Vikipediya:Bərpa üçün namizəd səhifələr

↓

Zəhmət olmasa, aşağıdan yeni mövzu əlavə edin

Bu səhifə Vikipediyadakı səhifələrin barədə barədə müzakirələr aparmaq üçündür. Burdakı müzakirələr VP:SNSMÜZAKİRƏSİ qaydasına əsasən aparmalıdır.

Müzakirəyə qoşulmazdan əvvəl istifadəçilərdən şəxslərin ensiklopedik əhəmiyyəti, etibarlı mənbələr və digər qaydalarla tanış olmaları tələb olunur. Fikir bildirərkən silmə müzakirələrində istifadə etməkdən çəkinməli arqumentlərlə tanış olmağınız tövsiyə olunur.

Arxivləşdirilmiş müzakirələrə buradan baxa bilərsiniz. Arxivdə axtarış etmək üçün aşağıdakı axtarış formasını istifadə edə bilərsiniz.

---

İlkin Məmmədov

Salam əziz həmkarlar, mən hələ də bu adamın tam ensiklopedik olduğunu düşünürəm. Ümid edirəm ki, bu dəfə daha çox insan məni dəstəkləyəcək.

İlkin Məmmədov, Milli Məclisin Beynəlxalq Münasibətlər şöbəsinin müdiridir.

Bu şəxs Azərbaycan Prezidenti İlham Əliyev tərəfindən “Tərəqqi” medalı və “Dövlət qulluğunda fərqlənməyə görə” medalı, Rusiya spikeri Valentina Matviyenko tərəfindən medal alıb.

O, yüksək rütbəli sayılan 3-cü dərəcəli dövlət müşaviridir.

2016-cı ildə Parisdə Qarabağ münaqişəsi ilə bağlı fransız dilində məlumat verib.

Siyasi tədbirlərlə yanaşı, o, 2008-ci və 2011-ci illərdə Heydər Əliyevin xatirəsinə həsr olunmuş dövlət qurumları arasında futbol turniri təşkil edib, 2013-cü ildə Azərbaycanda ilk dəfə “Azərbaycan Prezidentinin kuboku” Beynəlxalq KVN festivalını təşkil edib, və 2018-ci ildə Azərbaycan Xalq Cümhuriyyəti Parlamentinin 100 illik yubileyinə həsr olunmuş parlament komandaları arasında beynəlxalq futbol turniri keçirib.

Həmçinin, Milli Məclisin “Dream Team (MM)” futbol komandasının kapitanıdır. 2003-cü ildə Britaniya Şahzadəsi Dianaya həsr olunmuş “İngiltərənin qızıl gülü” adlı kitabı dərc eləyib.

Bunlar onun ölkəmizə verdiyi töhfələrdən yalnız bir neçəsidir. Ümid edirəm ki, bu geniş araşdırma fikirlərimi sübut edir. Çox sağ olun. [1] James Abloh (müzakirə) 17:41, 14 may 2024 (UTC)

@James Abloh Zəhmət olmazsa istinadlarda yetəri qədər düzəliş edin. Redivy (müzakirə) 09:18, 23 may 2024 (UTC)

@Redivy Salam, yuxarıda və məqalədə bütün məlumatları istinadlarnan qeyd etmişəm. Məndən nə etmək istədiyinizi tam başa düşmədim. James Abloh (müzakirə) 22:24, 23 may 2024 (UTC)

@James Abloh birinci və ikinci dərəcəli istinadlar edin məqalədə əhatəli olsun. Redivy (müzakirə) 06:41, 24 may 2024 (UTC)

Məqalə bu yaxınlarda SNS ilə silinib və siz indi üzərində heç bir ciddi dəyişiklik etmədən bərpasını tələb edirsiniz. Məqalə qaralamada bərpa olunub, ona ki, zəhmət olmasa oradakı iradları da nəzərə alıb üzərində əhəmiyyətli dəyişikliklər edəsiniz, yoxsa nəticə dəyişməyə və müzakirə həmən vaxtından əvvəl yekunlaşdırıla bilər. Hörmətlə, Gadir^müzakirə 07:48, 24 may 2024 (UTC)

@Gadir @Redivy Əlavə faydalı məlumatlar əlavə etdim və hər şeyi mənbələrə istinad edildi. Zəhmət olmasa baxarsız. James Abloh (müzakirə) 10:39, 24 may 2024 (UTC)

Əlavə edilən istinadlardan sonra və şəxsin 3-cü dərəcə dövlət müşaviri olması ilə yanaşı Milli Məclisinin Beynəlxalq Münasibətlər şöbəsinin müdiri olduğuna görə. Bərpa olunsun: Redivy (müzakirə) 07:16, 28 may 2024 (UTC)

• Məqalə CV formatında tərtib edilib. Cümlələr ayrı-ayrı abzaslarda verilməməlidir, ardıcıl şəkildə, 2-3 bölməyə ayırmaqla yazılmalıdır. — Toghrul R (m) 17:25, 5 iyun 2024 (UTC)

