Tap Qaraqoyunlu

Tap Qaraqoyunlu
Tap Qaraqoyunlu
	40°25′42″ şm. e. 46°46′14″ ş. u.
Ölkə	Azərbaycan;
Tarixi və coğrafiyası
Mərkəzin hündürlüyü	503 m
Saat qurşağı	UTC+04:00;
Əhalisi
Əhalisi	2.415 nəf. (2009);
	Xəritəni göstər/gizlə Tap Qaraqoyunlu

Tap Qaraqoyunlu — Azərbaycan Respublikasının Goranboy rayonunun Tap Qaraqoyunlu kənd inzibati ərazi dairəsində kənd. Azərbaycan Respublikası Milli Məclisinin 31 may 2010-cu il tarixli, 1018-IIIQ saylı Qərarı ilə Goranboy rayonunun Tap Qaraqoyunlu kənd inzibati ərazi dairəsi tərkibindəki Tap Qaraqoyunlu kəndinin ərazisindən bələdiyyə mülkiyyətində olan 133,84 ha torpaq sahəsi Naftalan şəhərinin inzibati ərazisinə verilmişdir.^[1]

İkinci Qarabağ müharibəsinə qədər kənd təcavüzkar ermənilər tərəfindən tez-tez atəşə tutuldu.^[2]^[3]^[4]

Tarixi[redaktə | mənbəni redaktə et]

Kənd Qarabağ müharibəsi dövründə döyüşlərin getdiyi ərazilərə çox yaxın olduğundan Ermənistan ordusu bir neçə dəfə bura da hücum etmişdir. Lakin kəndi işğal etmək onlara nəsib olmadı. Müharibə dövründə və atəşkəsdən sonrakı 17 il ərzində Tap-Qaraqoyunlu kəndinin 38 sakini həlak olmuşdur.^[5] 2010-cu ilin oktyabrın 14-də Tap Qaraqoyunlu kəndində Azərbaycan ərazisindəki ikinci ən hündür bayrağın təntənəli açılışı olub. Dayaq hündürlüyü 65 metr olan bayrağın uzunluğu 18, eni isə 9 metrdir. Ölkənin yenilməz simvolu sayılan Azərbaycan bayrağı işğal altındakı ərazilərdən də aydın görünür. Kompleksin inşasını Dövlət Neft Şirkəti həyata keçirib və bu münasibətlə şirkətin prezidenti Rövnəq Abdullayev Tapqaraqoyunlu kəndinə gəlib. Rövnəq Abdullayev bütün cəbhəyanı ərazilərdə Azərbaycan bayrağının yüksəldiləcəyini və bu istiqamətdə işlərin getdiyini bildirib. Bundan başqa neft şirkətinin vəsaiti hesabına tezliklə İncəçay üzərində nasos stansiyası quraşdırılacaq və kəndin suvarma problemi tam olaraq həllini tapacaq.^[6]

Toponimikası[redaktə | mənbəni redaktə et]

Kənd dağətəyi ərazidədir. Yerli məlumata görə, yaşayış məntəqəsini XIX əsrin ortalarında Ermənistan ərazisində mövcud olnuş Darlıq Qaraqoyunlu (indiki Kranoselo) və Pəmbək (indiki Qarqar) kəndlərindən gəlmiş ailələr özlərinə məxsus binə yerində salmışlar. Kəndi qaraqoyunlu tayfasına mənsub ailələr Tap detilən yerdə saldığına görə belə adlandırılmışdır.^[7]

Əhalisi[redaktə | mənbəni redaktə et]

2009-cu ilin siyahıyaalınmasına əsasən kənddə 2117 nəfər əhali yaşayır.^[8] Kəndin əhalisi 2415 nəfərdir. Burada həm yerli, həm də müharibə nəticəsində torpaqlarından qovulmuş azərbaycanlılar məskunlaşıb.

