Aleksandr Fleminq

Vikipediya, açıq ensiklopediya
Keçid et: naviqasiya, axtar
Aleksandr Fleminq
Sir Alexander Fleming
Alexander Fleming 3.jpg
Doğum tarixi: 6 avqust 1881(1881-08-06)
Doğum yeri: Lokfayld, Eyrşir Flag of Scotland.svg Şotlandiya
Vəfatı: 11 mart 1955 (73 yaşında)
Vəfat yeri: London Flag of England.svg İngiltərə
Vətəndaşlıq: Flag of the United Kingdom.svg Böyük Britaniya
Elm sahəsi: Bakteriologiya
İmmunologiya
Tanınır: Pensilinin kəşfi
Mükafatları: Nobel mükafatı Fiziologiya və tibb üzrə Nobel mükafatı (1945)
İmzası İmza

Aleksandr Fleminq (ing. Sir Alexander Fleming, 6 avqust 1881-ci il11 mart 1955-ci il, London) — pensilini kəşf edən şotland əsilli Böyük Britaniya bakterioloqu.

Fəaliyyəti[redaktə | əsas redaktə]

Aleksandr Fleminq Şotlandiyanın Lokfayld şəhərində anadan olub. İki il Kilmernokdakı akademiyada təhsil aldıqdan sonra Birinci Dünya Müharibəsi başlayana qədər Müqəddəs Meri xəstəxanasında işlədi. Müharibə dövründə cəbhələrdə oldu. Cəbhələrdə qulluq etdiyi müddət ərzində əskərlərin infeksiyalar səbəbindən qorxunc şəkildə ölmələrinə şahid olmuşdu. Müharibədən sonra Müqəddəs Meri xəstəxanasına geri döndü və tədqiqatlarını antiseptiklər mövzusunda gücləndirdi.

Aleksandr Fleminq hər iki kəşfini də 1920-ci illərdə təsadüf nəticəsində etmişdir. İlk kəşfi olan lizosom Aleksandr Fleminqin içində bakteriya şəbəkəsi olan qabların içinə asqırması nəticəsində meydana gəlmişdir. Bir neçə gündən sonra müşahidə etdi ki, mukusla təmasda olan bölgədəki bakteriyalar ölüb.[1]

Londonda Müqəddəs Meri xəstəxanasında (ing. St. Mary's Hospital) peyvənd bölməsində işlədiyi 1924-1948-ci illərdə elmi tədqiqatlar aparmışdı. 1927-ci ildən pensillium növündən olan bir kifin xüsusiyyətlərini tədqiq etməyə başladı. Çibanlara səbəb olan bakteriyaların çoxaldılması zamanı havadan gələn bəzi sporların onu göy-yaşıl rəngli bir kif ləkəsi kimi əhatə edərək bakteriyaları öldürdüyünü müşahidə etdi. 1927-ci ildə pensilliumla bağlı bakterioloji tədqiqatlarını bitirməsinə baxmayaraq maddi çatışmazlıqlar səbəbindən maddənin istehsalı 1939-cu ilə qədər ləngidi. Ser Houard Flori, Ernst Çeyn kimi alimlər ona kömək etdilər. Birlikdə pensilinin farmakoloji və klinik tədqiqatlarını Oksfordda bitirdilər. Sənaye üsulu ilə pensilin istehsalına ilk dəfə ABŞ-da başlandı. Ona kömək edən iki dostu ilə birlikdə 1945-ci ildə Fiziologiya və tibb üzrə Nobel mükafatı ilə təltif olundular.[2][3][4][5][6][7] Aleksandr Fleminqin yazmış olduğu ən əsas əsəri Pensilinin praktikada istifadəsi adlı kitabıdır.

