Yunanıstanın Yaponiyadakı səfirliyi
| Yunanıstanın Yaponiyadakı səfirliyi | |
|---|---|
 Səfirliyin binası | |
| Koordinatlar | 35°39′30″ şm. e. 139°43′33″ ş. u.HGYO |
| Yer |  Yaponiya |
| Ünvan | 3-16-30 Nişiazabu, Minato, Tokio |
| Yurisdiksiya |  Xarici İşlər Nazirliyi |
| Sayt | rəsmi saytı |
Yunanıstanın Yaponiyadakı səfirliyi (yun. Πρεσβεία της Ελλάδας στην Ιαπωνία; yap. 駐日ギリシャ大使館) – Yunanıstan Respublikasının Yaponiyanın paytaxtı Tokioda yerləşən səfirliyi. Yunanıstanın Tokiodakı səfirliyi (yun. Πρεσβεία της Ελλάδας στο Τόκιο; yap. 在東京ギリシャ大使館) kimi də tanınır.
Tarixi
[redaktə | mənbəni redaktə et]Yaponiya ilə Yunanıstan arasında diplomatik əlaqələr 1899-cu ildə "dostluq, ticarət və naviqasiya haqqında müqavilə" imzalanmasından sonra qurulmuşdur.[1]
Birinci Dünya müharibəsinin sonlarında – 7 mart 1918-ci ildə Tokioda Yunanıstanın Yaponiyadakı krallıq nümayəndəliyi[a] açılmışdır. Nümayəndəliyin ilk rəhbəri Dimitris Verenikis olmuşdur. Lakin bu nümayəndəlik beş il sonra – 9 fevral 1923-cü ildə bağlanmışdır.[2]
28 mart 1939-cu ildə Yunanıstanın Yaponiyadakı krallıq nümayəndəliyi Tokioda yenidən açılmışdır. Nümayəndəliyin rəhbəri təyin olunmuş Atanasi Qeorqi Politis Yunanıstan krallığı ilə Uzaq Şərqdəki Ox qüvvələri arasındakı diplomatik əlaqələrdən məsul olmuşdur.
6 aprel 1941-ci ildə Almaniya və İtaliya qüvvələri Yunanıstan krallığına daxil olaraq ölkəni işğal etmişdir. Mühacirətdə olan Yunanıstan hökuməti 6 dekabr 1941-ci ildə Yaponiya ilə diplomatik əlaqələrini kəsdiyini açıqlasa da, Yunanıstanın Yaponiyadakı nümayəndəliyi 9 mart 1946-cı ilə qədər rəsmi olaraq bağlanmamışdır.[2] İkinci Dünya müharibəsi illərinin sonunda Yaponiya hava üstünlüyünü itirdiyi üçün 13 ölkənin diplomatik missiyası Karuyzavaya təxliyə edilsə də, Yunanıstanın nümayəndəliyi həmin missiyalardan biri olmamışdır.[3]
19 may 1953-cü ildə Yunanıstan krallığı San-Fransisko müqaviləsini ratifikasiya etmiş və Yaponiya ilə diplomatik əlaqələrini bərpa etmişdir. 15 avqust 1959-cu ildə Tokioda Yunanıstanın krallıq nümayəndəliyi yenidən fəaliyyətə başlamışdır.[2] 18 oktyabr 1960-cı ildə bu nümayəndəlik Yunanıstanın Yaponiyadakı krallıq səfirliyi[b] statusuna qaldırılmışdır.[2]
21 aprel 1967-ci ildə Yunanıstanda baş vermiş hərbi çevriliş nəticəsində Yunanıstanda monarxiya ləğv olunmuşdur. Çevrilişdən beş ay sonra – 18 sentyabrda yeni səfir Dimitris Avramidis öz etimadnaməsini İmperator Hirohitoya təqdim etmiş və səfirliyin adından krallıq sözü çıxarılmışdır.
Missiya rəhbərləri
[redaktə | mənbəni redaktə et]10 mart 2022-ci ildən etibarən Yunanıstanın Yaponiyadakı səfiri vəzifəsini Dimitrios Karamitros-Tziras icra edir.[4]
Qeydlər
[redaktə | mənbəni redaktə et]İstinadlar
[redaktə | mənbəni redaktə et]- ↑ "Athens celebrates 120th anniversary of Greek-Japanese relations". Greek City Times (ingiliscə). 4 fevral 2019. 25 mart 2023 tarixində arxivləşdirilib. İstifadə tarixi: 31 mart 2024.
- ↑ 1 2 3 4 "The Embassy". Səfirliyin rəsmi saytı (ingiliscə). 31 mart 2024 tarixində arxivləşdirilib. İstifadə tarixi: 31 mart 2024.
- ↑ "Miyama-so". The 1st Japan-Swiss Academic Workshop (ingiliscə). dekabr 2010. 31 mart 2024 tarixində arxivləşdirilib. İstifadə tarixi: 31 mart 2024.
- ↑ "駐日ギリシャ大使の信任状捧呈". Yaponiyanın Xarici İşlər Nazirliyi (yaponca). 2023-04-06 tarixində arxivləşdirilib. İstifadə tarixi: 31 mart 2024.
Xarici keçidlər
[redaktə | mənbəni redaktə et]- mfa.gr/missionsabroad/ja/japan-ja/ — Rəsmi saytı
| Foto, video və audio |
|---|
