Vəsimə İsmayılqızı
| Vəsimə İsmayılqızı | |
|---|---|
| Qarayeva Vəsimə İsmayıl qızı | |
 | |
| Təxəllüsü | İsmayılqızı |
| Doğum yeri | Tap Qaraqoyunlu, Goranboy rayonu, Azərbaycan SSR, SSRİ |
| Vətəndaşlığı |
 SSRİ → Azərbaycan |
| Milliyyəti | azərbaycanlı |
| Atası | İsmayıl Qarayev |
| Təhsili | GDU |
| Fəaliyyəti | yazıçı, publisist |
| Əsərlərinin dili | azərbaycan dili |
| İlk əsəri | Goranboy (ensiklopedik toplu) |
| Tanınmış əsəri | Beyləqan (ensiklopedik toplu) |
| Üzvlüyü | |
Vəsimə İsmayıl qızı Qarayeva (Tap Qaraqoyunlu) — yazıçı, publisist, Azərbaycan Jurnalistlər Birliyinin üzvü (1999).
Həyatı[redaktə | mənbəni redaktə et]
Vəsimə İsmayılqızı Goranboy rayonunun Tap Qaraqoyunlu kəndində anadan olmuşdur. Orta təhsilini Tap Qaraqoyunlu kənd orta məktəbində almış, sovxozda işləmişdir. GDU-nu fərqlənmə diplomu ilə bitirmiş (1991), təhsil aldığı universitetdə saxlanmış, psixologiya kafedrasında işləmişdir (1992-1994). Sonralar "Patronat" şirkətində redaktor, "QAPP-Poliqraf" QTSC-də redaktor (1994-1995), "İsmayıl" Nəşriyyat-Poliqrafiya Mərkəzində direktor (1995-1999), "İsmayıl" Nəşriyyat-Poliqrafiya Müəssisəsində direktor vəzifəsində çalışmışdır. Azərbaycan Jurnalistlər Birliyinin üzvüdür (1999).
Bədii yaradıcılıqla məşğuldur. Dövri mətbuatda şeirlər, kiçik hekayələr, bədii, elmi və publisistik yazılarla çıxış etmişdir.
İlk irihəcmli əsəri Goranboy bölgəsinin tarixindən, fiziki, iqtisadi və sosial coğrafiyasından, yaşayış məskənlərindən, toponimlərindən, abidələrindən, etnoqrafiyasından, əlamətdar hadisələrindən, görkəmli şəxsiyyətlərindən bəhs edən "Goranboy" ensiklopedik toplusu 2000-ci ildə nəşr olunmuşdur. Ulu öndər Heydər Əliyevin Goranboya səfərlərindən bəhs edən "Goranboyda izim qaldı" (2001), "Azərbaycan olduğu kimi" (2002), "Goranboyda izim qaldı" (2003, təkmilləşdirilmiş nəşr), "Bu, İrşad Əliyevdir" (2006), "Beyləqan" ensiklopedik toplu (2010) kitabları nəşr edilmişdir.
Azərbaycan Respublikasının Milli Məclisinə keçirilmiş seçkilərdə 80 saylı İmişli-Beyləqan seçki dairəsindən deputatlığa namizəd olmuşdur (09.02.2020). Seçkilərin nəticəsi MSK tərəfindən etibarsız sayılmışdır (13.02.2020).
- Yazıçı İsmayıl Qarayevin qızıdır.
Əsərləri[redaktə | mənbəni redaktə et]
- Goranboy (ensiklopedik toplu). Bakı: 2000, 496 səh.
- Goranboyda izim qaldı. Bakı: 2001, 160 səh.
- Azərbaycan olduğu kimi. Bakı: 2002, 72 səh.
- Goranboyda izim qaldı. Bakı: 2003, 192 səh.
- Bu, İrşad Əliyevdir. Bakı: 2006, 720 səh.
- Beyləqan 70 il (1939-2009). Bakı: 2010, 30 səh.
- Beyləqan (ensiklopedik toplu). Bakı: 2010, 688 səh.
Mənbə[redaktə | mənbəni redaktə et]
1) XX əsr Azərbaycan yazıçıları. Ensiklopedik məlumat kitabı. Bakı: 2004, səh. ;
3) http://www.adalet.az/w180188/_%22BEYL%C6%8FQAN%22LA_BEYL%C6%8FQANA_S%C6%8FYAH%C6%8FT__/#.XrWpJEQzbZ5;
5) http://www.yenises.az/w2162.html;
6) http://www.adalet.az/w180188/_%22BEYL%C6%8FQAN%22LA_BEYL%C6%8FQANA_S%C6%8FYAH%C6%8FT__/#.XrWpk0QzbZ5;