Urmiya Universiteti

Urmiya Universiteti
Urmiya Universiteti
Tip	Universitet
Əsası qoyulub	1965
Rektor	Rəhim Hubnəqi
Tələbə sayı	16826
Ölkə	İran
Şəhər	Urmiya
Sayt	urmia.ac.ir
	37°31′50″ şm. e. 45°02′50″ ş. u.HGYO
	Vikianbarda əlaqəli mediafayllar

Urmiya Universiteti (fars. دانشگاه ارومیه‎‎‎) — İran İslam Respublikasının Qərbi Azərbaycan ostanının mərkəzi olan Urmiya şəhərində yerləşən ali təhsil müəssisəsi. Universitetin rektoru Rəhim Hubnəqidir^[1]^[2].

Tarixi

Urmiya Universiteti 1965-ci ildən fəaliyyət göstərir.

Tədris

Bu universitetdə müxtəlif sahələr üzrə 87 fənn üzrə dərslər keçirilir^[1].

Kontingent

Urmiya Universitetində 16 min 826 tələbə təhsil alır^[1].

Universitetin 487-dən çox müəllim-professor heyəti var^[1].

Azərbaycan dilinin tədrisi

Müvafiq icazənin alınmasından sonra 2017-ci ildən universitetdə bakalavr pilləsi üzrə Azərbaycan dili və ədəbiyyatı fənni üzrə 2 dərs tədris olunacaq^[1]. Azərbaycan dili dərsində iştirak könüllü olacaq^[1].

Nəşrlər

"Axar su" jurnalı

2006-cı ildə Urmiya Universitetində təhsil alan tələbə qızlar "Axar su" dərgisinin çapı üçün icazə alsalar da, onun yalnız bir sayı işıq üzü görmüşdür^[3]. Bundan sonra jurnalın çapına qadağa qoyulmuşdur^[3]. Belə ki, bütün tələbələr arasında paylanılan jurnal işıq üzü görən kimi Urmiya Universitetinin rəhbərliyi və təhlükəsizlik orqanları tələbələri millətçiliyi təbliğ etməkdə günahlandıraraq dərginin növbəti sayının buraxılmasına qadağa qoymuşlar^[3]. Jurnalın işıq üzü görmüş yeganə nömrəsində Azərbaycan ədəbiyyatı və mədəniyyatı ilə bağlı yazılar dərc edilmişdir^[3].

"Yol" jurnalı

Universitetin tələbələri Azərbaycan və fars dillərində "Yol" ictimai-mədəni jurnalını buraxırlar^[4]. Jurnalın baş redaktoru Zəkəriya Səfaidir^[4]. Jurnalda əsasən Azərbaycanın ictimai və mədəni məsələləri ilə əlaqədar yazılar dərc edilir^[4].