Üzərliktəpə

ÜZƏRLİKTƏPƏ
Xəritədə yeri Üzərliktəpə Məlumatlar
Ölkə	Azərbaycan
Bölgə	Ağdam
Yerləşdiyi ərazi	Ağdam şəhərindən Şərqdə yerləşir
Sahəsi	3 ha
Aid olduğu dövr	Orta Tunc dövrü
Statusu	Arxeoloji abidə
Vəziyyəti	Ermənilər tərəfindən yandırılıb

Üzərliktəpə - Azərbaycan Respublikasını Ağdam şəhəri yaxınlığında çoxtəbəqəli arxeoloji abidə.

Üzərliktəpə Ağdam şəhərinin şərq kənarında yerləşir, 3 ha sahəni tutur. Üzərliktəpədə üç inkişaf mərhələsini əks etdirən 6 metrlik qalın mədəni təbəqə əmələ gəlmişdir. Yaşayış yeri iri, kvadratşəkilli kərpicdən hörülmüş, eni 2 m olan müdafiə qalası ilə əhatə olunmuşdur. Qalanın şərq divarında giriş yolunun hər iki tərəfındə çöl üzdən düzbucaqlı dayaqlar hörülmüşdür. Yaşayış yeri güclü yanğından iki dəfə dağılmışdır. Bir evin döşəməsində daş həvəng, dəndaşı, çaxmaqdaşından oraq dişləri, cilalı qara qablar, tunc xəncər, iynə və başqa əşyalar vardı. İri gil qabda və torbada olan buğdanı tələsikdə apara bilməmişlər. Yanğından sonra müdafiə hasarı öz əhəmiyyətini itirir və Üzərliktəpə müdafiəsiz, açıq yaşayış məskəninə çevrilir. Azərbaycanın bütün Orta Tunc dövrü yaşayış yerləri üçün səciyyəvi olan düzplanlı tikililər burada da inşa olunurdu.

Üzərliktəpənin dulus məmulatı sadə və boyalı qablar qrupuna bölünür. Birinci cilalı qablar qrupu yaşayış yerinin bütün mərhələlərində davam edərək, bir neçə əsr ərzində dulus məmulatının müxtəlifliyini və inkişafını aydın əks etdirir. Onun bəzi nümunələrinin cızma naxışları ağ maddə ilə doldurulmuşdur. Üzərliktəpənin ikinci mərhələsində təmiz gildən yaxşı bişirilmiş, üzərində birrəngli boya naxışları olan qırmızı qablar meydana gəlir.

Üzərliktəpədə misəritmə istehsalı ilə əlaqədar qalıqlar aşkar olunmuşdur. Orada posa (şlak) parçası, həm də piyalə formalı gil buta tapılmışdır.

Bu məqalənin azərbaycan dili əlifbasının ərəb qrafikası ilə qarşılığı vardır. Bax: اوزه رلیک تپه