  Salam, sorğunuza uyğun olaraq, Vikipediya standartlarına uyğun görünməsi üçün dəyişikliklər etdim. Zəhmət olmasa baxarsız. James Abloh (müzakirə) 20:35, 5 iyun 2024 (UTC)

• Bərpa olunmasın: Mövzunun internetdə əhatə dairəsi yoxdur. 2-3 "kimdir, nəçidir" başlıqlı linkdən başqa bir şey tapa bilmədim. Tərtibatda da problemlər var. CV-ya oxşayır məqalə. Bu məqalə kimi tərtib olunmalıdır. Mükafatlar məlumat kimi qeyd olunmalı, müvafiq bölmədə ad (şablon) olaraq qalmalıdır. Bunları məlumat üçün qeyd edirəm, zatən bərpasının əleyhinəyəm, şərtləri ödəmir. Əhatəli və ətraflı tərəfsiz mənbələr yoxdur, ilkin mənbələrdən istifadə olunub, onlar da etibarlı və əhəmiyyətlidir, amma tərəfsiz deyil. Hörmətlə, Gadir^müzakirə 22:15, 7 iyun 2024 (UTC)

  @Gadir

  @Toghrul R şərhindən sonra məqalənin formatını düzəltdim və sizin təqdim etdiyiniz məqalə ilə tamamilə eyni formatdadır. Hər iki məqalədə həmin şəxsin müxtəlif illərdə etdikləri və bəzi əlavə məlumatlar da qeyd olunub. Məqalə ümumiyyətlə CV-yə oxşamır.

  Fərqli mükafatları bir-birinə bağlamağın mənası yoxdur, çünki onlar bir-birinə əlaqəsi yoxdur, buna görə də fərqli cərgələrdədirlər. James Abloh (müzakirə) 18:10, 8 iyun 2024 (UTC)

  Fikirlərimi bildirmişəm. Sizin bu məqalənin bərpasında nəsə xüsusi bir marağınız yoxdur ki? Yaxud sözügedən şəxslə hər hansısa bir əlaqəniz varmı? Demək olar indiyə kimi bütün fəaliyyətiniz ancaq bu şəxslə əlaqəli olub. Hörmətlə, Gadir^müzakirə 12:18, 12 iyun 2024 (UTC)

• Bərpa olunmasın: 3-cü dərəcəli dövlət müşaviri yüksək vəzifə olsa da, şəxsi tək başına ensiklopedik edə bilmir. Geri qalan vəzifələri və mükafatları da şəxsi birbaşa ensiklopedik edə biləcək faktlar deyillər. İkincidərəcəli mənbələrdə şəxs və fəaliyyəti əhəmiyyətli dərəcədə əhatə olunmayıb. — Sura Shukurlu (müzakirə) 11:51, 8 iyun 2024 (UTC)

  @Sura Shukurlu 3-cü dərəcəli dövlət müşaviri olmaq vəzifə deyil və təbii ki, bu şəxsi ensiklopedik edən tək şey deyil. Məqaladə qeyd etdiyim kimi, bu şəxs bir çox tədbirlərin təşkilinə cavabdehdir, və dövlət işindən başqa, həm KVN-nin yaradıcılarından biridir, həm də Milli Məclisin futbol komandasının (Dream Team MM) kapitanıdır. James Abloh (müzakirə) 18:20, 8 iyun 2024 (UTC)

• Məqaləni təkmilləşdirdiyiniz üçün təşəkkürlər. Əlavə vikiləşdirmə işləri apardım. Düşünürəm ki, şəxsin tutduğu vəzifə (inzibati vəzifələrin birinci təsnifatına uyğun) və fəaliyyəti əhəmiyyətlidir . Ölkənin ali kateqoriya dövlət orqanında əhəmiyyətli şöbənin rəhbəridir. 2 dəfə Prezident tərəfindən təltif edilib, və 3-cü dərəcə dövlət müşaviri ixtisas dərəcəsi verilib. — Toghrul R (m) 07:51, 13 iyun 2024 (UTC)

Aysu Murtuzayeva

Azərbaycanlı peşəkar futbolçudur. Hazırda Yüksək Qızlar Liqasında çıxış edir. Hansı ki, Azərbaycanın ən böyük peşəkar qadın liqasıdır. Həmçinin futbolçu U19 Milllisində də çıxış edir. Bu səbəblə futbolçunun ensklopedik olduəunu düşünürəm. Asif Məmmədov (müzakirə) 19:37, 15 may 2024 (UTC)

@Asif Məmmədov, qaralamada bərpa etdim. Lütfən əlavələriniz və düzəlişləriniz olacaqsa edin ki, daha rahat fikir bildirilə bilinsin və müzakirə getsin. Hörmətlə, Gadir^müzakirə 07:44, 19 may 2024 (UTC)

