Çarlz Dikkens
| Çarlz Dikkens | |
 |
|
| Doğum tarixi: | 7 fevral 1812-ci il |
|---|---|
| Doğum yeri: | İngiltərə |
| Vəfatı: | 9 iyun 1870-ci il (58 yaşında) |
| Vəfat yeri: | İngiltərə |
 |
|
Çarlz Dikkens (7 fevral 1812- 9 iyun 1870) — ingilis ədəbiyyatının ən məşhur yazıçı və roman müəlliflərindən biridir. Onun romanlarının və kiçik hekayələri hələ də dünya ədəbiyyatının ən məşhur nümunələrindəndir.
Dünya ədəbiyyatının görkəmli nümayəndəsi kimi tanınan Çarlz Dikkens ingilis ədəbiyyatında tənqidi realizmin banisi olmaqla yanaşı, həm də tanınmış yumor və satira ustasıdır. Onun yaradıcılığının ilkin dövrünə aid olan "Pikkviks klubunun qeydləri" adlı əsərində patriarxal İngiltərə təsvir olunur. "Oliver Tvistin macəraları" adlı romanında yoxsulların həyatını təsvir edərək şəxsi səadət naminə öz qəhrəmanını maneələrin dəf olunmasına çağırır.[1]
Əsərlərinin əksəriyyəti o dövrün ənənəsinə uyğun olaraq dövrü mətbuatda çap olunmuşdur. O əsərlərini hissə-hissə yazmışdır. Dikkensin əsərləri nəsrinin mükəmməlliyi və xarakterlərin bənzərsizliyi ilə bir çox görkəmli yazıçıların diqqətini cəlb etmişdir.
Mündəricat |
Həyatı [redaktə]
Onun uşaqlığı sakit bir dövrdə keçmişdir. Dikkens vaxtının çoxunu açıq havada mütaliə etməklə keçirmişdir. Atasının həbs olunmasından bir qədər əvvəl 12 yaşlı Çarlz gündə on saatlıq bir işə başlamışdı. Sonralar o həyatını avtobioqrafik roman olan "Devid Koperfild"də qeyd etmişdir.
1827-ci ilin mayında Dikkens hüquq bürosunda işə başlamışdır. 1828-ci ilin noyabrınadək burada xidmət göstərmişdir.
1833-cü ildə Çarlz Dikkens özünün ilk hekayəsi olan "Qütb gəzintisində nahar"ı Londonda nəşr etdirmişdir. 1836-cı ildə "Boz" təxəllüslü Dikkens özünün ilk romanını- "Pikvik qəzetləri"ni nəşr etdirməyə başlamışdır. Sonralar o "Oliver Tvist" "Nikolas Niklbay" " Devid Kopperfild " və s. əsərlərini yazmışdır.
2 aprel 1836-cı ildə evlənmişdir. On uşağı olmuşdur. 1842-ci ildə ABŞ və Kanadaya səyahət etmişdir.
1867-1868-ci illərdə yenidən Amerikaya səyahət etmiş və Emerson Fildz və başqaları ilə tanış olmuşdur. 1870-ci ildə vəfat etmişdir.
Yaradıcılığı [redaktə]
Onun bədii yaradıcılıq üsulu fantastika və realizmin birləşməsindən ibarətdir. Onun yaratdığı surətlər ingilis ədəbiyyatının ən yaddaqalan surətlərindəndir. Müəllifin müxtəlif əsərlərində avtobioqrafik elementlərə rast gəlinir.
Əsərləri [redaktə]
İstinadlar [redaktə]
- ↑ Mədəniyyət tarixi və nəzəriyyəsi. Ali məktəblər üçün dərslik M.J.MANAFOVA, N.T.ƏFƏNDİYEVA və S.A.ŞAHHÜSEYNOVANIN ümumi redaktəsilə. Bakı: Sabah nəşriyyatı (2008), 2010, 876 səh.
 |
Yazıçı ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |
