Vestminster abbatlığı
| Vestminster abbatlığı | ||
| Abidə haqqında məlumat | ||
|---|---|---|
| Azərbaycan dilində adı: | Vestminster abbatlığı, Müqəddəs Pavel kilsəsi | |
| Orijinal adı: | ing. Westminster Abbey; The Collegiate Church of St Peter, Westminster | |
| Tikili: | Kafedral kilsə | |
| Statusu: | UNESCO tərəfindən qorunan dini-tarixi və mədəniyyət abidəsi (1987) | |
| Ölkə: |  Böyük Britaniya |
|
| Şəhər: | London | |
| Tikintisi haqqında məlumat | ||
| Başlanıb: | 1045 | |
| Tamamlanıb: | 28 dekabr 1065 | |
| Sifarişçi: | Benedikt Mömin Eduard |
|
| Memarı: | Naməlum (ingilis kralı Mömin Eduard tərəfindən tikdirilmişdir) | |
| Memarlıq üslubu: | Qotika | |
| Digər məlumatlar | ||
| Vəziyyəti: | Fəaliyyətdə olan Abbatlıq, XI əsrdən ingilis monarxlarının tacqoyma mərasimlərinin keçirildiyi yer | |
| Saytı: | Rəsmi saytı | |
Vestminster abbatlığı, Müqəddəs Pavel kilsəsi (ing. Westminster Abbey; The Collegiate Church of St Peter, Westminster) - Londonda, Vestminster sarayının qərbində yerləşən, XI əsrdən ingilis monarxlarının tacqoyma mərasimlərinin keçirildiyi, dünya mədəni irsinə aid dini-tarixi və mədəniyyət abidəsi.
Özünəməxsus dördkünc qüllələrə və bəzəkli taclara malik qotika üslublu bu qədim ingilis abbatlığı orta əsrlər kilsə memarlığının bariz nümunəsidir. İngilislər üçün o daha böyük məna: tarix boyu uğrunda mübarizə apardıqları bir simvol, hökmdarların taxta çıxdığı və əbədiyyətə qovuşduğu bir yer - millətin müqəddəs dərgahı mənasını daşıyır.
Mündəricat |
Tarixi [redaktə]
Vestminster abbatlığının indiki yerində 750-ci ildə Benedikt tərəfindən əsası qoyulmuş monastır yerləşmişdir. 1045-1065-ci illərdə ingilis kralı Mömin Eduard (ing. Edward the Confessor) tərəfindən Roma memarlığı üslubunda yenidən tikdirilmişdir. Abbatlığın əlyazmalarına istinadən ilk ingilis kralı II Harold (1066) və onu devirmiş Fateh I Vilhelm bu kilsədə taxta çıxmışlar. Vestminster abbatlığı 1245-ci ildə III Henri tərəfindən ilkin qotika üslubunda yeniləşdirilərək bugünkü görkəmə salınmışdır. Qərb fasadı XV əsrə aiddir. Hər iki qülləsi 1722 və 1745-ci illərdə Xristofer Uren, Nikolas Hauksmur və Con Ceyms tərəfindən ucaldılmışdır.
Abbatlıqda dəfn edilmiş İngiltərə və Böyük Britaniya kralları və kraliçaları [redaktə]
- Mömin Edvard (1004-1066) və xanımı Edita Vesseks
- III Henri (1207-1272)
- I Edvard (1239-1307) və xanımı Kastiliyalı Eleonora (1241-1290)
- III Edvard (1312-1377) və xanımı Filippa Heynolt
- II Riçard (1367-1400) və xanımı Bohemiyalı Anna
- V Henri (1387-1422) və xanımı Yekaterina Valua
- V Edvard (1470-1483)
- VII Henri (1457-1509) və xanımı Yorklu Yelizaveta
- VI Edvard (1537-1553)
- Klevli Anna, VIII Henrinin dördüncü xanımı
- I Mariya (1516-1558)
- I Yelizaveta (1533-1603)
- I Yakob (1566-1625) və xanımı Anna
- II Karl (1630-1685)
- II Mariya (1662-1694)
- III Vilhelm (1650-1702)
- Anna (1665-1714), ilk Böyük Britaniya kraliçası və əri Danimarka şahzadəsi Georq
- II Georq (1683-1760) və xanımı Karolina fon Anzbax (1683-1737)
Abbatlıqda dəfn edilmiş digər monarxlar [redaktə]
- Anna Nevil (1456-1485), İngiltərə kralı III Riçardın xanımı
- Mariya Stüart (1542 - 1587), Şotlandiya kraliçası
- Yelizaveta Stüart (1596-1662), Şotlandiya şahzadəsi
Mənbələr [redaktə]
- Richard Jenkyns: Westminster Abbey. Cambridge, Mass. 2005. ISBN 0-674-01716-1
- Tim Tatton-Brown (Hrsg.): Westminster Abbey. The Lady Chapel of Henry VII. Rochester, NY 2003. ISBN 1-84383-037-X
