Timuçin Əfəndiyev

Vikipediya, azad ensiklopediya
Jump to navigation Jump to search
Timuçin Əfəndiyev
Timuçin Əfəndiyev.jpg
Doğum tarixi 17 iyul 1945(1945-07-17) (75 yaş)
Doğum yeri Bakı, Azərbaycan SSR, SSRİ
Vətəndaşlığı SSRİ SSRİ
Azərbaycan Azərbaycan
Atası İlyas Əfəndiyev
Elm sahəsi Ədəbiyyatşünaslıq Sənətşünaslıq
Elmi dərəcəsi filologiya elmləri doktoru,professor
İş yeri Bakı Xoreoqrafiya Akademiyasınin rektoru
Təhsili
Mükafatları "Azərbaycan Respublikasının əməkdar elm xadimi" fəxri adı — 2013 "Azərbaycan Respublikasının əməkdar incəsənət xadimi" fəxri adı — 2000 Azərbaycan Respublikası Prezidentinin fəxri diplomu — 2015
"Şöhrət" ordeni — 2005

Timuçin İlyas oğlu Əfəndiyev (17 iyul 1945(1945-07-17), Bakı) — ədəbiyyatşünas və sənətşünas, Azərbaycan Yazıçılar Birliyinin, Azərbaycan Rəssamlar İttifaqının, Azərbaycan Teatr Xadimləri İttifaqının üzvü, filologiya elmləri doktoru, professor, Azərbaycan Respublikasının əməkdar incəsənət xadimi, Azərbaycan Respublikasının əməkdar elm xadimi, Azərbaycan Dövlət Mədəniyyət və İncəsənət Universitetinin rektoru (1987–2014), Bakı Xoreoqrafiya Akademiyasının rektoru (2014-cü ildən).

Həyatı[redaktə | əsas redaktə]

Timuçin Əfəndiyev 1945-ci il iyulun 17-də Bakı şəhərində görkəmli Azərbaycan yazıçısı və dramaturqu, Xalq yazıçısı İlyas Əfəndiyevin ailəsində anadan olmuşdur. 1963-cü ildə Bakı Dövlət Universitetinin Şərqşünaslıq fakültəsinə daxil olmuşdur. 1968-ci ildə universiteti bitirdikdən sonra Timuçin Əfəndiyev Respublika Gənclər Təşkilatında çalışmışdır. O, 1969-cu ildə Azərbaycan Milli Elmlər Akademiyasının aspiranturasına qəbul olunmuş, 1972-ci ildə aspiranturanı bitirərək "Hüseyn Cavidin yaradıcılığı" mövzusunda dissertasiya müdafiə etmiş və filologiya elmləri namizədi elmi dərtəcəsi almışdır. 1972-1977-ci illərdə Timuçin Əfəndiyev Azərbaycan Milli Elmlər Akademiyası Nizami adına Ədəbiyyat İnstitutunda elmi işçi, 1977-1978-ci illərdə elmi katib vəzifələrində çalışmışdır. 1989-cu ildə SSRİ Nazirlər Soveti yanında Ali Attestasiya Komissiyasının qərarı ilə "sənətşünaslıq" üzrə professor elmi adına, 1999-cu ildə isə "Romantik dramaturgiyada tarixilik və bədiilik" mövzusunda doktorluq dissertasiyası müdafiə edərək, filologiya elmləri doktoru elmi dərəcəsinə layiq görülmüşdür.

Timuçin Əfəndiyev 1977–2014-cü illərdə Azərbaycan Dövlət Mədəniyyət və İncəsənət Universitetində işləyib. O, burada əvvəlcə baş müəllim, sonra dosent, 1987-ci ildən isə professor vəzifələrində əmək fəaliyyəti göstərmişdir. Timuçin Əfəndiyev 1978-1987-ci illərdə Teatr və təsviri sənət üzrə birləşmiş fakültələrin dekanı, 1987-2014-cü illərdə isə Azərbaycan Dövlət Mədəniyyət və İncəsənət Universitetinin rektoru vəzifəsində çalışmışdır. T. Əfəndiyevin rektorluğu dövründə cəmi iki ixtisasdan ibarət üçüncü dərəcəli İncəsənət İnstitutu, Bakı Dövlət Universitetindən sonra universitet statusu almış ilk təhsil müəssisəsi olaraq, 32 ixtisas üzrə kadr hazırlığı aparan Azərbaycan Dövlət Mədəniyyət və İncəsənət Universitetinə çevrilmişdir. Azərbaycan Respublikası Prezidentinin 26 dekabr 2014-cü il Sərəncamı ilə professor T. Əfəndiyev yeni yaradılmış Bakı Xoreoqrafiya Akademiyası (təhsil kompleksinin) rektoru vəzifəsinə təyin edilmişdir.

İlk ədəbi-tənqidi məqalələri 1973-cü ildə "Ulduz" jurnalı səhifələrində çap olunan Timuçin Əfəndiyev, sonrandan yüzlərlə elmi publisistik məqalələrin, Azərbaycanda və xaricdə nəşr olunmuş çoxsaylı kitabların və monoqrafiyaların müəllifi olmuşdur. Professor Timuçin Əfəndiyev bir çox beynəlxalq elmi konfranslarda məruzəçi kimi iştirak etmiş, ABŞ, İngiltərə, İtaliya, Türkiyə, İran, Misir və bir çox ölkələrdə Azərbaycan mədəniyyəti və incəsənətinin təbliği işində xüsusi xidmətlər göstərmişdir.

Mükafatları[redaktə | əsas redaktə]

Ailəsi[redaktə | əsas redaktə]

Evlidir. Bir qızı, bir oğlu var.

  • Xalq yazıçısı İlyas Əfəndiyevin oğludur.
  • Xalq yazıçısı Elçinin qardaşıdır.
  • Azərbaycan Respublikası Xarici İşlər Nazirliyinin müşaviri, diplomat, kulturologiya üzrə elmlər doktoru, dosent Nigar Əfəndiyevanın atasıdır
  • Rəssam, aktyor Yalçın Əfəndiyevin atasıdır.
  • İlyas Əfəndiyev Beynəlxalq Fondunun prezidenti, sənətşünaslıq üzrə fəlsəfə doktoru, dosent Tural Əfəndiyevin atasıdır.

Kitabları[redaktə | əsas redaktə]

  • "Hüseyn Cavidin İdeyalar aləmi"
  • "Romantik dramaturgiyada tarixilik və bədiilik"
  • "Azərbaycan dramaturgiyasında metodlar"
  • "Azərbaycan mədəniyyəti və incəsənəti"
  • "Azərbaycan teatr tarixi"
  • "Mədəniyyətdə tarixilik və müasirlik"
  • "Hüseyn Cavid: İdeal həqiqət axtarışı"
  • "İllərin izi ilə"
  • "Romantizm: təşəkkülü, problemləri, şəxsiyyətləri"
  • "Bakı Xoreoqrafiya Akademiyası: ənənədən başlanan yol"
  • və s.


İstinadlar[redaktə | əsas redaktə]

Mənbə[redaktə | əsas redaktə]

Azərbaycan Respublikasının Əməkdar elm xadimləri[redaktə | əsas redaktə]