.az/politics/521188.html
  9. Dağlıq Qarabağın əhalisi
  10. "Mövqeləri itirdiyimiz üçün əhali Talış kəndinə qayıda bilmir"

Həmçinin bax[redaktə | əsas redaktə]

Xarici keçidlər[redaktə | əsas redaktə]