Turan Manafzadə

Vikipediya, açıq ensiklopediya
Jump to navigation Jump to search
Picto infobox music.png
Turan Manafzadə
Turan İslam qızı Manafzadə
Fotoqrafiya
Sənətçi məlumatları
Doğum tarixi
25 may 1991 (1991-05-25) (27 yaş)
Doğum yeri Bakı, Azərbaycan
Vətəndaşlığı Flag of Azerbaijan.svg Azərbaycan
Peşələri Pianoçu, dirijor, bəstəkar

Musiqi alətiPiano
MükafatlarıAzərbaycan Respublikasının əməkdar artisti

Turan İslam qızı Manafzadə (d. 25 may, 1991, Bakı, Azərbaycan) — Azərbaycan dirijoru, bəstəkarı və pianoçu. 2017-ci ildə Azərbaycan Respublikasının əməkdar artisti adını almışdır.

Həyatı[redaktə | əsas redaktə]

Erkən illəri[redaktə | əsas redaktə]

1991-ci il may ayının 25-də Bakı şəhərində ziyalı ailəsində anadan olmuşdur. Pianist İslam Manafovun qızı olan Turan Manafzadə ilk musiqi təhsilinə 6 yaşında Abşeron Uşaq Musiqi Məktəbində başlayıb. 2003-cü ildə qardaşı Abuzər Manafzadə ilə Mimar Sinan İncəsənət Universitetinin Dövlət Konservatoriyasına qəbul olub.

Yaradıcılıq fəaliyyəti[redaktə | əsas redaktə]

2004-ci ildə İstanbulda keçirilən "Galleria" piano yarışmasında Mansion mükafatını, 2008-ci ildə Edirnə Rotari klubunun təşkil etdiyi "Beynəlxalq Piano Müsabiqəsi"-ndə 2-ci yeri qazanmış və qatıldığı digər piano yarışlarında müxtəlif dərəcələr və mükafatlar əldə etmişdir. O, Azərbaycanın və Türkiyənin bir çox şəhərlərində, Almaniyanın BraunşveyqVolfenbuttel şəhərlərində konsertlər vermişdir. 2009-ci ildə Oksana Yablonskaya, Vladimir Viardo, Vinçenzo Balzani, Mirtala Salazarın, 2010-ci ildə Toros Canın, 2013-ci ildə isə Tamara PoddubnayaBoris Petruşanskinin dərslərinə qatılmışdır.

2012-ci ildə Avstriyanın Zalsburq şəhərində hər il təşkil edilən Beynəlxalq Yay Muzisiqi Akademiyasının seçim mərhələlərini keçərək Dimitri Başkirovla əməkdaşlıq fürsətini qazanmışdır. 2012-ci ildə Memar Sinan Gözəl Sənətlər Universiteti Dövlət Konservatoriyasında professor Nurferi Onurun fortepiano sinfini bitirən Turan Manafzadə Həsən Uçarsu ilə birlikdə bəstəkarlıq üzərində çalısmışdır.

O, böyük qardaşı Abuzər Manafzadə ilə birlikdə 2013-cü ilin aprel ayında 2 həftə ərzində 18 konsert proqramı ilə Azərbaycan turnirini təşkil etmiş, may ayında İstanbulda təşkil edilən "Beynəlxalq Pera" piano yarışmasında "Piano Duo" kateqoriyasında 1-ci yeri qazanmışlar. 2013-cü ilin iyun ayında Almaniyanın Baden-Baden şəhərində təşkil edilən Baden-Vurtemberq Piano Müsabiqəsində (alm. Baden-Würtemberg Piano Competition) "Solo Piano" kateqoriyasında 3-cü yeri və böyük qardaşı Abuzər Manafzadə ilə birlikdə "Piano Duo" kateqoriyasında 1-ci yer qazanmışlar. Həmin ilin avqust ayında Rumıniyanın Buxarest şəhərində keçirilən "Johann Strauss Festivalı"nda iştirak etmişdir. 2015-ci ilin fevral ayında qardaşı Abuzər Manafzadə və atası İslam Manafov ilə birlikdə Avropa Azərbaycan Cəmiyyətinin (ing. The European Azerbaijan Society) İstanbulda təşkil etdiyi "Xocalı Soyqırımını Anma Mərasimi"ndə öz əsərlərindən ibarət anım konserti təşkil etmişdir.

2017-ci ilin 28 may günü Azərbaycan Respublikasının müstəqilliyi günü münasibətilə Azərbaycan Respublikasının Baş Konsulluğunun təşkilatçılığı ilə qonaqlara fortepiano konserti vermişdir. O, həm də 2017-ci ilin iyul ayında "Beynəlxalq 3-cü İpəkyolu Musiqi Konfransı" çərçivəsində qonaq olaraq İpək Yolu Orkestrinin rəhbəri kimi Şimali Kipr Türk Respublikasında konsertlər vermiş, bu konsertlərdə azərbaycanlı bəstəkarlar Qara Qarayev və Xatirə Əhmədli Cəfərin əsərlərini ifa etmişdir.[1] 2017-ci ilin avqust ayında isə İzmirdə qatılmış olduğu Rengim Gökmenin rəhbərliyi altında keçirilən dərslərdə 35 nəfərin içərisindən Karşıyaka Otaq orkestrini idarə etmək üçün seçilən 6 şəxsdən biri olaraq konsert vermişdir.

2018-ci ilin may ayında İstanbul Dövlət Opera ve Balet qurumunda bəstəkar Handel in "Apollo ve Dafne" əsərinin dirijorluğunu edib.[2]

Şəxsi həyatı[redaktə | əsas redaktə]

Ağdamın "Qarabağ"İstanbulun "Qalatasaray" futbol klubunun sadiq azarkeşidir. Tennisüzgüçülük həvəskarıdır.

Təltif və mükafatları[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]