Zərnigar Ağakişiyeva

Zərnigar Ağakişiyeva
Doğum tarixi	6 noyabr 1945(1945-11-06)
Doğum yeri	Rustov, Quba rayonu, Azərbaycan SSR, SSRİ
Vəfat tarixi	8 fevral 2018(2018-02-08) (72 yaşında)
Vəfat yeri	Bakı, Azərbaycan
Vəfat səbəbi	ürək tutması
Vətəndaşlığı	SSRİ  Azərbaycan
Fəaliyyəti	aktrisa
Fəaliyyət illəri	1973-cü ildən
Təhsili	Azərbaycan Dövlət Mədəniyyət və İncəsənət Universiteti
İstiqamət	teatr
Mükafatları
IMDb	ID1075809

Zərnigar Fəti qızı Ağakişiyeva (6 noyabr 1945 – 8 fevral 2018) — Azərbaycan teatr və kino aktrisası, Azərbaycan Respublikasının xalq artisti (2000), Şöhrət ordeni mükafatçısı, Azərbaycan SSR dövlət mükafatı laureatı.

Həyatı

Zərnigar Fəti qızı Ağakişiyeva (Ağakişi atasının babasının adıdır, Güləli isə babasının. 12 yaşında ikən atasının babasının adını özünə soyad seçib) 1945-ci ildə Quba rayonunun Rustov kəndində doğulub.

O, 1972-ci ildə M.A.Əliyev adına Azərbaycan Dövlət İncəsənət İnstitutunun "Dram və kino aktyoru" fakültəsini bitirib. Təhsilini tamamlayandan sonra, bir müddət Tədris teatrında aktrisa kimi çalışan Z.Ağakişiyeva, rejissor Əşrəf Quliyevin dəvəti ilə Azərbaycan Dövlət Akademik Milli Dram Teatrında ilk tamaşası 19 may 1973-cü ildə göstərilən A.Ostrovskinin "Müdriklər" dramında Mamayeva rolunu oynayıb. 1974-cü ildən isə Akademik Milli Dram Teatrının aktyor heyətinə aktrisa kimi qəbul olunub.

Zərnigar Ağakişiyeva yaradıcılığının xarakterik xüsusiyyətlərinə görə realist aktyor məktəbinin poetika göstəricilərinə daha uyğundur. Yaratdığı obrazlar tamaşaçılar tərəfindən həmişə maraqla qarşılanmışdır:

• Tatyana (M.Qorki "Meşşanlar")
• Xuraman (S.Vurğun "Vaqif")
• Şəfəq (S.Dağlı "Kölgələr pıçıldaşır")
• Zeynəb (B.Vahabzadə "Kimdir haqlı?")
• Zivər (Anar "Təhminə və Zaur")
• Kəmalə (İ.Əfəndiyev "Qəribə oğlan")
• Fəxrəndə xanım (İ.Əfəndiyev "Mahnı dağlarda qaldı")
• Bernardo (Federiko Qarsia Lorka "Dişi canavar")
• Pəri xanım (M.F.Axundov "Lənkəran xanıının vəziri")
• Qadın ( Elçin "Poçt şöbəsində xəyal")
• Yasəmən (S.S.Axundov"Eşq və intiqam")
• Ana (B.Vahabzadə "Dar ağacı")
• Qadın (N.Hikmət "Kəllə")
• Kərbəlayi Fatma (C.Məmmədquluzadə "Ölülər")

kimi janr etibarı ilə rəngarəng olan obrazlar teatr salnaməsində özünəməxsus yer tutur.

Aktrisaya 1989-1992-ci illərdə səhnədə cəmi 2 rol verilməsi onun teatrdan uzaqlaşmasına səbəb oldu. 7 ildən sonra Ədalət Vəliyevin dəvətilə yenidən teatra qayıtmışdır.

Zərnigar Ağakişiyeva Azərbaycan Dövlət televiziyasının hazırladığı teletamaşalarda və "Azərbaycanfilm" in istehsal etdiyi bir çox filmlərdə çəkilmişdir. Filmlərdə əsas, ikinci dərəcəli, epizodik rollara çəkilmişdir.

