Zülfüqar Zülfüqarov

Zülfüqar Zülfüqarov
Zülfüqar Zülfüqarov
Doğum tarixi	3 dekabr 1913
Doğum yeri	Nuxa, Nuxa qəzası, Yelizavetpol quberniyası, Rusiya imperiyası;
Vəfat tarixi	9 iyul 1992 (78 yaşında)
Vəfat yeri	Bakı, Azərbaycan;
Elm sahəsi	kimya
Elmi dərəcəsi	kimya elmləri doktoru;
Elmi adı	professor;
İş yerləri	AMEA Kataliz və Qeyri-üzvi Kimya İnstitutu;
Təhsili	Azərbaycan Dövlət Neft və Sənaye Universiteti;
Mükafatları	;

Prof. Zülfüqar Hüseynqulu oğlu Zülfüqarov (3 dekabr 1913, Nuxa – 9 iyul 1992, Bakı) — azərbaycanlı alim; Kimya elmləri d-ru (1957), professor (1959), Azərbaycan EA-nın müxbir üzvü (1976)^[1]

Həyatı

Zülfüqar Hüseynqulu oğlu Zülfüqarov 3 dekabr 1913-cü ildə Şəki şəhərində anadan olmuşdur.^[1]

1936-cı ildə Azərbaycan Sənaye İnstitutunun Kimya-texnologiya fakültəsini bitirmişdir.^[1]

Elmi fəaliyyəti

1941-ci ildə namizədlik, 1957-ci ildə doktorluq dissertasiyalarını müdafiə etmiş, 1959-cu ildə professor elmi adını almışdır. 1976-cı ildə isə Azərbaycan EA-nın müxbir üzvü seçilmişdir.^[1]

1968–1970-ci illərdə Azəbaycan SSR EA Neft-Kimya Prosesləri İnstitutunda laboratoriya müdiri olmuşdur.^[1]

1970–1983-cü illərdə Azərbaycan SSR EA Qeyri-üzvi və Fiziki-Kimya İnstitutunun rəhbəri, 1983-cü ildən ömrünün sonuna kimi isə həmin institutda laboratoriya müdiri işləmişdir.^[1]

Zülfüqar Zülfüqarovun əldə etdiyi elmi nəticələr onun "Krekinq katalizatorlarının fiziki-kimyəvi xassələrinə sintez şəraitinin təsiri", "Azərbaycan bentonit gillərinin və qumbrinin fiziki-kimyəvi xassələri və ağardıcı qabiliyyətlərinin tədqiqi", "Modifikasiya olunmuş Y-tipli seolitlər əsasında heterogenləşdirilmiş katalizatorlar" və bir çox başqa əsərlərində öz əksini tapmışdır.^[1]

400-dən artıq elmi əsərin, 62 ixtira və patentin və 2monoqrafiyanın müəllifidir.^[1] Onun rəhbərliyi altında 7 elmlər doktorluğu və 47 fəlsəfə doktoru dissertasiyası müdafiə olunmuşdur.^[1]

Zülfüqar Zülfüqarov II dərəcəli "Vətən Müharibəsi" ordeni və müxtəlif medallarla təltif edilmiş, həmçinin 1974-cü ildə Azərbaycan SSR Ali Sovetinin Rəyasət Heyətinin Fərmanı ilə "Azərbaycan SSR əməkdar elm xadimi" fəxri adına layiq görülmüşdür.

9 iyul 1992-ci ildə 78 yaşında vəfat etmişdir.^[1]

İstinadlar

1 2 3 4 5 6 7 8 9 10 "AMEA-nın müxbir üzvü Zülfüqarov Zülfüqar Hüseynqulu oğlu". science.gov.az. AMEA-nın rəsmi veb-portalı. İstifadə tarixi: 22 avqust 2022.

[:PR-1] 1 2 3 4 5 6 7 8 9 10 "AMEA-nın müxbir üzvü Zülfüqarov Zülfüqar Hüseynqulu oğlu". science.gov.az. AMEA-nın rəsmi veb-portalı. İstifadə tarixi: 22 avqust 2022.

[1]