Bərpa olunsun: Salam əziz yazıçılar. İstədim fikrimi tam toplayım, qısaca izah edim. Mənim fikrimcə məqalə ensklopedikdir. Futbolçu Azərbaycan Yüksək Qızlar Liqasında çıxış edir, Azərbaycanı U19 yaş qrupu üzrə UEFA rəhbərliyi altında rəsmi çempionatlarda təmsil edir. Bu sezon Azərbaycan Yüksək Qızlar Liqasında "Neftçi" forması ilə çempionluq yaşayıb. Həmçinin, növbəti sezon "Neftçi" forması ilə "UEFA Qadınlar Çempionlar Liqası" turnirində də iştirak edəcək. Sadaladığım bütün bu amillər, futbolçunun kifayət qədər peşəkar olduğunu, məqaləsinin Wikipediyada yer almasının çox önəmli olduğunu sübutudur deyə düşünürəm. Çox sağolun. Asif Məmmədov (müzakirə) 10:17, 19 iyun 2024 (UTC)

Babək Hüseynov

Salam, hər vaxtınız xeyir olsun.

Babək Hüseynov Kunq-fu sanda üzrə 14 qat Respublika, 8 qat Dünya və Avropa çempionu, Dünya Kubokunun qalibi, Asiya çempionatının qalibi, Azərbaycan Respublikasının Əməkdar İdman Ustası və Azərbaycan Respublikasının Əməkdar Məşqçiyəm. Hal-hazırda Uşu Sanda Federasiyasında fəaliyyət göstərirəm. Bu səbəblə mənim materialımın və məlumatlarımın ensklopedik olduğumu düşünürəm. Bu məqaləni qaralama halında hazırlamışam. Məqalənin bərpa olunmasını istəyirəm. Xahiş edirəm bu məqalənin bərpa olunması yönündəfikirlərinizi bildirin.

https://az.wikipedia.org/wiki/U%C5%9Fu_Sanda - Bu vikipediyada da göründüyü kimi tanınmış bir idmançıyam.

İstinadlar; https://www.mediainfo.az/news/interview/29070.html https://obastan.com/wiki/Bab%C9%99k_H%C3%BCseynov https://olimpnews.az/post/7532/perspektivli-yeniyetme-idmanchi-7532 https://olimpnews.az/post/9056/%C2%ABqara-bebir%C2%BB-novbeti-defe-dunya-chempionu-oldu-9056 https://azertag.az/xeber/azerbaycan_idmanchisi_kunq_fu_sanda_uzre_dunya_kubokunda_kemere_sahib_olmusdur-477818 https://azertag.az/xeber/azerbaycan_idmanchilari_kunq_fu_uzre_dunya_chempionatinda_heyretamiz_netice_gostermisler-378982 https://azertag.az/en/xeber/azerbaijan_athletes_succeed_in_world_kung_fu_championship-567010 https://en.trend.az/azerbaijan/society/2041165.html

Video materiallar: https://www.youtube.com/watch?v=lMunGXM0g2g&ab_channel=AkifAhmadzada

https://www.youtube.com/watch?v=m90Cuiem3G8&ab_channel=AkifAhmadzada

https://www.youtube.com/watch?v=tyZKCc8RoNY&ab_channel=AkifAhmadzada

https://www.youtube.com/watch?v=IGCVlvQJnfs&ab_channel=AkifAhmadzada

Facebook hesabı: https://www.facebook.com/PhanterB/

Ümid edirəm ki, bunlar sübuta yetərlidir. Hüseynov Babək (müzakirə) 12:37, 10 iyun 2024 (UTC)

• Bərpa olunsun: məqalənin qaralama versiyasından da göründüyü kimi idmançı ensiklopedikdir. Bunu göstərilən mənbələrdən də görmək olur. --Araz Yaquboglu (müzakirə) 08:47, 28 iyun 2024 (UTC)

Səlvi Kılıçdaroğlu

Məqalə bir il öncə buradakı qərar ilə silinib. İki dildə (en və tr) məqaləsi var, təbii ki, bu, bərpası üçün arqument deyil. Şəxsin jurnalist fəaliyyəti var və mətbuatda yetəri qədər əhatə olunub. Məqalə də normal vəziyyətdədir. Əslində birmənalı ensiklopedik hesab edirəm, VP:AİLƏ də ödənilir (sırf qohumluq əlaqəsinə sahibdir deyə ensiklopedik sayılmır, əhatə olunub), amma SNS ilə silindiyi üçün bura təqdim etmədən yaratmanın xoş olmayacağını və önəmli olduğunu bilirəm. Bərpasını təklif edirəm. Hörmətlə, Gadir^müzakirə 23:51, 11 iyun 2024 (UTC)

Qəhrəman Süleymanlı

Bir il öncə məqalə buradakı qərarla silinib. Məqaləni təkmilləşdirib 1 ay öncə yenidən yaratdım (Müzakirə nəticəsində silinən məqalənin müzakirə nəticəsinə əsasən bərpa edildiyini bilmirdim). Və yenidən müzakirənizi təklif edirəm. Zəhmət olmazsa fikir bildirin. Rufet-87 (müzakirə) 06:20, 18 iyun 2024 (UTC)