Şahzadə Mehmed (I Süleymanın oğlu)
| Şahzadə Mehmed | |
|---|---|
.jpg) | |
| Şəxsi məlumatlar | |
| Doğum tarixi | 31 oktyabr 1521 |
| Doğum yeri | |
| Vəfat tarixi | 7 noyabr 1543 (22 yaşında) və ya 6 noyabr 1543 (22 yaşında) |
| Vəfat yeri | |
| Dəfn yeri | |
| Atası | Sultan Süleyman Qanuni |
| Anası | Xürrəm Sultan |
| Uşağı | |
Şahzadə Mehmed (31 oktyabr 1521, Osmanlı imperiyası, Konstantinopol və ya İstanbul – 7 noyabr 1543 və ya 6 noyabr 1543, İstanbul) — I Süleymanın Xürrəm Sultandan doğulan və Manisa sancaqbəyi olan oğlu.
Həyatı
[redaktə | mənbəni redaktə et]Uşaqlıq və gənclik illəri
[redaktə | mənbəni redaktə et]Şahzadə Mehmed 1521-ci ildə Köhnə Sarayda dünyaya gəlmiş, uşaqlıq illərinin bir hissəsini məhz burada keçirmişdir. Elmə və incəsənətə meyilli, fiziki olaraq cılız bir şahzadə olan Mehmedin təhsilinə istər saray əhli, istərsə də atası I Süleyman diqqət yetirmişdir.[1] Atası Sultan Süleymanın Avstriya səfərinin ardından qardaşları Şahzadə Mustafa və Şahzadə Səlimlə birlikdə mğhtəşəm bir mərasimlə sünnət edilmişdir. 27 iyun 1530 tarixində başlayan mərasim 3 həftə boyunca davam etmişdir.[2]
1540-cı ildə böyük qardaşı Şahzadə Mustafanın Manisadan alınaraq Amasiyaya göndərilməsinin ardından Şahzadə Mehmed Manisa sancaqbəyi olaraq təyin olundu. İki il boyunca bu vəzifədə qalan Şahzadə Mehmedin bu vəzifəyə gəlməsində anası Xürrəm Sultanın da təsiri olmuşdur.
Ölümü
[redaktə | mənbəni redaktə et]Şahzadə Mehmedin 6 noyabr 1543 tarixində baş verən ölümü haqqında müxtəlif fərziyyələr var.[3] Bəzi tarixçilər onun o illərdə epidemiya olaraq yayılan çiçək xəstəliyindən vəfat etdiyini yazsalar da, bir qrup tədqiqatçı onun öz əcəliylə vəfat etdiyini qeyd edir.[3][4] Şahzadə Mehmedin məzarı İstanbulda atasının əmrilə 1543–1548 tarixlərində inşa olunan Şahzadəbaşı məscidində yer alır. Türbənin ən baş tərəfində Şahzadə Mehmed, orta hissəsində qızı Hümaşah Sultan, ən son hissədə isə kiçik qardaşı Şahzadə Cahangirin məzarları yerləşir. Məscidin həyətində isə bacısı Mihrimah Sultanın əri və dönəmin sədrəzəmi Rüstəm Paşanın məzarı yerləşir.
Mənbə
[redaktə | mənbəni redaktə et]- ↑ Köse, Osman (2010). I. Süleyman. Samsun: Ondokuz Mayıs Üniversitesi.
- ↑ IŞIK, Mehmet. "Siyaset ve Şenlik 1836 Sur-i Humayunu", İstanbul 2014
- ↑ 1 2 Öztuna, Yılmaz. Kanuni Sultan Süleyman. Babıali Kültür Yayınları, 2006. s. 174–189
- ↑ Uzunçarşılı, İsmail Hakkı (1951, yeni ed. 1998), Osmanlı Tarihi: İstanbul'un Fethinden Kanunî Sultan Süleyman'ın Ölümüne Kadar, Ankara:Türk Tarih Kurumu Yayınları
 | ||
|---|---|---|
| Ailəsi |  | |
| Sədrəzəmlər | ||
| Kaptan-ı dəryalar | ||
| Şeyxülislamlar | ||