Pensilin[redaktə | əsas redaktə]

Aleksandr Fleminqin laboratoriyası həmişə dağınıq olurdu. 1928-ci ilin sentyabr ayında bu vəziyyət onun üçün faydalı oldu. Laboratoriyasının müxtəlif yerlərinda olan sınaqlarını nizamlamağa çalışırdı. Onları sıralayarkən hər birini diqqətlə nəzərdən keçirirdi. Bu zaman qəribə göbələk koloniyası müşahidə etdi. Bu göbələk koloniyası qızılı stafilokokk bakteriyası olan qablarda inkişaf etmişdilər. Diqqətlə tədqiq etdikdən sonra Aleksandr Fleminq bu göbələklərin zərərli bakteriyaları öldürdüyünü müşahidə etdi. Bunun əhəmiyyətini başa düşdü və 1929-cu ildə pensilin adlandırdığı maddənin kəşfi ilə bağlı məqaləsi dərc olundu.[8]

Aleksandr Fleminq adətən bağça torpağı ilə tədqiqatlarını apardırdı. Bu kimyaçı üçün olduqca çətin iş idi, çünki bağça torpağını analiz etmək, ələmək, içində düzgün göbələkləri çoxaltmaq uzun və zəhmət tələb edən prosesdi. O, kəşfini daha da təkmilləşdirə bilmədi. Onun kəşfinin hal hazırki vəziyyətinə gəlməsi iki alimin, Houard FloriErnst Çeyn adı ilə bağlıdır. Onlar pensilini təkmilləşdirərək təsirli hala gəlməsini həyata keçirtdilər. Bu tədqiqatlar nəticəsində İkinci dünya müharibəsi və daha sonralar çoxlu insanın həyatı xilas oldu.

Mükafatları[redaktə | əsas redaktə]

Aleksanr Fleminq tədqiqatlarındakı uğurları səbəbindən 1944-cü ildə cəngavər tituluna layiq görüldü.[9] Fleminq, Flori və Çeyn 1945-ci ildə Fiziologiya və tibb üzrə Nobel mükafatı ilə təltif olundular. İkinci dünya müharibəsində kəşfi nəticəsində milyonlarla insanın həyatının xilas olması Fleminq üçün daha önəmli idi.

Aleksandr Fleminq Maykl Hartın yazdığı Tarixin ən nüfuzlu xadimlərinin siyahısı (ing. List of the Most Influential Figures in History) əsərində 43-cü yerdə idi. O, həmçinin rəssam Ceyms Makneyl Uistlerin dəvəti nəticəsində 1891-ci ildə qurulmuş və hər sahədən üzvləri olan Çelsi İncəsənət Klubunun üzvü olmuşdur. Fleminq mikrob rəngləmələri ilə kluba üzv qəbul olunmuşdur. Bakteriyalar görünməz idi. Fleminq onları parlaq rənglərlə boyayaraq görünmələrini təmin etmişdi. Bu üsuldan hələ də laborotoriyalarda istifadə olunur.

Ölümü[redaktə | əsas redaktə]

Aleksandr Fleminq 11 mart 1955-ci ildə 73 yaşında olarkən ürək tutması nəticəsində öldü.[2] Kəşfi ilə çağdaş tibbin antibiotiklərə yanaşmasını dəyişdirmiş, milyonlarla insanın həyatını xilas etmişdir.

Həmçinin bax[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]

  1. Fleming, A. (1 May 1922) "On a remarkable bacteriolytic element found in tissues and secretions," Proceedings of the Royal Society B, 93 (653): 306–317.
  2. 2,0 2,1 "Alexander Fleming Biography". Les Prix Nobel. The Nobel Foundation. 1945.
  3. McIntyre N (2007). "Sir Alexander Fleming". Journal of medical biography 15 (4): 234.
  4. Hugh TB (2002). "Howard Florey, Alexander Fleming and the fairy tale of penicillin". The Medical journal of Australia 177 (1): 52–53
  5. Raju TN (1999). "The Nobel chronicles. 1945: Sir Alexander Fleming (1881-1955); Sir Ernst Boris Chain (1906-79); and Baron Howard Walter Florey (1898-1968)". Lancet 353 (9156): 936.
  6. Mazumdar PM (1984). "Fleming as Bacteriologist: Alexander Fleming". Science 225 (4667): 1140–1141.
  7. Robert Cruickshank (1955). "Sir Alexander Fleming, F.R.S". Nature 175 (4459): 663.
  8. Fleming A (1980). "On the antibacterial action of cultures of a penicillium, with special reference to their use in the isolation of B. influenzae. (Reprinted from the British Journal of Experimental Pathology 10:226-236, 1929)". Clin Infect Dis. 2 (1): 129–39.
  9. "People of the century". P. 78. CBS News. Simon & Schuster, 1999