Görkəmli şəxsləri[redaktə | mənbəni redaktə et]

İsgəndərov Fərrux Paşa oğlu – Həkim, Xeyriyyəçi.
İskəndərzadə Elvin Fərrux oğlu – İxtisaslaşmış Ali dərəcəli həkim, Vətən müharibəsi iştirakçısı
Niyazi Aslanov – Azərbaycanın Milli Qəhrəmanı
Nizaməddin Quliyev – Ağstafa Rayon İcra Hakimiyyətinin və Goranboy Rayon İcra Hakimiyyətinin keçmiş başçısı
İsmayıl Qarayev – yazıçı, publisist
Xanım İsmayılqızı – şairə, bəstəkar
Vəsimə İsmayılqızı – yazıçı, publisist, Azərbaycan Jurnalistlər Birliyinin üzvü
Faxrəddin Rüstəmov – Birinci Qarabağ müharibəsi şəhidi
Zaməddin Rüstəmov – Birinci Qarabağ müharibəsi şəhidi
Orxan Cümşüdov – Vətən müharibəsi şəhidi
Hidi Vəliyev – Vətən müharibəsi şəhidi

İqtisadiyyatı[redaktə | mənbəni redaktə et]

Qarabağ müharibəsi dövründə kəndin bir çox infastrukturu ziyan görüb. Son illərdə kənddə infastrukturun bərpa olunması işləri gedir. 2011-ci ilin əvvəlində kənddə olan bütün evlər tam olaraq qazlaşdırılıb.^[9]

3 oktyabr 2021-ci ildə Prezident İlham Əliyev Tərtər rayonunda Talış-Tapqaraqoyunlu-Qaşaltı-Naftalan avtomobil yolunun təməlqoyma mərasimində iştirak edib. 4 yaşayış məntəqəsini birləşdirən yolun ümumi uzunluğu 22 kilometr təşkil edəcək. Avtomobil yolunun 19 km-lik hissəsi II, 3 km-lik hissəsi isə IV texniki dərəcəyə uyğun inşa edilir. Müvafiq olaraq yolun layihə üzrə hərəkət hissəsinin eni 19 km-lik hissədə 9 metr, 3 km-lik hissədə isə 6 metr, torpaq yatağının eni 13 və 10 metr, çiyin hissələrin eni isə 2x2 metr təşkil edəcək. Yolun Tapqaraqoyunlu hissəsində İncəçay üzərində yeni avtomobil körpüsünün tikintisi də icra olunacaq.^[10]

İstinadlar[redaktə | mənbəni redaktə et]

↑ "Azərbaycan Respublikasının Goranboy rayonunun və Naftalan şəhərinin inzibati ərazi bölgüsündə qismən dəyişiklik edilməsi haqqında Azərbaycan Respublikası Milli Məclisinin 31 may 2010-cu il tarixli, 1018-IIIQ saylı Qərarı". 22 August 2022 tarixində arxivləşdirilib. İstifadə tarixi: 22 August 2022.
↑ ERMƏNİLIƏR BU DƏQİQƏLƏRDƏ TAPQARAQOYUNLU KƏNDİNİ GÜLLƏBARAN EDİR^{[ölü keçid]}
↑ Tapqaraqoyunlu yenə gülləbaran edildi^{[ölü keçid]}
↑ Ermənilər Goranboyu atəşə tutdular^{[ölü keçid]}
↑ Minaya düşən Goranboy sakini dəfn olundu^{[ölü keçid]}
↑ "Azərbaycan bayrağı cəbhə xəttinin 300 metrliyində – tia.az". 2016-03-04 tarixində arxivləşdirilib. İstifadə tarixi: 2011-10-04.
↑ Azərbaycan Toponimlərinin Ensiklopedik Lüğəti. Azərbaycan Milli Elmlər Akademiyası. Nəsimi adına Dilçilik İnstitutu. Şərq-qərb Bakı-2007. səh.427
↑ Azərbaycan Respublikası Əhalisinin Siyahıyaalınması. Azərbaycan Respublikasının Dövlət Statistika Komitəsi. Bakı-2010. Səh.629
↑ ARDNŞ prezidenti cəbhəyanı kəndə qaz verilməsi mərasimində iştirak edib^{[ölü keçid]}
↑ Talış kəndinə gedən yolda genişmiqyaslı tikinti işləri aparılır - FOTO

Xarici keçidlər[redaktə | mənbəni redaktə et]

Goranboy Rayon İcra Hakimiyyəti

Goranboy rayonu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.

