Anlamaq istəyirəm (film, 1980)

Anlamaq istəyirəm
Janr	dram filmi
Rejissor	Oqtay Mirqasımov
Ssenari müəllifləri	Nəbi Xəzri Leonid Juxovitski[d]
Baş rollarda	Həmidə Ömərova Həsən Məmmədov Həsənağa Turabov
Operator	Ələsgər Ələkbərov
Bəstəkar	Rafiq Babayev
İstehsalçı	Azərbaycanfilm
İlk baxış tarixi	1980
Müddət	133 dəq.
Dillər	rus dili, Azərbaycan dili
IMDb	ID2254019

Anlamaq istəyirəm filmi rejissor Oqtay Mirqasımov tərəfindən 1980-ci ildə ekranlaşdırılmışdır. Film Mərkəzi Televiziyanın (Moskva) sifarişi ilə "Azərbaycanfilm" kinostudiyasında istehsal edilmişdir. Film məhv olmuş arzular, xoşbəxtlik uğrunda mübarizə aparılmasının acı nəticəsi, iki sevən gəncin uğursuz məhəbbəti haqqında niskilli hekayədir. Aktrisa Həmidə Ömərovaya Çinarə roluna görə Lenin komsomolu mükafatı verilmişdir. Filmdə əsas rolları Revaz Çxikvişvili, Həmidə Ömərova, Mikayıl Kərimov, Mayya İsgəndərova, Həsən Məmmədov və Həsənağa Turabov ifa edirlər.

Məzmun

İki nəfər - Çinarə (Həmidə Ömərova) və Rüstəm (Revaz Çxikvişvili) tələsmədən sahil bağında addımlayır, nə barədə isə söhbət edirlər. Vaxt var idi ki, onlar bir-birilərini sevir, bir arzu ilə yaşayırdılar: xoşbəxt olmaq! Lakin Çinarə başqasına ərə gedir, sonra başa düşür ki, xoşbəxtlik üçün nə içi xarici mebellə dolu mənzil, nə gələcəyi parlaq olan ər, nə də qayğısız həyat lazım deyilmiş. Xoşbəxtlik üçün yalnız o özü, sevgilisi Rüstəm, bu coşub daşan, bəzən də mürgüləyən dəniz, dənizin üzərində uçuşan, hərdən ləpələrə baş vuran qağayılar, dəniz kənarında topla oynayan körpə gülüşləri, bir də sevgilinin şirin, ürək açan sözləri gərəkmiş: "Sən mənim səadətim, sən mənim qəlbim, sən mənim səmam... səmam... yüksək səmamsan...". Çinarə xoşbəxtliyini geri qaytarmaq istəyir. Ancaq o, Rüstəmi artıq həmişəlik itirmişdir...

Film məhv olmuş arzular, xoşbəxtlik uğrunda mübarizə aparılmasının acı nəticəsi, iki sevən gəncin uğursuz məhəbbəti haqqında niskilli hekayədir.

Film haqqında

• Film şair Nəbi Xəzrinin "Əks-səda" pyesinin motivləri əsasında yaradılmışdır.
• Film Azərbaycan Televiziyasında azərbaycan dilinə dublyaj edilmişdir.

Mükafat

Aktrisa Həmidə Ömərovaya Çinarə roluna görə Lenin komsomolu mükafatı verilmişdir.

Rollarda

Revaz Çxikvişvili — Rüstəm
Həmidə Ömərova — Çinarə
Mikayıl Kərimov — Əhməd
Mayya İsgəndərova — Rəna
Həsən Məmmədov — Çingiz
Həsənağa Turabov — Həsən
Zemfira Sadıqova — Fəridə
Sona Aslanova — Çinarənin anası
Vəliəhd Vəliyev — Səməd
Telman Adıgözəlov — Camal
Ç. Cəlilov
Eldəniz Rəsulov — Zeynal
Gülşən Qurbanova — Rəfiqə
R. Axundova
Hamlet Qurbanov — Fazil
Sadıq Hüseynov — Şükürov
Böyükağa Qasımov
Süsən Məcidova — Bikə
Larisa Xələfova — Fikriyyə
M. Haşımov
Şamil Süleymanov — işıqforu təmir edən
Muxtar Maniyev — Həsənin iş yoldaşı
Ə. Babayev
Qasım Səfəroğlu
Tofiq Tağızadə — rejissor Oqtay Məmmədoviç
Əşrəf Mamayev — Əhmədin atası
Sofa Bəsirzadə — Əhmədin anası

Mənbə

• Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 311-312.
• Azərbaycan Milli Ensiklopediyası: Azərbaycan. Ramiz Məmmədov. Kino. Azərbaycan Milli Ensiklopediyası Elmi Mərkəzi, 2007.- səh. 816.

Həmçinin bax

Azərbaycan filmlərinin siyahısı
1980-ci ilin Azərbaycan filmləri
1980-ci illər Azərbaycan filmlərinin siyahısı

Xarici keçidlər

Filmi izlə
[ Filmin musiqiləri (video)]
Filmin musiqiləri (audio)

Filmin musiqiləri

Fayl:Anlamaq istəyirəm (film, 1980)(musiqi-1).ogg

Musiqi-1