Tayfur Əliyev

Vikipediya, açıq ensiklopediya
Keçid et: naviqasiya, axtar
Boxing pictogram.svg Tayfur Əliyev Boxing pictogram.svg
Şəxsi məlumat
Tam adı Tayfur Nəriman oğlu Əliyev
Milliyəti Azərbaycanlı
Doğum tarixi 1 yanvar 1997 (1997-01-01) (20 yaş)
Doğum yeri Naxçıvan, Flag of Azerbaijan.svg Azərbaycan
Boyu 171 sm.
Çəкisi 56 kq.
Vətəndaşlıq Flag of Azerbaijan.svg Azərbaycan
Ölkə Flag of Azerbaijan.svg Azərbaycan
İdman növü Boxing pictogram.svg Boks
Məşqçisi Flag of Azerbaijan.svg Məmmədəli Eyvazov
8 aprel 2016 tarixində yenilənib.

Tayfur Əliyev1 yanvar 1997-ci ildə Azərbaycanın Naxçıvan şəhərində anadan olmuşdur. Azərbaycanlı boksçudur. 2015-ci ildə Azərbaycanın paytaxtı Bakı şəhərində keçirilən 2015 Avropa Oyunlarının bürünc medalçısıdır.

Tayfur Əliyev 29 iyun 2015-ci ildə 2015 Avropa Oyunlarında qazanılmış yüksək nailiyyətlərə və Azərbaycan idmanının inkişafında böyük xidmətlərinə görə Azərbaycan Respublikasının Prezidenti İlham Əliyevin sərəncamı ilə "Tərəqqi" medalı ilə təltif edilmişdir.[1]

Həyatı[redaktə | əsas redaktə]

Tayfur Əliyev 1 yanvar 1997-ci ildə Azərbaycanın Naxçıvan şəhərində anadan olmuşdur. Tayfur Əliyevin şəxsi məşqçisi Məmmədli Eyvazovdur. Ali təhsilini Naxçıvan Dövlət Universitetində almışdır.

Karyerası[redaktə | əsas redaktə]

Tayfur Əliyev birinci uğurunu 2011-ci ildə Rusiyanın Qroznı şəhərində qazandı. O Məktəblilərin Avropa Çempionatında bütün rəqiblərinə qalib gələrək qızıl medal qazandı. Daha sonra Tayfur Əliyev 2012-ci ildə Gənclərin Azərbaycan Çempionatında və Gənclərin Heydər Əliyev Kubokunda bütün rəqiblərinə qalib gələrək qızıl medal qazandı. Həmçinin o həmin il Bolqarıstanın paytaxtı Sofiya şəhərində Gənclərin Avropa Çempionatında iştirak edib və 6-cı yeri tutub. 2013-cü ildə isə Tayfur Əliyev üçün daha uğurlu olub. O yenədə Gənclərin Azərbaycan Çempionatında və Gənclərin Heydər Əliyev Kubokunda bütün rəqiblərinə qalib gələrək qızıl medal qazanıb. Bundan başqa o Rusiyanın Anapa şəhərində Gənclərin Avropa Çempionatında iştirak edib və 2-ci yeri tutaraq gümüş medal qazanıb. 2014-cü ildə Tayfur Əliyev Yeniyetmələrin Azərbaycan Çempionatında qızıl medal qazanıb.

2015-ci il isə Tayfur Əliyevin karyerasında ən uğurlu il oldu. O Azərbaycan Çempionatı və Böyük İpək Yolu Beynəlxalq turnirində qızıl medal qazandı. Həmçinin o Azərbaycanın paytaxtı Bakı şəhərində keçirilən 2015 Avropa Oyunlarında iştirak etdi və bürünc medal qazandı. O 1/8 finalda Rumıniyalı Razvan Andreianaya 3-0 hesabı ilə qalib gəldi və 1/4 final mərhələsində adladı. O 1/4 finalda Danimarkalı Frederik Lundgaard Jensen ilə üz-üzə gəldi və 3-0 hesabı ilə qalib gələrək yarım-finala adladı. Ən azı bürünc medalı təmin edən Tayfur Əliyev bu mərhələdə Rusiyalı Baxtovar Nazirova 3-0 hesabı ilə məğlub oldu və 2015 Avropa Oyunlarının bürünc medalını qazandı.

Tayfur Əliyev 2015-ci ildə Qətərin paytaxtı Doha şəhərində keçirilən Dünya Çempionatında iştirak etdi. Dünya Çempionatında debüt edən Tayfur Əliyev birinci görüşdə 1/8 finalda Monqolustanlı İderxuu Enxjargnl ilə üz-üzə gəldi və 3-0 hesabı ilə qalib gələrək növbəti 1/4 final mərhələsinə adladı. Bu mərhələdə o İrlandiyalı Miçel Konlana 0-3 hesabı ilə məğlub oldu və Dünya Çempionatında çıxışını başa vurdu.

Ailəsi[redaktə | əsas redaktə]

Tayfur Əliyevin qardaşı Sərxan Əliyevdə boksçudur.

Həmçinin bax[redaktə | əsas redaktə]

İstinadlar[redaktə | əsas redaktə]

  1. I Avropa Oyunları qaliblərinin və Azərbaycanda idmanın inkişafında xidmətləri olan şəxslərin təltif edilməsi haqqında Azərbaycan Respublikası Prezidentinin Sərəncamı