[1] "Azərbaycan Respublikasının Goranboy rayonunun və Naftalan şəhərinin inzibati ərazi bölgüsündə qismən dəyişiklik edilməsi haqqında Azərbaycan Respublikası Milli Məclisinin 31 may 2010-cu il tarixli, 1018-IIIQ saylı Qərarı". 22 August 2022 tarixində arxivləşdirilib. İstifadə tarixi: 22 August 2022.

[2] ERMƏNİLIƏR BU DƏQİQƏLƏRDƏ TAPQARAQOYUNLU KƏNDİNİ GÜLLƏBARAN EDİR^{[ölü keçid]}

[3] Tapqaraqoyunlu yenə gülləbaran edildi^{[ölü keçid]}

[4] Ermənilər Goranboyu atəşə tutdular^{[ölü keçid]}

[5] Minaya düşən Goranboy sakini dəfn olundu^{[ölü keçid]}

[6] "Azərbaycan bayrağı cəbhə xəttinin 300 metrliyində – tia.az". 2016-03-04 tarixində arxivləşdirilib. İstifadə tarixi: 2011-10-04.

[7] Azərbaycan Toponimlərinin Ensiklopedik Lüğəti. Azərbaycan Milli Elmlər Akademiyası. Nəsimi adına Dilçilik İnstitutu. Şərq-qərb Bakı-2007. səh.427

[8] Azərbaycan Respublikası Əhalisinin Siyahıyaalınması. Azərbaycan Respublikasının Dövlət Statistika Komitəsi. Bakı-2010. Səh.629

[9] ARDNŞ prezidenti cəbhəyanı kəndə qaz verilməsi mərasimində iştirak edib^{[ölü keçid]}

[10] Talış kəndinə gedən yolda genişmiqyaslı tikinti işləri aparılır - FOTO

[1]

[2]

[3]

[4]

[5]

[6]

[7]

[8]

[9]

[10]

Goranboy rayonunun yaşayış məntəqələri
Şəhərlər	Goranboy • Dəliməmmədli
Qəsəbələr	Aşağı Ağcakənd • Goran • Kürəkçay • Qazanbulaq • Qızılhacılı • Yuxarı Ağcakənd
Kəndlər	Abbasqulular • Alpout • Aşağı Ballıqaya • Azad • Bağçakürd • Balakürd • Baş Qışlaq • Bəşirli • Boluslu • Borsunlu • Börü • Buzluq • Cinli Zeynallı • Dəyirmanlar • Düzqışlaq • Erkeç • Eyvazlılar • Əhmədabad • Əlirzalı • Fəxralı • Goranlı • Göynüyən • Gülməmmədli • Gülüstan • Gürzallar • Hacallı • Hazırəhmədli • Həmənli • Xan Qərvənd • Xasadarlı • Xınalı • Xoylu • İrəvanlı • Kəhrizli • Kələk • Qaraçinar • Qaramusalı • Qarapirimli • Qarasuçu • Qarasüleymanlı • Qaxtut • Qaradağlı • Qarqucaq • Qazaxlar • Qazançı • Qırıqlı • Qurbanzadə • Quşçular • Mənəşli • Məşədiqaralar • Meşəli • Muzdurlar • Nadirkənd • Nərimanlı • Nizami • Rəhimli • Rus Borisi • Sarov • Sarovlu • Səfikürd • Səmədabad • Şadılı • Şahməmmədli • Şəfəq • Şəfibəyli • Şıxlar • Tap • Tap Qaraqoyunlu • Tatarlı • Təklə • Todan • Veyisli • Yenikənd • Yeni yol • Yəhərçi Qazaxlar • Yolqulular • Yolpaq • Yuxarı Ballıqaya • Zeyvə
Ləğv olunmuş kəndlər	Elvazlu • Kelami • Kəpənəkçi • Qaraqoyunlu • Qarandi • Şamxallar • Türk-Xoylu • Yeni Veysli