Telman Adıgözəlov

Vikipediya, açıq ensiklopediya
Keçid et: naviqasiya, axtar
TELMAN ADIGÖZƏLOV
Telman Abbasqulu oğlu Adıgözəlov
Telman Adigozelov.jpg
Doğum tarixi: 17 iyul 1953(1953-07-17)
Doğum yeri: Balakən, Flag of Azerbaijan SSR.svg Azərbaycan SSR
Vəfatı: 15 aprel 2010 (56 yaşında)
Vəfat yeri: Bakı, Flag of Azerbaijan.svg Azərbaycan
Vəfat səbəbi: ürək çatışmazlığı
Peşəsi: Aktyor

Adıgözəlov Telman Abbasqulu oğlu (d.17 iyul, 1953 - ö.15 aprel 2010) — Azərbaycanın məşhur televiziya, teatr və kino aktyoru, aparıcı, Azərbaycan Respublikasının xalq artisti (2006).

Həyatı[redaktə | əsas redaktə]

Telman Adıgözəlov 1953-cü il iyulun 17-də Balakən şəhərində anadan olmuşdur.[1] O, hələ orta məktəbdə oxuyarkən aktyorluq kurslarında iştirak etmişdir. 1975-ci ildə Azərbaycan Dövlət İncəsənət İnstitutunun dram və kino aktyorluğu fakültəsini bitirmişdir. 1980-ci ildən Akademik Milli Dram Teatrında fəaliyyətə başlayan aktyor, teatr səhnəsində maraqlı obrazlar yaratmışdır. Bunlardan C. Məmmədquluzadə "Dəli yığıncağı" Zəncirvuran, İ.Əfəndiyev "Xurşidbanu Natəvan" Daşdəmir, "Mahnı dağlarda qaldı" Rəhman, Şekspir "Maqbet" Flins, M. İbrahimov "Közərən ocaqlar" Xanəhməd, H.Cavid "İblis" Şeypurçu, S.Vurğun "Vaqif" Təlxək, S.Rəhman "Nişanlı qız" çeşməkli kişi, E.Baxış "Qədr gecəsi" Oyunbaz, Elçin "Ah Paris…Paris!.." Əhməd, "Mənim sevimli dəlim" Professor, R.Novruz "Hələ "sevirəm" deməmişdilər"də Qumarbaz obrazlarını göstərmək olar.

İstedadlı aktyor Dövlət televiziyasında hazırlanmış "Yaşıl eynəkli adam", "Ordan-burdan", "Qonşular", "Azərbaycanfilm" kinostudiyasında istehsal olunmuş "Nəsimi", "Üzü küləyə", "Xatirələr sahili" kimi filmlərdə xarakterik rollar oynamışdır.

Telman Adıgözəlov 2000-ci ildə Azərbaycan Respublikasının əməkdar artisti və 2006-cı ildə xalq artisti fəxri adlarına layiq görülmüşdür.

14-ü aprel 2010-cu il, Akademik dramatik teatrının direktoru Maqbet Bunyatovun sözlərinə görə Telman Adıgözəlov teatrda bütün günü özünü normal hiss edib. Amma təxminən 01.00 aktyor özünü pis hiss etdiyini qızına deyib. Aktyorun qızı dərhal təcili yardımı çağırıb. Ancaq, həkimlər aktyorun həyatını xilas edə bilməyiblər. Telman Adıgözəlov 2010-cu il aprelin 15-də 56 yaşında ürək çatışmazlığından vəfat edib.

Bir qızı, bir oğlu var.

Filmoqrafiya[redaktə | əsas redaktə]

  1. 1001-ci qastrol (film, 1974) (tammetrajlı bədii film)
  2. 777 №-li iş (film, 1992) (tammetrajlı bədii film)
  3. Anlamaq istəyirəm (film, 1980)(ikiseriyalı bədii film)-rol: Camal, dublyaj: Camal
  4. Arşınmalçı (film, 1985)
  5. Bakı oğrusu (film, 1997)
  6. Bir nömrəli... (film, 1980)
  7. Çətirimiz buludlardır (film, 1976)
  8. Diplomlu mütəxəssis (film, 1974)
  9. Dörd bazar günü (film, 1975)
  10. Evləri göydələn yar (film, 2010)
  11. Evləri köndələn yar (film, 1982)
  12. Ənvər Həsənov. Yeddi oğuldan biri (film, 2007)
  13. Xatirələr sahili (film, 1972)
  14. Günaydın, mələyim! (film, 2008)
  15. İmtahan (film, 1982)
  16. Kölgədə 40 dərəcə isti (film, 1987)
  17. Ordan-burdan (film, 1987)
  18. QAZ (film, 2005)
  19. Qırmızı qatar (film, 1993)
  20. Qurama (film, 1995)
  21. Məşədi İbad-94 (film, 2005)
  22. Mühazirə (film, 1986)
  23. Nəsimi (film, 1973)
  24. Nigarançılıq (film, 1998)
  25. Sürpriz (film, 1977)
  26. Yarımştat (film, 1996)
  27. Yaşıl eynəkli adam (film, 1987)
  28. Yol əhvalatı (film, 1980)

İstinadlar[redaktə | əsas redaktə]

  1. "Telman Adıgözəlovun oğlu: "Atamın gətirdiyi sovqatı geri qaytardım" — Lent.az". http://news.lent.az/news/194775. İstifadə tarixi: 26 iyun 2015. Xəbərin yayınlanma tarixi: 27.02.2015.

Mənbə[redaktə | əsas redaktə]