Zərnigar Fəti qızı Ağakişiyeva 1982-ci ildə Əməkdar Artist, 2000-ci ildə isə Xalq Artisti fəxri adlarına layiq görülmüşdür.

2014-cü ildə Şöhrət ordeninə layiq görülmüşdür.

Prezident təqaüdçüsüdür. 2015-ci ildə Cəfər Cabbarlı mükafatına layiq görülmüşdür.

Aktyorluq fəaliyyətinin başlaması ilə təxminən eyni zamanda qurduğu ailə həyatının ömrü 11 il olub. Həyat yoldaşının peşəsi mədəniyyət sahəsinə aid deyilmiş. Övladları olmayıb.

8 fevral 2018-ci ildə ürək çatışmazlığından Bakıda vəfat etmişdir. Fövqəladə hallar nazirliyi Böhran Vəziyyətlərində İdarəetmə Mərkəzinə Bakı şəhərinin Yasamal rayonunda 1 nəfərin bağlı qapı arxasında köməksiz vəziyyətdə qalması barədə məlumat daxil olmuşdur. Hadisə yerinə cəlb olunmuş Xüsusi Riskli Xilasetmə Xidmətinin xilasetmə qüvvələri mənzilin qapısını açmış və tanınmış aktrisanın cəsədini aşkar etmişlər.

9 fevral 2018-ci ildə Quba şəhər qəbiristanlığında, valideynlərinin yanında torpağa tapşırılmışdır.

Filmoqrafiya

1. 777 №-li iş (film, 1992) (tammetrajlı bədii film)
2. Ağ atlı oğlan (film, 1995) (tammetrajlı bədii film) - filmi səsləndirən: Mirvari nənə (Sədayə Mustafayeva)
3. Atayevlər ailəsi (film, 1978)
4. Bağ mövsümü (film, 1985)
5. Balaca çoban (film, 1985)
6. Bəyaz həyat (film, 2003)
7. Bizim qəribə taleyimiz (film, 2005)
8. Burulğan (film, 1986)
9. Dantenin yubileyi (film, 1978)
10. De ki, məni sevirsən! (film, 1977)
11. Divar (film, 1991)
12. Fədailər (film, 1986)
13. "Fransız" (film, 1995)
14. Güllələnmə təxirə salınır!... (film, 2002)
15. Hər şey yaxşılığa doğru (film, 1997)
16. İşarəni dənizdən gözləyin (film, 1986)
17. Kişilər (film, 1979)
18. Köhnə bərə (film, 1984)
19. Köhnə dəbli komediya (film, 1981)
20. Kökdən düşmüş piano (film, 1982)
21. Qafqaz (film, 2007)
22. Qara "Volqa" (film, 1994)
23. Qəm pəncərəsi (film, 1986)
24. Qız qalası (film, 2000)
25. Mehmanxana sahibəsi (film, 1978)
26. Mezozoy əhvalatı (film, 1976)
27. Mən sənin dayınam (film, 2001)
28. Min birinci söz (film, 1997)
29. Nə gözəldir bu dünya... (film, 1999)
30. Odla qol-boyun (film, 2002)
31. Onun bəlalı sevgisi (film, 1980)
32. Ordan-burdan (film, 1987)
33. Ölsəm... bağışla (film, 1989)
34. Ötən ilin son gecəsi (film, 1978)
35. Özgə ömür (film, 1987)
36. Özgə vaxt (film, 1996)
37. Park (film, 1984)
38. Sarı gəlin (film, 1998)
39. Sarıköynəklə Valehin nağılı (film, 1980)
40. Şeytan göz qabağında (film, 1987)
41. Təhminə (film, 1993)
42. "Yapon" və yaponiyalı (film, 1990)
43. Yaramaz (film, 1988)
44. Yarasa (film, 1995)
45. Yol əhvalatı (film, 1980)
46. Yuxu (film, 2001)
47. Zirzəmi (film, 1990)

İstinadlar

https://news.milli.az/culture/249948.html == https://news.milli.az/culture/280514.html

https://news.milli.az/culture/381020.html