Xanlar Vəliyev

Vikipediya, azad ensiklopediya
Jump to navigation Jump to search
Xanlar Vəliyev
bayraqAzərbaycan Respublikasının Hərbi Prokurorubayraq
Vəzifədədir
10 fevral 2005-ci ildən
Sələfi Ramiz Rzayev
Şəxsi məlumatlar
Doğum tarixi 15 mart 1955(1955-03-15) (67 yaş)
Doğum yeri

Təltifləri "Azərbaycan Respublikasının əməkdar hüquqşünası" fəxri adı — 2015
"Azərbaycan Bayrağı" ordeni — 2008 2-ci dərəcəli "Vətənə xidmətə görə" ordeni — 2018 "Hərbi xidmətlərə görə" medalı — 2006

Xanlar Rüstəm oğlu Vəliyev (15 mart 1955, Yevlax) — Azərbaycan Respublikası Baş prokurorunun müavini — Azərbaycan Respublikasının Hərbi prokuroru, Azərbaycan Respublikasının Əməkdar Hüquqşünası.

Həyatı[redaktə | mənbəni redaktə et]

Xanlar Vəliyev 1955-ci il mart ayının 15-də Yevlax şəhərində anadan olmuş, 1978-ci ildə Bakı Dövlət Universitetinin hüquq fakültəsini fərqlənmə diplomu ilə bitirdikdən sonra təyinatla respublika prokurorluğu orqanlarına işə qəbul olunmuşdur. Xanlar Vəliyev Gəncə şəhər prokurorluğunda böyük müstəntiq, prokuror köməkçisi, Qazax və Şəmkir rayon prokurorlarının müavini vəzifələrində işləmiş, 1993–2000-ci illərdə Azərbaycan Respublikası Baş prokurorunun müavini olmuşdur.

Azərbaycan Respublikası Prezidentinin 10 fevral 2005-ci il tarixli Sərəncamı ilə Azərbaycan Respublikası Baş prokurorunun müavini — Azərbaycan Respublikasının Hərbi prokuroru vəzifəsinə təyin edilmişdir.

Ədliyyə general-leytenantı hərbi rütbəsindədir. Hüquq üzrə elmlər doktorudur.

Ailəlidir, üç övladı var. Elmar Vəliyevin qardaşı, Elmir Vəliyevin əmisidir.

Təltif və mükafatları[redaktə | mənbəni redaktə et]

Azərbaycan Respublikası Prezidentinin 27 sentyabr 2008-ci il tarixli fərmanı ilə "Azərbaycan bayrağı" ordeni, 28 sentyabr 2018-ci il tarixli sərəncamı ilə 2-ci dərəcəli "Vətənə xidmətə görə" ordeni, 23 iyun 2006-cı il tarixli fərmanı ilə "Hərbi xidmətlərə görə" medalı və digər medallarla təltif edilmiş, 18 mart 2015-ci il tarixli Sərəncamı ilə "Azərbaycan Respublikasının əməkdar hüquqşünası" fəxri adına layiq görülmüşdür.

Azərbaycan Respublikası Baş prokurorunun 15 mart 2005-ci il tarixli əmri ilə "Prokurorluğun fəxri işçisi" döş nişanına layiq görülmüşdür.

İstinadlar[redaktə | mənbəni redaktə et]